Nsaki 5:13 - BII BILA

¹³ Vɛ̀ɛ̀ o niaa tɛɛn, vana pum co pá o sangaa nin? O bɛnda mò piɛi. Vanndo pum co pá a kɔlkɛndɔɔ? O bɛnda mò soli condon.

Nsaki 5:13 Referans Kwoze

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

Efɛsea 5:19

La lueinan yoomuan vellaa-velle a condun lisan, condun kɔllon a á condun vana sangala Mɛlɛka-on, n co fulaa Kɔl-Diandaa o ba-on. La solùl Mɛlɛka condun kɔllon, mì la sangala ndu a kɔlta niaalan kpow.

Yonas 2:2

Yonas lo suwvo o dembe, mó soli diomndo le Mɛlɛka Hala ndɔɔ piɛiyo. Mó dimi aa:

Hebreea 5:7

Telen Krista va o ceendo coo-o, o va caŋndo kpélén a mɛmɛan tuisio Hala ndóò nɔla ndu baŋaa piɔ́mndo o ba-o o lani, mí Hala tuɛi ndu diom le tùú o lo o lediom coo-o.

Yonas 2:7

Mi toal o mɛmma ihɛllan bɛngu, nɛɛ pembon cɛn tum-nda dí. Ciee-piɔ́m ndóò va nin sɔkɔma ndɔan kindaa ya kɔɔli le lɔ́ɔ́-lɔ́ɔ̀. Kɛ nɔm Mɛlɛka Hala nuu, ma kɔ soli ya o soon bɛndu kon nin.

Osee 6:1

«La hun mì n muungun Mɛlɛka o ibuŋ! Kani ndu lɔɔ naa ni, kɛ o co naa cɛw. Ndu booluu naa ni, kɛ o co pavii nɛi holiholi.

Dɛnnda cɔɔmuanndan 14:3

A va condii sɛnɛiye solio o kpɛŋɛ lemasaa, ɲaa yoomaa hiɔɔlua a bɛndua yuuvɛiya o hɔl. Vana-vana celen ndóò nɔla condii kalɛi pɛiyo le, fɔ vanaa vaala kɛmɛ belehiɔɔlu a lahiɔɔlua (144 000) sɔla baŋaa o lɛŋnden coo-a.

Luke 22:44

Mí Yeesu buulan taw, mó piɛi a kpaayaa taw-taw, mí lalle muungu ndu maa makòó, mí i va delio lɛŋ maa matoŋtoŋ.

Matie 26:30

Ndáà ciiyo condun Hala-on solio, má kɔa o Pembii oliviei coo.

Daniɛl 5:4

Mɛɛ nda kol mɔiyan, má kandu piɔmaa nda cɔw a sianion, a volin humbon, a daɲan, a cilinndon, a yɔmnde a á powtan-nda lisaa.

Condii lisai 118:5

I va o sangaa nin, mí koŋul Mɛlɛka o lani, mó mulul-la, mó ke ya pɛngio.

Condii lisai 91:15

Taa piɛi pɛ ya, i mululnin nɔm. O sangaa nin bɛɛ, i vanin nɔm ikɛi. I baŋanin nɔm mì ke nɔm bɛɛlen.

Dɛnnda cɔɔmuanndan 7:10

A va yondaa coocoo kpélén aa: «Le Hala naa co icali o kpɛŋɛ lemasaa nin-ndo a le Saa téndóó cindaa co ni.»

1Korɛntea 14:26

Puapilɛa nia, vɛ̀ɛ̀ vana tosa yɛ niko? Te la cuungian pɛ, mì vana pum nɔ le condei solio, mì o pum nɔ pɛɛkoo le yɔngoo, mì o pum nɔ dɛnɛ cɔɔmun ndu-o, mì o pum nɔ yoongoo le dimio o sɔɛi mangalɛi celen nin, te kon te mì o pum ndu nɔ sɔɛi pum le tɛɛsiaa, kon kpow bɛnda mò tosan le vanaa laalannda yoomuan lueiyo.

Luke 23:42

O kon kɔɔli, mó dimul Yeesu aa: «Yeesu, loonun a ya telen n hunnin o masale nɔmnden nin-ndo.»

Misee 4:5

Telen vannda súúlan kpow co kelaa le hɛnan halaa ndaa tosaa-o, naa bɛɛ n kelan le hɛnan Mɛlɛka, o co Hala naa-o-o tosaa le fɛɛn a fɛɛn.

Condii lisai 105:2

La solul ndu condon mì la lisa ndu a ɲɛm-caan, la cɔm dɛnnda ndɔla kaamaalan kpow.

Condii lisai 95:2

N kɔnnun ndu o hɔl mì n melnun ndu balika, mì n lɔɔnun ɲɛm-caan, mì n solin condon.

Condii lisai 18:6

Yoei piɔ́mnde ndíì cii ya nin yiwyiw, yala piɔ́mndo va ya o toandaa laci.

SƐBƐ YƆB-O 33:26

O soo pɛ o Hala lo, Hala ce ndu ɲia, o fula Hala o hɔl a ɲaaloo. Kani Hala ke vanacieo dí ni, mò mal ndu haki.

1Dɛnnda lemasalan 16:9

La solul ndu condon, la lisa ndu a ɲɛm-caan, la cɔm dɛnnda ndɔla kaamaalan.

Esai 65:14

Àá mbɔ̀! Vanaa niaa baalaa viawnin kponyoo a yoondiaalan, kani dɛnɛ kɛndɔɔ a ɲaaloo vanin nda o kɔl. Kɛ niaa la vanin koŋullo le sanga vanin niaa o kɔl-lo, kɔlta niaalan la sanganin háá mì la ŋɔɔcian.

1Korɛntea 14:15

O kon, yɛɛ nɛ ya tosa yɛ? I vanin Hala piɛiyo o kɔl nin, mì va vɛlɛ piɛilen a kɔlkalu nuu. I vanin condei o kɔl nin, mì va vɛlɛ condei a kɔlkalu nuu.

Nsaki 5:10

Puapilɛa niaa, vanaa-tɛɛngaa-diom Hala-a soo o diola Mɛlɛka lan-nda, la cua tɔɔmasele ndaa le sangaa a le biuvɔnndo.