Nsaki 5:4 - BII BILA

⁴ La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.

Nsaki 5:4 Referans Kwoze

Tɔŋ lasálàá 19:13

La sáángiàà caaŋaa niaa le tɔnɔɔ sɔlaa o sanga nda kon nin te, la púú ɲɛ vana a sondo yeelaa le, la mándan sala vana baalaa bɛnda le sɔlaa hau-vo o ba háá siɔdii le.

Yeremi 22:13

Dɛnɛ palaa co le vana tangul cɛi ndɔ lemasaa a kafalan, mó tengulun cɛila coocoolan o sandii lepɛŋnde nin, mó tundu caanda baalaa o fondo fúúo coo, o yɔngu nda sala ndaa loo!

Rɔmnda 9:29

Maa mɛɛ Esai kalaa ndóò dimi o tasendɔ yɛ aa: «Te Mɛlɛka co ɲɔɔn kpow bollen-ndo ndóò mel naa cuavaa-imamaa le, maa Sodɔm náà n vanin ni, mì náà n velan a Komɔr.»

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Fulaa 22:27

La soaa diomnde vɔɔnnden a Hala le, la soaa diomnde vɔɔnnden a vana co simlacinɔɔ yungu niaa coo-o le.

Luke 18:7

Vɛ̀ɛ̀ Hala kenin vanaa ndɔa o hɛli, ma va ndu piɛiyo idii a icɔl-la di le? Vɛ̀ɛ̀ tamalaa o tamalanin le nda malaa ni?

Condii lisai 9:12

La soli condon le Mɛlɛka, Mɛlɛka co icali Siɔn-ndo pɛɛn. La yonda dɛnnda ndɔla bɛndulan vanaa súúla celennda tɛɛn.

SƐBƐ YƆB-O 34:28

A cɛŋi vana nɔ kpaaya loo, mí diom ndɔɔ hel háá mó komal Hala, mó tuɛi vɛlɛ cɛɛŋɔnnda vanaa bala fondoa.

Fulaa 3:9

Kani i co cɔu mɛɛ Esiptea co Israɛlla saangiaa a yɔɔkpiaa yɛ, yééla ndalan la co ya komallo háá nanu.

O Kandɔɔ 4:10

Mí Mɛlɛka dimul ndu aa: «Dɛnɛ yɛɛ n tosa yɛ hoo? I co kooma pɔmbɔ nɔmndan tueyɔɔ koŋullo lɛŋ.

Kolɔsea 4:1

Niaa vanaa bɛndua, la bii cɛa niaa o dɛnɛ sandaa a o kpen-kpenndo nin. La sínà pɛɛngu maa niaa bɛɛ la nɔ vana bɛndoo o halataala.

Habakuk 2:11

Hali cìì cɛiye bɛɛ yondanin, mì toulen le saala sɔɛi ken le dɛnnda niaalan cɔɔmuuo.

Esai 5:7

Nduyɛ, nakɔɔ n'rɛsɛn Mɛlɛka-Nɔ-Kpaayaa-Kpow-vo, ndu co cuavaa Israɛlla ni. Vanpiaandua Yuda, nda co tɔlɔɔ kɛndɛ ndóò kaola taw-vo ni. Mɛlɛka va tiindanndo maa ndáà vanin sakpo, kɛ tofa vɔ, sandii lepɛŋnde i tiw ba-ba fee. O va yiyanndo maa a tosanin dɛnɛ sandaa, kɛ a cua kafalan ma bii o lebol!»

Esai 1:9

Te Mɛlɛka-Nɔ-Kpaayaa-Kpow-vo ndóò mɛilul naa vanaa pum yoomu le, n va siŋnɔn maa Sodɔm, mì náà n vel vannda Komɔr.

Tɔŋ miingua 15:9

La mandan le yiyan vɔɔndo sɔlaa o kɔlta niaalan nin mì la dimi aa: ‹Vɔsi ŋɔmmɛwndɔɔ bendu lɛ le tiiyaa le, vɔsi vana mal vannda haki le kueelan-ndo›, yɔŋii niaa tofa puapilɛ niaa co o kuɛi nin-ndo tofa vɔɔndo, mì la tuŋ ndu ɲɛm niaan. Te la tosal ndu pɛ lende, mò koŋul o Mɛlɛka lo a niaa o sondo, mɛɛ hakio niaa tosa lende ni.

Esai 5:9

Diom Mɛlɛka-Nɔ-Kpaayaa-Kpow-vo, ó soo ya o lani-o co hoo ni aa: ‹A toɲa, cɛila kunda bɛndulan-ndan la piɔsinin mì la siŋnun bémbélan, vana ve lɛnin icali o cɛila kɛndɛla bɛndulan ndan nin te!

Matie 9:37

O kon mó dimul kaandeŋaa ndɔa aa: «Cɛi vesa taw le kovɔɔ, kɛ vanaa koavaa co sɛ́lɛ́ le.

SƐBƐ YƆB-O 7:2

Mɛɛ yeemɛi bii cɛɔ le pɛngio o vunduan nuaa yɛ, mɛɛ vana co baalaa le salaa-o cum sala ndɔɔ nuaa yɛ,