Nsaŋ 1:13 - BII BILA

¹³ A vilun o Hala nin mɛɛ vanacieo vialun yɛ le, te kon te mɛɛ hɛnan vanacieo co yɛ, kɛ Hala ke nda yoomu sɛnɛiyo ni.

Nsaŋ 1:13 Referans Kwoze

1Nsaŋ 3:9

Vana-vana velun pɛ o Hala nin, ndu hiw laci a hakio tosaa le, kani yɛi Hala-o co ndu nin, o nɔla hakio tosaa le, kani cua Hala-o o co ni.

Nsaki 1:18

O velu naa a sɔɛi toɲɛi mɛɛ hɛnan ndɔɔ co yɛ, haliko mi n va vanaa tasea o ɲɛm o cɔw-von tɛɛn.

1Piɛr 1:23

niaa velun a sɛnɛi, o co o yɛi vu-o nin te-a, kɛ o yɛi vi loo nin a sɔɛi Halɛi kiyɛyii hiw lɔ́ɔ́-lɔ́ɔ̀ lei nin-nda.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

1Nsaŋ 5:4

kani vana-vana co pɛ cua Hala-o, nɔlaa o nɔla ceendo ni. Ɲɛ tosa yɛ mì n nɔla ceendo-o, ndu co laalan naa ni.

1Nsaŋ 4:7

Caaŋaa nia hɛnan ya-a, n kaolian vellaa-velle, kani Hala o ba kaolaa fula ni, nduyɛ vana-vana kaola pɛ, mɛɛ o Hala-o co kon ni, o sina Hala.

Tite 3:5

mó ciindiaa naa, o ve le dɛnnda sandaala naa pila n tosa lan te, kɛ le ɲíí o tuinun naa-e. Mó ciindiaa naa a kpaaya Hala Kɔl-Diandaa, mó pulu naa pulɔɔ sɛnɛi-yo.

Filipea 2:13

Kani Hala co tosaa ni mì la va hɛnan ndɔɔ tosaa mɛɛ tuu ndɔɔ co yɛ.

1Korɛntea 3:6

Ya Pol tɔl ni, mí Apolɔs pɔɔliaa, kɛ mí Hala tosa mí tɔlɔɔ hindu.

1Nsaŋ 5:1

Vana-vana laalan pɛ maa Yeesu co Krista ni, mɛɛ ndu velun o Hala nin, vana-vana kaola pɛ fuɲaa, kaolaa o kaola vɛlɛ cuavaa fuɲa kon velu-a ni.

1Nsaŋ 5:18

N sina maa vana-vana velun pɛ o Hala nin, ndu hiw lɛ laci a hakio tosaa le. Kani Po Hala-o co ndu kandaa, Vana Vɔɔndo nɔ lɛ kpaaya ndu coo le.

Nsaŋ 3:3

Mí Yeesu mulul ndu aa: «I co nɔm toɲaa dimul, vana-vana nɔla mò ce masale Hala len te, mɛɛ mò velun violɔn sɛnɛi.»

Matie 3:9

La yiyan te maa o tiw le diminndo o lakɔl te aa: ‹Abraham co fuɲa naa mamaa ni!› Kani, mì dimul niaa, hali o powtan-ndan, Hala nɔla mò solul Abraham cuawva.

Condii lisai 110:3

Paale n cuungiaanin vanaa nɔmaa cɔwva o pembii diandɛi coo le cɔwvo len, langbaa felengia dialun fulaa liilanin nɔm. A hunnin nɔm o hɔl o pembun diandan coo mɛɛ kɛmndan ma fula idii nuaa yɛ.

O Kandɔɔ 25:22

Mɛɛ pɛndua va kuindianndo ndu o dembe, mó koŋul aa: «Kpòkóó! Te nuaa i co ni, le yɛɛ niko mí cua folio?» Mó kɔ ɲuna Mɛlɛka.

1Piɛr 2:2

Maa mɛɛ cɛlɛkpɛa yeema mɛɛyan yɛ, la kaola mɛɛma sɔɛi Hala-an lende, haliko mi la hindu, mi la sɔla cindaa,

O Kandɔɔ 27:33

Mí kɔllo fula Isaak vúm, mó ɲiiya. Mó ɲunan aa: «Kɛ nɛ̀ɛ́ bii yɛ nin hoo visi ledoosoo mó toosial-la ndu, mó cuu ya? I cii nihau ɲɛmahiloo dio malan nɔm hun a o nɔmndo. I cii vana cuu ya ɲɛmahilu kon-ndo duaa dɔvɔɔ. Nduyɛ duaa kon feŋan ndɛnin ndu coo le.»

O Kandɔɔ 25:28

Esau Isaak ndóò hiow kaola, kani ɲɛmahilu ledoosoo Isaak ndóò yeema ni. Kɛ Yakɔb Rebeka ndóò hiow kaola.

O Kandɔɔ 27:4

A hin pɛ a visin mun, a toosial-la mun mɛɛ ya yeema mun yɛ, a ke ya i de. I cii pɛ mun dio, i dɔw nɔm duaa telen pá ya vu.»