Nsaŋ 1:14 - BII BILA

¹⁴ Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Nsaŋ 1:14 Referans Kwoze

1Nsaŋ 4:9

Tofa vɔ mɛɛ kaola Hala-o cɔmnun naa yɛ: Hala vem Po ndɔ pilɔɔ o ceendo coo, haliko mi n va yoomu ndu o ba bɛngu.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Nsaŋ 1:1

O kandɔɔ Sɔɛi va, Sɔɛi va Hala ikɛi, Sɔɛi Hala i co ni.

Kalatea 4:4

Kɛ telenndo tiiyaa, mí Hala viam Po ndɔɔ, o vanalanɔɔ velu-o, o velun o tɔŋndo bɛngu-o,

Esai 40:5

O kon, biilu Mɛlɛka-o fulanin ceen, o telen pilɛ kon, vanndacieea kpow canin ndu. Kani Mɛlɛka o sondo sɔɛi he fula ni.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Nsaŋ 6:51

Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»

Kolɔsea 1:19

Kani mí ɲɔɔ hɛnan Hala le vaa o peelanndo o Po ndɔɔ nin,

1Korɛntea 15:47

Adam tasoo a puuloo Mɛlɛka toosiaa ndu ni, kɛ o diinndɔɔ ndu, o halataala o fula ni.

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Condii lisai 2:7

I yondanin sɔɛi Mɛlɛka kelu-e kpélén. O dimul-la aa: «Nɔm co po nuu ni. Kandɔɔ hau, ya co fuɲa nɔm ni.

1Nsaŋ 4:14

Naa yɛ, cɔu naa n ce ni, mí n va seilen timbio maa Pua vem Poo ni, mò va vana ciindiaa le ceendo kpede.

Kolɔsea 2:9

Kani ɲɛ-ɲɛ co o Hala nin, mí kon cua diallon Krista-on, nduyɛ o co ndu nin o peelan ca.

2Nsaŋ 1:7

Vanaa luei vannda o pɔwlan nin-nda kui o ceendo coo taw, a kɛɛ le sɔlɔlanndo maa o falon nin Yeesu Krista hin lekɛ́ndɛi ni. Nduyɛ vanaa vaa lende a co vannda malɔɔ o pɔwlan nin ni, yaamɔa-Krista-a nda co ni.

Esai 53:2

O hindu Mɛlɛka o hɔl maa tɛyii piɔl o yɔm tumndo-e, maa puundule fula o lɛŋnde kalonkalonnden nin-nden. Ndóò nɔ naŋɔɔ, te kon te naŋɔɔ tosa mi náà n muli hɔlla o ndu lo le, hɔlaa ndɔa ndáà nɔla mi ndáà pilan naa kɔl te.

Dɛnnda cɔɔmuanndan 21:3

Mí tuɛi diom bɛndoo pum fulaa a ba kpɛŋɛ lemasaa aa: «La tofa vɔ Cɛi-Diandaa Hala-o vanndacieea tɛɛn! O vanin nda tɛɛn, a vanin vanaa ndɔa, mì Hala pila va a nda latulu.

Hebreea 5:5

Krista bɛɛ, o co ndu pila le kennun bɛɛle len le siŋnɔnndo bolle vanaa-solia-lasálàá le, Hala o ba o sɔla dí kon ni, mó dimul ndu aa: «Nɔm co po nuu ni, kandɔɔ hau, i siŋnun Fuɲa nɔm.»

Hebreea 10:5

Lelan telen Krista va luɛyɔɔ o ceendo nin-ndo, mó dimul Hala aa: «A yeema lasálà le, a yeema ɲɛm-kéa le, kɛ má toosiaa ya kɔɔlen.

Nsaŋ 11:40

Mí Yeesu dimul ndu aa: «I dimul nɔm, maa taa laalan pɛ, a canin biilu Hala-o?»

Nsaŋ 3:16

Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.

Nsaŋ 2:11

Dɛnɛ Yeesu tosa kon Kana o tàndá Kalile-o nin-ndo yɔŋnun kaamaa ndɔ tasoo ni. Mó cɔm biilu ndɔɔ, o kon mí kaandeŋaa ndɔa laalan ndu.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Hebreea 1:5

Lepilɛ bɛɛ o dimul mɛlɛkanɔ kɛ́-kɛ̀ le aa: «Nɔm co po nuu ni, kandɔɔ hau, i siŋnun Fuɲa nɔm.» Nduyɛ, lepilɛ bɛɛ vɛlɛ o dimul lɔ mɛlɛkanɔɔ pum te aa: «Ya co va fuɲaa le nɔm ni, mì nɔm va po nuu.»

Nsaŋ 14:9

Mí Yeesu dimul ndu aa: «O co lɛhau le naa n co latulu naa niaa le Filipe, yee a kon kpede a sina vɔ ya le? Vana ce ya pɛ, mɛɛ Pua o ce lende ni. Le yɛɛ n co yɛ vɛlɛ dimio aa: ‹Cɔm naa Pua›?

Luke 9:32

Piɛr a vanaa va ndu kɔɔli-a a vannun o lɔan cundun. Kɛ ndáà tiondɔɔ, má ca biilu Yeesu-o a vanaa ŋiɔŋaa va ndu isisi ikɛi-ya.

Nsaŋ 17:22

Ya yɛ, i cii nda biilu n yɔngu ya-o yɔngu, haliko ma va ɲɛ pilɛ maa mɛɛ naa n co ɲɛ pilɛ naa ŋiɔn yɛ.

Nsaŋ 3:18

Yamɛi co le vana laalan ndu-o le, kɛ yamɛi vana laalan ndu loo i cuu nin kiolɔɔ, kani o laalan Po pilɛ Hala-o le.

Luke 2:11

Vana Ciindiaa vilun niaa hau o Kobi David-o nin, ndu co Krista ni, Maalii pɛɛn.

Condii lisai 45:2

Kɔllo co ya yusaa nin le sɔɔn kɛndɔn dimio, i co dimio aa: Le masaa dɛnnda nilan la co ni. Màá diɛɛmule nilen le siŋnun maa kpɛ̀kile vana sɛvaa kɔlkaloo!

Hebreea 2:11

Yeesu dindi vanndacieea le hakila ndalan. Vana dindi vannda-o a vanaa o dindi-a kpow, fuɲa pilɔɔ nda nɔ ni. Lelan, siɛmbula ve ndu le nda veeloo aa puapilɛa le.

2Korɛntea 12:9

Kɛ mó dimul-la aa: «Kɛndɛi nii tiw nɔm. Kani o yoomuma lepɛŋndan nin kpaaya nuu cɔmnùn ni.» Lelan, o co fisa mì kuundian o yoomuma nima lepɛŋndan nin, haliko mi kpaaya Krista-o va ya coo.

Matie 1:16

Yakɔb yɔŋnun fuɲaa Yosɛf ni, pɔnɔɔ Mari, o velu Yeesu-o, Krista pɛɛn.

Kolɔsea 2:3

O ndu nin kɔlkaloo a dɛnɛ sinaa kpow vennun ni.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Rɔmnda 9:5

A fuɲaa ndaa mamaa yɔŋnun vanaa bɛndua o laalanndo nin-nda, a Krista co ɲɔɔn kpow bollen-ndo fula o polale ndalen coo o falon nin-nda. Màá biiloo va le Hala le fɛɛn a fɛɛn! Amiina!

Luke 2:7

Mó vialu po ndɔ tasoo. Mó simbul ndu o kolaa nin, mó yambu ndu nɛɛ nda dow cɔlua billo-a, kani a sɔla fonda o cɛi yiyaa mialla nin te.

Dɛnnda kiilaa 13:33

o cii ndu peelu le naa a mingi o mingi Yeesu yoomu fulaa vanvílɛ́iya tɛɛn-ndo, naa cuavaa ndaa imamaa pɛɛn, maa mɛɛ o co o sɛvaa o Sɛbɛ condii lisɛi nin bolle ndii ŋiin yɛ aa: ‹Nɔm co po nuu ni! Kandɔɔ hau, ya co fuɲa nɔm ni.›

Condii lisai 85:9

I tuɛi ɲɛ Mɛlɛka dimio, o co sɔɛi le kɔlɲulu vanaa ndɔa a vanaa laalan ndu-a, haliko a muungu lɛ o diɔmii ndɛi nin te.

Esekiɛl 37:27

Calta nilan la vanin nda tɛɛn, i vanin Hala ndaa mì nda va vanaa nia.

Nsaŋ 8:32

la sinanin toɲaa, mì toɲaa soli niaa o cɛlen nin.»

Nsaŋ 17:24

Pua, i yeema mì vanaa n ke ya-a bɛɛ va naa ndaa latulu nɛɛ ya co-a, haliko ma mɛɛndian biilu nuu, o n ke ya-o pɛɛn, kani lɔ́ɔ́ pá mì ceendo cɔawnun, nɔm óò kaola nin ya.

Nsaŋ 18:37

O kon mí Pilate ɲuna ndu aa: «Mɛɛ masaa n co lekɛ́ndɛi ni?» Mí Yeesu muli aa: «Nɔm pila cii dimi, masaa ya co ni. Lelan ya velun ni mí hun o ceendo coo, haliko mi tɛnda seile toɲalen. Vana-vana yeema pɛ toɲaa, ndu bii sɔɛi nii ni.»

Dɛnnda cɔɔmuanndan 19:13

Doma bɛndu nda yin o koovan nin-ndo va ndu lekɔɔ. Diolan ndu aa: «Sɔɛi Hala-e.»