Nsaki 5:16 - BII BILA

¹⁶ Lelan, la sɔlɔlan hakila niaalan vellaa-velle, mì la piɛi le niaa pila vellaa-velle, haliko mi la sɔla siongɔɔ. Piɛile kindiannde vana sandaa le nɔ kpaayaa taw.

Nsaki 5:16 Referans Kwoze

Talelan 15:29

Mɛlɛka co vanaa kɔlvesɛiya levil, kɛ o tuɛi piɛile vanaa sandaa.

Matie 21:22

Ɲɛ-ɲɛ niaa piɛi pɛ a laalanndo, la sɔlanin ndu.»

Nsaŋ 9:31

N sina maa Hala mulul vanaa lahakia piɛilen te. Kɛ vana biilu Hala pɛ mo tosa hɛnan ndɔɔ, o mulul vana kon piɛilen.

Condii lisai 34:15

Kpakpala dɛnɛ vɔɔndo, ma tosa dɛnɛ kɛndɔɔ, nuwviaa kɔlɲuloo, ma kela ndu kɔɔli.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Yeremi 33:3

‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›

1Nsaŋ 3:22

Ɲɛ-ɲɛ naa n ɲuna ndu pɛ, n sɔla ɲɛ kon ndu o ba, kani n co tɔŋnda ndɔlan biyɔɔ, mì n va dɛnnda hɛnan ndu lan tosaa.

Talelan 15:8

Sálàla vanaa kɔlvesɛiya la nɛinún bɔɔ Mɛlɛka, kɛ ò cɛ̀l piɛile vanaa sandaa.

Dɛnnda kiilaa 19:18

Mí vanaa laalannda hun taw, má sɔlɔlan yɔŋnda vɔɔnnda ndalan vannda kpow o hɔl.

1Tesalonikea 5:17

la vá piɛilen lɔ́ɔ́-lɔ́ɔ̀,

SƐBƐ YƆB-O 42:8

La nuwviaa niko navaa tovaa nda ŋɔmmɛw a saa kóndóa nda ŋɔmmɛw, mì la kɔ komal vana ni baalaa Yɔb. Mì la soli cɔlua kan sálà loamaa le tɛɛmbuu niaa tɛɛmbuu-o. O kon, mì vana ni baalaa Yɔb piɛi, mó ɲuna hakio malɔɔ le niaa. I cɛlnin piɛile ndɔle len a kɔlkɛndɔɔ mì mal sanga yáà tuu le niaa tuisio coo le diɔmii niɛi-yo, kani la dimi sɔɛi nii a toɲaa maa vana ni baalaa Yɔb le.»

O Kandɔɔ 20:17

Mí Abraham piɛi Hala, mí Hala singi Abimelɛk, laa ndɔ a buɛyaa ndɔa laandua. Mí vanlaandua kan vialu cuawva.

Talelan 28:9

Te vanndo kinda pɛ nilan haliko o tuɛi tɔŋndo le, piɛile ndɔlen le siŋnun ɲɛ vɔɔn bɛndoo.

2Dɛnnda lemasalan 30:20

O kon, mí Mɛlɛka muli piɛile Esekia len, o tuisi nda sanga coo le.

Kundalan 11:2

Mí vannda koŋul o Moise lo. Mí Moise piɛi Mɛlɛka, mí yinnden le ɲum.

Hebreea 12:13

La toosiaa nɛila sandaalan le pelun niaan, haliko vana co tindaa-o mal nɛiyo le, kɛ mò sengu.

1Tesalonikea 5:25

Puapilɛa naa, la piɛi Hala le naa.

Matie 3:6

má va hakila ndalan sɔlɔlanndo. Mí Nsaŋ va nda yinɔɔ Yurdɛn o peelo.

Hebreea 13:18

La piɛi Hala le naa. N laalan maa n dendu kɔltan, nduyɛ yeemɛi co naa mì n kela kela kɛndɔɔ o dɛnndan kpow nin.

Hebreea 11:7

Le laalan Noe ndóò nɔ-o, mí Hala cɔm ndu dɛnnda vanaa ci vɔ le lan. Mí Noe luɛi sɔɛi Hala-e yii, mó toosiaa dɛ̀ndɛ̀ mamɛn bɛndoo le yungu ndɔɔ ciindiaa. Le hee, mí Noe cɔm maa dɛnnda vanndacieea o ceendo coo la niŋ te. O kon mí Hala ca ndu vana sandaa le laalan ndɔɔ.

Rɔmnda 5:19

Le sɔɛi biyɛi lepɛŋii vanndo ndu pilɛ, mí vanaa bɔɔ-bɔɔ a siŋnun vanaa lahakia. Lende vɛlɛ koni, le sɔɛi biyɛi vanndo ndu pilɛ, mí vanaa bɔɔ-bɔɔ a siŋnun vanaa sandaa Hala o hɔl.

Rɔmnda 3:10

Maa mɛɛ o sɛvan yɛ aa: «Vana sandaa co le, o pilɛ bɛɛ.

Yosue 10:12

Paale Mɛlɛka mal ten Amoriia Israɛlla o ba len, mí Yosue piɛi Mɛlɛka Israɛlla kpow o hɔl le ndu isɔɔ tosal, mó dimi aa: «Nɔm paalen, sim o kobio Kabaɔn coo! Nɔm paangei, lo isisi o bóllo Ayalɔn coo!»

Hebreea 11:4

Mí Abɛl solul Hala sálà hiow naŋɔɔ a laalanndo, mó hiaw sálà Kaɛn-ndo naŋɔɔ. Le laalan ndɔɔ, mí Hala ca ndu vana sandaa, mó hini kɔl a ɲɛm o solul ndu sálàá-on. Abɛl co bɛɛ o vílɛ́iyo, kɛ nduyɛ le laalan ndɔɔ, o co vɔ sɔɛi.

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

O Kandɔɔ 19:29

Kɛ telen Hala va cieon va o dɛɛlaa nin-ndon tɛɛmbuuo-o, mó loonun a Abraham. Mó ciindiaa vɛlɛ Lɔt a kpundɛ o tuisi kobila Lɔt va icali nin-ndan coo-o.

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

1Masaa 13:6

Mí masaa soaa, mó dimul vana-tɛɛngaa-diom Hala-o aa: «Yandi, piɛi Mɛlɛka Hala nɔmndo, mó mal-la haki, mì baa ho sengu ya.» Mí vana-tɛɛngaa-diom Hala-o piɛi Mɛlɛka, mí ba masaa siangu, mó muungu maa paandu.

O Kandɔɔ 32:28

Mí langbanɔ kon ɲuna ndu aa: «Vɛɛ n nɔ yɛ diolan?» Mí Yakɔb mulul ndu aa: «Diola nilan Yakɔb.»

O Kandɔɔ 20:7

Lelan, mingi ndu pɔnɔ ndɔ o ba, kani vana-tɛɛngaa-diom Hala-o pɔnɔ ndɔ kon co ni. O co ya Mɛlɛka piɛi le nɔm ma lo yoomu. Kɛ taa mingul ndu laa ndɔ le, mɛɛ sina niko maa a co piɔ́mndo sɔla niaa vanaa nɔmnda kpow.»

1Samiɛl 12:18

Mí Samiɛl piɛi Mɛlɛka, mí Mɛlɛka tuisi piɔɔ paale len, mí taŋndan ma va deŋio taw, mí siòònde bii vannda taw a Mɛlɛka a á Samiɛl.

Fulaa 17:11

Tuma nda va kon cɔwvo-o, te Moise ndóò heelu pɛ balan coocoo, Israɛlla ndáà hiow Amalɛkea yoomuan o cɔwvo nin, kɛ te ndóò tuisi pɛ balan, Amalɛkea ndáà hiow Israɛlla yoomuan.

Fulaa 9:33

Mí Moise fula o Faraɔnnɔɔ lo, mó faŋan o kobio nin, mó heelu balan coo, mó piɛi Mɛlɛka. O kon, mí taŋndan má pɛngi deŋio, mí loeon pɛngi delio, mí piɔɔ viangu.

1Tesalonikea 5:23

Màá Hala yɔngù vana kɔlɲuloo-o tosa mì la va vanaa ndɔa lɔ́ɔ́-lɔ́ɔ̀! Màá o mandà yiyan niaa, yoomu niaa a kɔɔle niaalen, mì la va vanaa yaalan te-a lɔ́ɔ́ Maalii Yeesu Krista hunnin-ndo!

Kolɔsea 1:9

Lelan naa bɛɛ, kabi naa n tuei lende, n co pɛngi Hala piɛiyo le niaa le. N co ndu ɲunaa haliko mi la sínà hɛnan ndɔɔ ɲɛkɛndɛi, mì Kɔl-Diandaa ndɔɔ yɔngu niaa taasio a kɔlkaloo.

Luke 9:6

Má kɔa, má va keiyo o cieon le vannda Yoongu Kɛndɔɔ tiiyallo, má va vɛlɛ vanaa lanàá singio nɛɛ-nɛɛ ka.

2Samiɛl 19:19

Tuma dɛ̀ndɔ̀ɔ́ va yungu masaa peo tɛɛnguuo le kɔlan ɲɛ ndáà bɛnda le tosaa-o dimio-o, mí Simei, po Kera-o del masaa o labɛngunin,

1Samiɛl 12:17

Vɛ̀ɛ̀ telen koavaa n'mallo le co hoo le? I co Mɛlɛka piɛi mó tuisi piɔɔ bɛndoo a taŋndan. O kon niaa co sina ni maa dɛnɛ vɔɔn bɛndoo pila niaa tosa Mɛlɛka o hɔl le masa celen yeemaa o ndu Hala kɔɔli ni.»

Yeremi 42:2

má dimul Yeremi aa: «Yaŋnun tɛɛlɔnnda naa n co nɔm-ndan, piɛi Mɛlɛka, Hala nɔmndo, le naa a le vanaa tɔ̀a lo-a kpow, kani n va sɛ́lɛ́ taw, kɛ n co lɛ hau a bɔɔ le, maa mɛɛ nɔm pila co cɔu nuaa yɛ koni.

Marke 1:5

Vanaa va o tàndá Yuda-o nin-nda a vannda Yerusalɛm kpow a va kɔlan o ndu lo, má va hakila ndalan sɔlɔlanndo. Mó va nda yinɔɔ Yurdɛn o peelo.

Dɛnnda kiilaa 8:24

O kon, mí Simɔn mulul Piɛr nda Nsaŋ aa: «Niaa pila piɛi Mɛlɛka le ya, haliko ɲɛ-ɲɛ niaa dimi, o yɔŋnun ya le.»

1Samiɛl 1:12

Mí Anɛɛ viaw piɛilen taw-taw. Helii va ndu tofaa tuŋ.