La co ɲɔɔn hɔlten fulaa, kɛ la co mun sɔla le. La co yeemɛi le vanndacieea diwvo, la yeema ɲɔɔn, kɛ la co mun sɔla le. La co sɔngɔlan a cɔlɔbalan, kɛ la co ɲɛ-ɲɛ sɔla le. Kani la co ɲuna le.
Fonda o va dimio o Sɛbɛ Hala-o nin-ndo co hoo ni aa: «Mó yɔŋnun maa saa téndé nda co yɔɔ o fonda diyaa-o, maa saa laandu bobonɔ vanaa co ndu yiinde kilio-a o hɔl, kɛ bako bɛɛ o suu le.
Má saangiaa ndu, kɛ mó tuisin tootoo, o kumbi sondoo mo soo le, mó yɔŋnun maa saa téndé nda co yɔɔ o fonda diyaa-o, maa saa laandu bobonɔɔ vanaa co ndu yiinde kilio-a o hɔl Kɛ bako bɛɛ o suu le.
Mí Hala dimi aa: «Vana sandaa vana laalan ya-o co ni, duyɛ vana sandaa vanin yoomu le laalan ndɔɔ. Kɛ te o muungu pɛ a makɔɔ, kɔl nuu downun ndɛ ɲaale a ndu le.»
Niaa yɛ, la co vanaa bala fondoa bɛ̀ɛ̀lan tɛɛmbuuo. Vɛ̀ɛ̀ o co vanaa bolofaa le a co niaa mɔnɛi lueiyo le? Vɛ̀ɛ̀ nda le a co niaa yɔɔ o fondala kialaa n'yamalan te?
Fuɲaa niaa mamaa lekɛ́ndɛi niaa vel ni! Vana-tɛɛngaa-diom Hala kon co le, o fuɲaa niaa mamaa kɛɛ yɛlen tollo. A cii vanaa va sɔɛi a hunɔɔ vana sandaa ndu pilɛ kpé dimio-a diw. Sunsun yɛ niko, niaa bɛɛ cii ndu baa kei o mundu, mí la dii ndu.
