Nsaki 5:5 - BII BILA

⁵ La vìlí ceen niaa o kɔlkɛndɔɔ a o ɲɛm kɛndɔn nin, la pímí kɔlta niaalan le paale diyaalen.

Nsaki 5:5 Referans Kwoze

1Timote 5:6

Kɛ vanalanɔ pɔnɔ ndɔ vi mò va yeemɛi ndɔɛi ndu pila-e tosaa-o, maa vana vílɛ́i koni ndu co nin ni, hali o va bɛɛ yoomu.

Luke 16:25

Mí Abraham dimul ndu aa: ‹Po nuu, loonun maa telen n va yoomu-o, má sɔla dɛnɛ kɛndɔɔ, mí Lasar ndu sɔla dɛnɛ palaa. Sunsun yɛ, ndu co o kɔlɲuloo nin nanu, mì nɔm co o mɔnɛi nin.

Luke 16:19

O kon kɔɔli, mí Yeesu dimi vɛlɛ taloo ho aa: «Vana bolofaa pum va ni, volɔɔla kɛndɛ-kɛndɛlaa nɔ báà kala kalaa lan ndóò cuɛinun ni. Lepalaa-lepala, o va ɲaaloo dɔwnɔnndo o ceen ndɔɔ nin, mo va ɲɛm dian kɛndɛ-kɛndɔn dioo.

Amɔs 6:1

Dɛnɛ palaa co niaa cum, niaa connun icali o ba niaa coo yili Siɔn-nda, a niaa connun icali o ba niaa coo o pembon Samari coo-a. A toɲa, dɛnɛ palaa co niaa cum, niaa vanaa bɛndua co o lɛŋnde co lɛŋnde taselen o lɛŋii tɔ̀i tɛɛn-nde nin-nda. O niaa lo cuavaa Israɛlla co kɔlan a kiltan ni.

Yeremi 12:3

Ya yɛ, a sina ya, nɔm Mɛlɛka, a co ya cɔu, a co kɔl nuu mɛɛndianndo. Manda vanaa vɔɔnda mɛɛ vana manda saa le nda hunɔɔ diyɔɔ nuaa yɛ, manda nda le paale diyaalen.

Dɛnnda cɔɔmuanndan 18:7

Mɛɛ o kelun yongaa o kɔl, le tùú o va o ɲɛ kɛndɛ ndóò handu kɔllo coo-o nin-ndo yɛ, lende koni niaa tuisi ndu dɛnɛ palaa coo, mì la luei ndu mɔnɛi. Kani o co diminndo o kɔl nin aa: ‹Sɔngɔ masa koni ya cal nanu ni, i co vanalanɔ pɔnɔ vi le, lelan dɛnɛ palaa kɛ́-kɛ̀ komalnin ya le.›

Yeremi 25:34

La koŋul, niaa simlacia, la mɛli yeelan! La pimbul lɛŋ, niaa vanaa mandaa n'cɔlua. Kani telen nda co niaa bololan kili, mì la saŋnun-ndo tiiya hoo ni. La delnin mì la cuinun maa hɛngɛi báà kala.

Esai 22:13

Kɛ o tosa lɛnin lende le, la tofa vɔ, o yɔngunin niaa kɔlkɛndɔɔ a ɲaaloo! Vannda kialunin nawva bololan ma diw saa, a dianin vision ma kol mɔiyan. A diminin aa: «N dionnun ɲɛdiaa mì n kolnun man bɛ́lɛ́-bɛ́lɛ́, kani vuo naa n co siɔdii ni!»

1Samiɛl 25:36

Abikail muungoo o ndu lo, o komal Nabal bɛɛndiaa ɲɛdiaa sɔvɛɔ, mó tuisi kafoo, kafo lemasaa lekɛ́ndɛi kafo kon va ni. Laa ndɔ komal o pim mɔiyan pumndo pila, mó va a kɔlkɛndɛ bɛndoo. Háá mí paalen le sia Abikail nɔla ndu kona kɛ́-kɛ̀ downɔn te.

Yude 1:12

Nda kpeekpei co niaa palaa le ɲɛdiaa diom pilɛ niaa dioo ni, le dio lepulu nda dia-o, siɛmbula bii nda le, a nda pila koni nda buulan ni. Mɛɛ piɔɔ hel nuaa mì hoeiye hɔŋ, mò hiow o se le yɛ nda co ni. A co ko vɛlɛ kpen maa yɔm kɛɛ le komɔɔ hali a telen koamaa-o, ma va vɛlɛ a vílɛ́i maa yɔm nda sungu-o.

2Piɛr 2:13

Lende nda sɔlanin sala dɛnɛ sandaa lepɛŋ nda tosa-o ni. Ipala déŋ ɲɔɔ hɛnan nda le yeemɛi ndɛi vɔɔnde peeloo ni, sɔɔn lasiɛmbon a sɔɔn bɛɛtambɛiyon kposon nda tosa ni: a cɛn pɛ a luɛi niaa coo o cuungiannda niaala diaalan coo, kɛ nduyɛ huiyo koni nda co niaa ni.

2Timote 3:4

Vanaa tosà yalalen-nda a vanaa tosà hɛnan ndaa-a. A vanin vanaa hɔlaa heelaa bɛndu. A kaolanin ɲaale ceendo hiovɔɔ Hala coo.

Rɔmnda 13:13

N kelan kela sandaa, maa kela ipala déŋ. N vannun vanaa lepulua hiw dioo a kolɔɔ-a le. N vannun vanaa yiyannda vɔɔn, te kon te vanaa laasi-laasi le. N kpakpalan sɛɛngianndan a paŋalianndan.

Esekiɛl 39:17

Nɔm Po vanacieo, yaŋ nilan. Nuaa Maalii Hala dimul nɔm ni aa: «Dimul yowva súúlan kpow a visia yondoa kpede aa la hun mì la cuungian. La fula nɛɛ-nɛɛ ka mì la hun mɔɔsian le sálà nuu dioo, sálà ya pila solinin mì dii ndu le niaa-o! Sálà kon vanin bɔɔ sálà bɛndu o pembon Israɛl coo! La dianin visin (vanndacieea) mí la kol kooma ndan.

Esai 56:12

A co dimio aa: «La hun, i nuwviaa nin mɔiyan, n kolnin mɔima nɛyaa-nɛyaan, mì ma bii naa! Lende koni naa n kolnin man vɛlɛ siɔdii ni, ma co lon taw-taw, ma lo vɔ lon ma bɔɔ dɛ!

Esai 47:8

Lelan, la yaŋ niko nilan, niaa vanaa vannda yeema haa yeema bɛndoo-a, niaa co icali a tiindanndo-a. La co dimio o kɔlta niaalan nin aa: «Naa koni mɛnnde sɔɔ toal o hɔl ni, vana celen co ɲɛ le fɔ naa! N viinin n'laandu, te kon te n'piaandu le, N viinin vɛlɛ n'cuaw le fɛɛn a fɛɛn te!»

Esai 3:16

Mɛlɛka dimi aa: «Le co cuavaa laandua Siɔn co vanaa heelannda-o, le kɔla nda kɔa a kɛson kindio a á tofa heelanndo lan, le kɔla nda kɔa a nɛiyo ɲɛɛngi-ɲɛɛngi a bamban co nda o labɛngu-on biiŋoo vɔkɔlɔ-vɔkɔlɔ-o,

Vana Kɔlkaloo 11:9

Nɔm langbanɔ felengoo, dɔwnun ɲaale telen n co vɔ felengi-o. Naŋ kɔl o felengiyɛi nɔmnde nin. Kela o nɛila kɔl nɔmndo yeema lan coo, tosa dɛnnda n co cɔw lan kpow. Kɛ sinà pɛɛngu maa Hala kialunin dɛnnda nɔmndan kpow iyama.

Talelan 17:1

Bulu vesɛi bingio vaa dioo a kɔlɲuloo co fisa a vaa vision dioo o cɛi sɔngɔlan la co nin-ndo nin.

Talelan 7:14

‹Yáà baa yoolen o Hala lo le sálàla kɔlɲululan solio. Hau ya soli sálàla lan ni mí timbi yoole len.

Condii lisai 17:14

Mɛlɛka, baŋa ya vanaa vɔɔnda ha o ba a ba nɔm kpaaya, vanaa ceenda ha, à vɔ̀ngɔ̀ ndaa co o ceendo ho coo-a pɛɛn. Pimi nda a sanga n kɛsi le nda-o, mì poaa ndaa bɛɛ pim sanga kon, mà mel poaa ndaa imamaa sanga kon vɔ́yɔ́ɔ́.

1Samiɛl 25:6

Mì la dimul ndu aa màá vɔsio ho va vɔsi kɛndɛ le ndu, le yungu ndɔɔ a le ɲɛm ndɔn kpow!

Condii lisai 73:7

À co a ningilaa ningili a celullo, a hiw hɔlla helɔɔ a dɛnnda nda co tuunɔnndo o kɔl-tan.

Esekiɛl 16:49

Ɲɛ yɔŋnun mí tɛɛmbuu Sodɔm pɔmbɔ nɔm laandu-o va hoo ni: ndu a cieon ndɔn, má luɛi kuundianndo, kani ɲɛdiaa va nda o ba taw, a vannun vɛlɛ icali nila ɲulu, a ve buulan le ɲɛ-ɲɛ le. A cɛl le vanaa bala fondoa a vanaa ikɔɔa malaa le.