Nsaŋ 1:10 - BII BILA

¹⁰ O va o ceendo coo. A ndu ceendo toosian ni, kɛ ceendo sina ndu le.

Nsaŋ 1:10 Referans Kwoze

Nsaŋ 17:25

Pua Sandaa, ceendo sina nɔm te, kɛ ya, i sina nɔm, vannda sina maa nɔm vem ya ni.

1Nsaŋ 3:1

La ce mɛɛ Pua kaola naa yɛ nɛ! Kani o veelu naa aa cuavaa Hala-a. Nduyɛ nda naa n co lekɛ́ndɛi ni. Lelan bɛɛ ceendo sínà naa le ni, kani o sínà Hala le.

1Korɛntea 2:8

O ceendo ho coo, kpaayala kɛ́-kɛ̀ sínà kɔlkalu kalaa le, kani te láà sínà ndu pɛ, la ve Maalii biiloo bɛnda-o baŋɔɔ o yɔm singafilaa coo le.

1Korɛntea 1:21

Le mɛɛ ceendo a kɔlkalu ndɔɔ siná Hala o kɔlkalu ndu Hala-o nin te yɛ, mí ɲɔɔ hɛnan Hala le vanaa laalannda ciindiaa a sɔɛi ndɔɛi vannda co ken cɔu diɔmnde-e.

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Hebreea 11:3

N laalàn Hala, lelan naa n bii bila ni maa a Sɔɛi Hala cɔw ceendo ni. O kon mí ɲɛm vana ca-on toosian a kpaaya ɲɛm vana ci le-on.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Nsaŋ 1:5

Nduyɛ, ɲɛ-tengaa co tengaa o ɲumndan nin, kɛ ɲumndan ma cɛl ndu le.

Dɛnnda kiilaa 14:17

Kɛ nduyɛ, Hala co niaa dɛnnda kɛndɛlan tosallo lɔ́ɔ́-lɔ́ɔ̀: kani o co niaa piɔɔ tuisullo fulaa o halataala o telen bɛnda-o, o co niaa vɛlɛ baloo yɔngoo mì kɔlta niaalan la va piɔu a ɲaaloo.»

Nsaŋ 5:17

Kɛ mí Yeesu dimul nda aa: «Haa hau, Fuɲa nuu co hiovɔɔ laci a vallo tosaa, ya bɛɛ i co vallo.»

O Kandɔɔ 16:13

Mí Akar pila ɲunan aa: «Mò va maa cɔu ya ce Hala co ya hoo cɔu nanu-o ni?» Mó ke Mɛlɛka diolan aa Ata-Ɛl-Royii (kon co dimio ni aa «Nɔm co Hala co ya cɔu-vo ni»).

O Kandɔɔ 18:33

Mɛɛ nda cii suukanndo nda Abraham, mí Mɛlɛka kɔannun, mí Abraham ndu muungu o ndu lo.

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

Esai 53:3

Vana vannda ndáà pɛɛsa ma kɛɛ-o o va ni, vana ɲɛ kindilaa o va ni, vana dema sangaa sɔla-o o va ni. Maa vana vannda feŋal hɔlla-o o va ni, ndáà tɛɛndan ndu bɔɔ, ndáà ci ndu ɲɛ-ɲɛ le.

Nsaŋ 1:3

A ndi ɲɛ-ɲɛ cɔwnun ni, ɲɛ-ɲɛ cownun ndi kɔɔli le.

Nsaŋ 1:11

Mó hun o vanaa ndɔa lo, kɛ vanaa ndɔa cɛl ndu le.

1Korɛntea 8:6

kɛ, le naa naa, n sínà maa Mɛlɛka ndu pilɛ kpé co ni, Hala Fuɲaa, o cɔw ɲɔɔn kpow-vo. Nduyɛ le ndu naa n co yoomu ni. Maalii ndu pilɛ kpé co vɛlɛ ni, Yeesu Krista, o ɲɔɔn kpow n fula o ba-o, le ndu naa n co yoomu ni.

Kolɔsea 1:16

kani o ndu nin ɲɔɔn kpow n cɔwnun ni, mun o halataala a mun o lɛŋnden coo, ɲaa yoomaa vana ca-a ɲaa vana ci le-a, masɛi a vanaa lebolla, kpaayala maɲumndan a simlacia. Ndu o ba ɲɛm mun kpow n cɔwnun ni, le ndu n co ni.