Nsaŋ 1:12 - BII BILA

¹² Kɛ nduyɛ, vanaa cɛl ndu-a kpow, a laalan o diola ndɔlan-nda, mó ke nda dio le siŋnɔnndo cuavaa Hala-a.

Nsaŋ 1:12 Referans Kwoze

Kalatea 3:26

Kani mɛɛ niaa co kpede, cuavaa Hala-a niaa co le laalan niaa laalan Yeesu Krista-o ni.

Rɔmnda 8:14

Kani vanaa-vanaa Kɔl Hala-o co simndan laci, nda co cuavaa Hala-a ni.

1Nsaŋ 3:1

La ce mɛɛ Pua kaola naa yɛ nɛ! Kani o veelu naa aa cuavaa Hala-a. Nduyɛ nda naa n co lekɛ́ndɛi ni. Lelan bɛɛ ceendo sínà naa le ni, kani o sínà Hala le.

Kalatea 4:6

Le mɛɛ niaa co cuavaa vialaa yɛ Hala luei Kɔl Po ndɔɔ naa o lakɔl ni, ndu co naa vomɔɔ Hala veeloo ni aa: «Pua!»

Nsaŋ 3:18

Yamɛi co le vana laalan ndu-o le, kɛ yamɛi vana laalan ndu loo i cuu nin kiolɔɔ, kani o laalan Po pilɛ Hala-o le.

Kolɔsea 2:6

Lelan, mɛɛ niaa cɛl Maalii Yeesu Krista nuaa yɛ, la kela niko mɛɛ dɛnnda ndɔlan la co yɛ.

Matie 10:40

«Vana cɛl pɛ niaa, mɛɛ ya o cɛl ni. Vana cɛl-lɛ ya pɛ, mɛɛ vana vem ya-o o cɛl lende ni.

Esai 56:5

i yɔngunin nda pow sálàá a diolan tɔ́ɔ́lan o cɛi nuu nin, o kpakila nilan nin pɛɛn, mò hiow poaa a cuavaa laandua vaa fisa, I yɔngunin nda diola fɛɛn-fɛɛnndan, la ɲumnin lɔ́ɔ́-lɔ́ɔ̀ le lan.

Nsaŋ 20:31

Kɛ mun sɛvan haliko mi la laalan maa Yeesu co Krista ni, Po Hala-o pɛɛn. O kon la laalan pɛ, la sɔla yoomoo o diola ndɔlan.

2Piɛr 1:4

O ndu nin o dimi le naa dɛnnda bɛndula sɔvɛlan tosallo ni, haliko mi la va o halayɛi ndɔɛi nin, mì la ɲaanun yeemɛi vɔɔŋii co o ceendo coo-e.

Matie 12:21

O kon vanaa-mangalaa-isɔɔa kpede a sɔlanin tiindanndo o diola ndɔlan.»

1Nsaŋ 3:23

Tɔŋ ndɔ kon co yɛ hoo ni: n laalan o diola Yeesu Krista Po ndɔ lan, mì n kaolian vellaa-velle maa mɛɛ sɔɛi o dimul naa-e co yɛ.

Yeremi 3:19

«Mí ya pila va dimio maa i yeema mi siinguu niaa po tasoo cuavaa niaa coo, mì ke niaa lɛŋnde kɛndɛ-kɛndɛlen, lɛŋnde hiow naŋɔɔ o lɛŋii tɔ̀ɛi tɛɛn-nden. I va yiyanndo maa la veelunin ya aa: ‹Fuɲa naa›, maa la mulul-lɛnin ya kɔɔ le few.

Dɛnnda kiilaa 3:16

A laalanndo a o diola Yeesu lan langbanɔ niaa co hoo cɔu, mì la sina ndu-o simul nuaa ni. Le laalan o laalan o diola Yeesu lan-ndo o sɔla siongɔɔ niaa kpow o hɔl nuaa ni.

Nsaŋ 11:52

O va vu le lɛŋnden, kɛ mì ndóò mɔɔsiaa vɛlɛ cuavaa Hala-a co a sɛŋiannda-a, haliko ma muungu dialle ndii pilɛ.

Nsaŋ 1:7

Maa sei o hin ni, le seilen timbio a ɲɛ-tengaa kon o kɔɔ, haliko mi vannda kpow a laalan ndu.

Matie 18:5

Nduyɛ vana-vana cɛl pɛ cuaambɔ pɔmbɔɔ maa hoo o diola nilan, mɛɛ ya pila o cɛl ni.»

Nsaŋ 2:23

Telen Yeesu va Yerusalɛm o kafo-hiavaa-coo-o, mí vanaa bɔɔ-bɔɔ laalan o diola ndɔlan, lɔ́ɔ́ nda ce dɛnnda kaamaala o va tosaa lan-ndo pɛɛn.

Nsaŋ 1:11

Mó hun o vanaa ndɔa lo, kɛ vanaa ndɔa cɛl ndu le.

Rɔmnda 8:16

Kɔl-Diandaa pila co seilen solio o kɔlta naalan-ndo maa cuavaa Hala-a naa n co ni.

Rɔmnda 8:19

Ɲɛm Hala cɔw-von kpede n co telen Hala hun cɔmnin biilu cuavaa ndɔa-o cumndo a yeemɛi bɛnduei.

1Nsaŋ 3:2

Caaŋaa nia hɛnan ya-a, cuavaa Hala-a naa n co nin ni, mɛɛ naa n hun vanin yɛ cɔmnun ndɔ le, kɛ i naa n sínà-e co ni maa telen Krista fulanin ceen-ndo, maa ndu naa n vanin ni, kani n canin ndu mɛɛ o co yɛ.

1Nsaŋ 3:10

Mɛɛ vana sínà cuavaa Hala-a a cuavaa masa ɲinaa vɔɔnda yɛ co hoo ni: vana-vana tosa dɛnɛ sandaa le, vana-vana kaola vɛlɛ puapilɛ ndɔɔ le, mɛɛ ndu co o Hala le.

2Samiɛl 7:24

Nɔm Mɛlɛka siinguu Israɛlla vanaa nɔmnda le fɛɛn a fɛɛn ni, nɔm siŋnun Hala ndaa ni.