Nsaki 5:7 - BII BILA

⁷ Lelan puapilɛa, la biwnun háá a hunɔɔ Maalii-o. La tofa vɔ mɛɛ vana váà cum kɔmnde ɲɛ o vaa-o a biuvɔnndo taw yɛ, o sina maa fɔ mì piɔɔ sialte tasoo a piɔɔ vɔɔle pɔmbɔɔ sia.

Nsaki 5:7 Referans Kwoze

Yɔɛl 2:23

Niaa cuawva Siɔn yɛ, la yo a kɔlkɛndɔɔ. La dɔwnun ɲaale o Mɛlɛka Hala niaa nin. Kani o yɔngunin niaa piɔɔ o telen ndɔɔ. O tuisulnin niaa piɔɔ a vɔɔle pɔmbɔlen, mò tuisul niaa vɛlɛ piɔɔ telen vaala taselan maa mɛɛ ndóò tosa paandu yɛ.

Kalatea 6:9

N sangan le dɛnɛ kɛndɔɔ tosaa le, kani n koawnin a telen bɛnda-o, te n mel te.

Tɔŋ miingua 11:14

i tuisinin piɔɔ o lɛŋnde niaalen coo a telen bɛnda-o, mì tuisil niaa piɔɔ telen vayiaalan a telen vɔɔle pɔmbɔlen, haliko mi la sɔla ɲɛdiaa taw: maalon, mɔima sɛnɛiyan a cuɛiyan.

Kolɔsea 1:11

N co ndu ɲunaa o nɛi oo nɛi coo le niaa yoomuan lueiyo a kpaaya ndɔ biilaa, o kon mì la va vanaa biuvannda o dɛnndan kpow nin.

Hebreea 6:15

Mí Abraham biwnun, mó cum, o kon mó sɔla ɲɛ Hala ndóò dimul ndu le ndu yɔngoo-o.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Kalatea 5:5

Naa yɛ, n laalan maa siŋnunnin vanaa sandaa o balika Hala Kɔl-Diandaa bɛngu, ken naa n co cumndo a tiindanndo ni.

Yeremi 5:24

La co dimin o lakɔl te aa: N tosan siòònde a Mɛlɛka Hala naa, o tuisul naa piɔɔ o telen ndɔɔ-o, piɔɔ tasoo a piɔɔ vɔɔle pɔmbɔɔ, o yɔngu naa lɔ́ɔ́lan le kovɔɔlan-ndo.›

1Tesalonikea 2:19

Kani niaa naa n tiindan ni, o niaa nin naa n dɔawnun ɲaale ni. Telen Maalii Yeesu hunnin-ndo, niaa vanin tɔɔmasele cɔ̀m maa n nɔla-o ni.

Matie 24:44

Lelan niaa bɛɛ, la va a bɛɛndiannda, kani a telen niaa venin kɔl too Po vanacieo co hunɔɔ ni.»

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

1Tesalonikea 3:13

Màá o luei kɔlta niaalan yoomuan mì la siŋnun vanaa diandaa a vanaa nɔ isɔw le-a Hala fuɲaa o hɔl telen Maalii Yeesu hunnin a vanaa ndɔa diandaa kpow-vo!

Matie 24:27

Kani mɛɛ piɔɔ-volia kandun a ba paalen le can-ndo, mò kɔɛ háá a ba paalen le del-lo nuaa yɛ, lende hunɔɔ Po vanacieo vanin ni.

Rɔmnda 15:4

Nduyɛ, sɔɔn kɛ́-kɛ̀ n sɛvan lɔ́ɔ́ kon, le naa pɛɛkoo n sɛvan ni, haliko mi biuvɔnndo a yoomuma Sɔɛi Hala-e ke vana-an ma mala naa le kɔllo kɛsio.

Sakari 10:1

«La ɲuna Mɛlɛka mò tuisul niaa piɔɔ, mì piɔɔ a tuma sialte taselen. Mɛlɛka tuisi piɔɔ deŋiaa hoeyii fùkù-fùkoo ni. O tuisilnin niaa piɔɔ pɔ̀lɔ̀-pɔ̀lɔ̀ɔ́ taw, o tosanin mì billo vil o yondola vana-vana coo.

2Piɛr 3:4

a dimulnin niaa aa: «Vɛ̀ɛ̀ ndu le dimi aa o co hunɔɔ le? Mɛɛ ɔ́ɔ̀ niko ndu? Fuɲaa naa vi lɔ́ɔ́ kon, kɛ mɛɛ dɛnndan la co kabi o ceendo cɔwnɔnndo yɛ, lende koni la co vɔ ni.»

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

1Korɛntea 1:7

Lelan, la fola ké kɛ́-kɛ̀ le, niaa co Maalii naa Yeesu Krista cumndo telen o fulanin-ndo-a.

Luke 21:27

O kon, vannda canin Po vanacieo hunɔɔ o yumbuyumboo nin a kpaaya bɛndoo a á biilu bɛndoo.

Luke 18:8

Mì dimul niaa, o kenin nda dí ndaa cɔ́-cɔ́. Kɛ te Po vanacieo hin pɛ, o komalnin pá vanaa laalannda o lɛŋnden coo?»

Luke 8:15

Yɛi del o lɛŋnde kɛndɛlen-ndo, ndu co vanaa tuɛi sɔɛi Hala-e, má bii ndi a kɔlkɛndɔɔ a á kɔlta ndalan kpow-va ni, má lo lecoo háá má koam komɔɔ kɛndɔɔ.»

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Matie 16:28

Mì dimul niaa toɲaa, vanaa pum niaa tɛɛn nanu a vi vɔnin te, mà ce Po vanacieo hunɔɔ o masale ndɔlen nin.»

Nsaŋ 21:22

Mí Yeesu mulul ndu aa: «Te i yeema pɛ mò lo yoomu háá mi hin, mò va maa mako nɔm co kon ni? Nɔm hun ya kɔɔli tuŋ!»

Nsaŋ 21:23

O kon kɔɔli, mí sɔɛi ken tiw vanaa laalannda tɛɛn maa kaandennɔ kon ndu vinin te. Nduyɛ Yeesu ndóò dimul ndu maa o vinin te le, kɛ nuaa ndóò dimul ndu ni aa: «Te i yeema pɛ mò lo yoomu háá mi hin, mò va maa mako nɔm co kon ni?»

Nsaki 4:11

Puapilɛa niaa, la congan vellaa-velle le. Vana congu pɛ puapilɔɔ, te kon te vana yaala pɛ puapilɔɔ, mɛɛ ndu congu tɔŋndo mo yaala tɔŋ kalaa. Nduyɛ, taa kelu pɛ tɔŋndo iyama, mɛɛ a co vana biyaa tɔŋ te, yaamɔɔ tɔŋndo n co ni.

Nsaki 5:3

Sianin niaan a volin niaan sɔva. Sɔva kon vanin seilen le niaa ni, mò lom dialun niaan maa leyin. La cuungiaa bolofaa o palɛi mɛɛlɛi he.

Nsaki 5:10

Puapilɛa niaa, vanaa-tɛɛngaa-diom Hala-a soo o diola Mɛlɛka lan-nda, la cua tɔɔmasele ndaa le sangaa a le biuvɔnndo.