Nsaki 5:9 - BII BILA

⁹ Puapilɛa, sɔɔn pɔmbɔn va niaa tɛɛn te, yɔŋii niaa sɔla yaalaa. La tofa vɔ, vana kialaa iyamaa co isisi o dio.

Nsaki 5:9 Referans Kwoze

Tɔŋ lasálàá 19:18

La míngì màá le, la mándan sɔɔn vɔɔŋun vannda o lakɔl te. Vana-vana bɛnda mò kaola caanda maa ndu pila. Ya co Mɛlɛka ni.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Nsaki 4:11

Puapilɛa niaa, la congan vellaa-velle le. Vana congu pɛ puapilɔɔ, te kon te vana yaala pɛ puapilɔɔ, mɛɛ ndu congu tɔŋndo mo yaala tɔŋ kalaa. Nduyɛ, taa kelu pɛ tɔŋndo iyama, mɛɛ a co vana biyaa tɔŋ te, yaamɔɔ tɔŋndo n co ni.

Matie 24:33

Lende koni, niaa bɛɛ, tuma niaa canin dɛnnda lan kpow-vo, la sina niko maa Po vanacieo co lɛ levil te, maa o co nin niaa o dio.

1Piɛr 4:9

La va vanaa bii mialla-a vellaa-velle, o va a sɔɔn pɔmbɔ le.

O Kandɔɔ 4:7

Taa caa pɛ kelaa, a cuanin bollen, kɛ taa cee kelaa le, hakio co nɔm o dio maa ɲɛ-vueinan, o yeema mò tiw nɔm ba, kɛ nɔm, a bɛnda ma nɔla haki kalaa.»

Kalatea 5:26

N vannun vanaa yonga le naa pila tiiŋuanndo te kon te tɔ́ɔ́yanndan biinanndo vellaa-velle le.

1Piɛr 4:5

a dɔawnunnin kona o vana kialunin vanaa co yoomu-a a vanvílɛ́iya iyama-o lo.

Kalatea 5:14

Kani tɔŋndo kpede peelun o sɔɛi he ndii pilɛ kpé nin aa: «Kaola caanda maa nɔm pila.»

1Korɛntea 10:11

Dɛnnda lan la yɔŋnun nda haliko mi la va tɔɔmaseloo le naa. La sɛvan le naa vanaa tɔ̀a kanalanndo, kani telen naa n co hoo-o, o lo nin kpɛɛlun mì ceendo cuu.

Marke 13:29

Lende koni, niaa bɛɛ, tuma canin dɛnnda lan tosanndo-o, la sìná niko maa Po vanacieo co lɛ levil te, maa o co nin kpɛɛlun.

2Korɛntea 9:7

Lelan, vana-vana yɔngu mɛɛ o kelun o kɔl-lɛ, o va a imɔnɔ le, te kon te maa baŋɔɔ le nda baŋ ndu le, kani Hala kaola vana yɔngu a ɲaaloo-o.

Marke 6:19

Herodiade va nɛyɔnndo a Nsaŋ, ndóò yeema le ndu diyɔɔ. Kɛ ndóò nɔla le,

Condii lisai 59:15

Icɔl, a muungu a pɛɛliaa a yolɛi maa n'tun, à cɛn à balu cieo sɔ́.

Dɛnnda cɔɔmuanndan 3:20

Tofa vɔ, i co isisi o dio, i co dioo lɔɔ. Te vanndo tuei pɛ diom nuu, mò kumbi dioo, i luɛinin ndu coo, mì n de ɲɛdiaa naa ndu latulu.

Esekiɛl 7:12

Telenndo tiiya, paale len le tiiya! Vana piandaa dɔawnun ɲaale le, vana pisiaa bii imɔnɔ le! Kani kɔltuwvo piɔndi le tolɔɔ sɛ́lɛ́ kaakuu co hoo o kobio nin-ndo coo.

Nsaki 4:12

Nduyɛ, Hala ndu pilɛ kpé handu tɔŋndo ni, ndu pilɛ kpé tiw vɛlɛ ba yaman kiolɔɔ ni. Ndu pilɛ kpé nɔla ciindiaa a tɛɛmbuuo ni. Kɛ nɔm yɛ, nɛ̀ɛ̀ n co yɛ, nɔm co caanda yaalaa-o?

Nsaki 5:7

Lelan puapilɛa, la biwnun háá a hunɔɔ Maalii-o. La tofa vɔ mɛɛ vana váà cum kɔmnde ɲɛ o vaa-o a biuvɔnndo taw yɛ, o sina maa fɔ mì piɔɔ sialte tasoo a piɔɔ vɔɔle pɔmbɔɔ sia.

Nsaki 5:10

Puapilɛa niaa, vanaa-tɛɛngaa-diom Hala-a soo o diola Mɛlɛka lan-nda, la cua tɔɔmasele ndaa le sangaa a le biuvɔnndo.