Nsaki 5:11 - BII BILA

¹¹ La tofa vɔ, n cua nda maa vanaa sɔla dɛnɛ kɛndɔɔ-a nda co ni, vanaa bii kpáŋ má lo lecoo-a pɛɛn. La tuei a biuvɔn Yɔb-o o kɔɔ, la ce ɲɛ Mɛlɛka yɔngu ndu o mɛɛlulan-ndo, kani vana iɲííyo a vana ikɛndɔɔ Mɛlɛka co ni.

Nsaki 5:11 Referans Kwoze

Nsaki 1:12

Dɛnɛ kɛndɔɔ co le vana bìwnùn o tɔɔndanndo nin-ndo, kani o cii pɛ tɔɔndanndo sɔla, o sɔla mɔsil lemasa cindaa, o Mɛlɛka yiilu vanaa kaola ndu-a kpemaa-o.

Fulaa 34:6

Mó kei Moise o hɔl a dimio aa: «Mɛlɛka! Mɛlɛka! Hala nɔ ɲííye a kɛndɛi taw-vo! I yala kɔl tuulu le, i nɔ kɛndɛi taw, Hala lo o lediom coo-o ya co ni.

Matie 10:22

Vannda kpow nɔnin nɛyɔn niaa le diola nilan. Kɛ vana lonin lecoo háá o mɛɛlulan-ndo, ndu sɔlanin cindaa.

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

Condii lisai 86:15

Kɛɛ nɔm Maalii, Hala iɲííyo a Hala ikɛndɔɔ n co ni, a yala kɔl fula le, a nɔ kaolaa taw, vana lo o lediom coo-o n co ni.

SƐBƐ YƆB-O 2:10

Kɛ mí Yɔb mulul ndu aa: «A soaa ko maa diɔm! O co ka dɛnɛ kɛndɔɔ kínɛí le naa n sɔ̀là Hala o ba le. Te n cɛl pɛ dɛnɛ kɛndɔɔ maa ɲɛ-kéa fula Hala o ba-o, vɛ n cɛl niko vɛlɛ dɛnɛ palaa lende le?» O kon nin kpow, Yɔb dimi diomnde tana le.

1Piɛr 1:13

Lelan, la va a bɛɛndiannda, la va o lapɔɛɛnɔn nin te. La handu tiindan niaa kpede o kɛndɛi tosalannin niaa lɔ́ɔ́ Yeesu Krista fulanin ceen-nde coo.

Luke 6:36

La va vanaa iɲííya mɛɛ Fuɲa niaa co vana iɲííyo yɛ.»

Cɛɛŋɔnnda Yeremi lan 3:22

Vanakɛndɛyɛi Mɛlɛka-e cuu le, ɲíí ndɔɛi nɔ lamɛɛlu le.

Condii lisai 103:8

Mɛlɛka nɔ ɲííye a kɛndɛi taw, o yala kɔl fula le, kaola ndɔɔ co o bɔɔ.

Kundalan 14:18

‹Ya co Mɛlɛka biwnanndo ni, vana lo o lediom coo kpeekpei-yo ya co ni. I mal vana haki le yɔŋ vɔɔndo a le biondɔnndan, kɛ i ci vana tɛɛmbua tɔŋndo vana kɛndɛ le, i tuisi cuawva dɛnɛ palaa coo le hakila fuɲaa ndaa háá o lambi yàándɔɔ, háá o lambi hiɔɔlundɔɔ bɛɛ.›

Hebreea 10:39

Naa, n co vanaa muungu a makɔɔ le lou o ɲánndávàà le naa n co le, kɛ vanaa laalan Hala le cindaa sɔlaa-a.

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

Efɛsea 2:4

Kɛ nduyɛ, vana iɲíí bɛndoo Mɛlɛka co ni. Le tùú o kaola naa taw-vo,

Misee 7:18

Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.

1Dɛnnda lemasalan 21:13

Mí David mulul Kad aa: «Mɔnɛi co ya taw! Kɛ, o co fisa mì del Mɛlɛka o ba, kani ɲíí ndɔɛi co i bɔɔ. Kɛ i yeema mì del vanndacieea o ba le few.»

Hebreea 3:6

Kɛ sunsun, Krista yɔŋnun po tosa vallo o sandei nin-ndo, ndu co Cɛi-Hala-o bollen ni. Te n lo pɛ kɔllo kɛsio o laalan naa n tiindan-ndo coo, mɛɛ naa n co cɛi ndɔ kon ni.

Efɛsea 1:6

Lelan, n melnun Hala balika le kɛndɛi ndɔɛi bɛnduei, i o tosal naa a Po ndɔ o kaola taw-vo o kɔɔ-e.

Rɔmnda 2:4

Te kon te vɛ̀ɛ̀ a co vanakɛndɛyɛi bɛndui Hala-e, biuvɔn ndɔɔ a dɛnɛ kɛndɛ ndɔɔ yii luɛyɔɔ le? A co sínà le maa le mangalan nɔmndo Hala co kon kpow tosaa ni?

Luke 1:50

Ɲíí ndɔɛi co le fɛɛn a fɛɛn le vanaa co ndu bɛɛlen keo-va.

Yonas 4:2

mó dimul Mɛlɛka aa: «Àá Mɛlɛka! Hee ya va dimio lɔ́ɔ́ ya va vɔ o lɛŋnde nilen nin-ndo ni. Lelan yáà cɛn vɛlɛ le ɲaanɔnndo Tarsis ni. Kani yáà sina maa nɔm Hala, vana ikɛndɔɔ n co ni. A hiw ɲííye nɔu, a yala kɔl tuulu le, a faŋan o lediom coo le. A nɛi dɛnɛ palaa nɔm óò kɔngɔlan le vannda tuisio coo-o mangala le.

Yɔɛl 2:13

La sɛ́ɛ́siàà volɔɔla niaala cuɛinanndan o laan te, kɛ la sɛɛsiaa kɔlta niaalan, mì la muungu Mɛlɛka Hala niaa o ibuŋ. Kani o nɔ kɛndɛi a ɲííye taw. O yala kɔl tuulu le, o nɔ canyɛi taw-taw. O mangalà yiyanndo mò mal dɛnɛ palaa ndóò kɔngɔlan le tuisio-o.

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Esai 63:7

I yiyalannin (vannda) kɛndɛi Mɛlɛka-e a sangala ndu Mɛlɛka bɛnda mò sɔla-o, mɛɛ kɛndɛi o tosal naa-e kpow co yɛ. I diminin vanakɛndɛyɛi ndɔɛi le cuavaa Israɛlla, dɛnɛ kɛndɛ o tosal nda, mɛɛ ɲíí ndɔɛi a dɛnnda ndɔla ikɛndɛla sɛ́lɛ́lan la co yɛ-o.

Vana Kɔlkaloo 7:8

Dɛnɔɔ siowvo hiow naŋɔɔ a ndu kandɔɔ, kɔl biuvanndo nɔu co fisa a kɔl yongaa nɔu.

Condii lisai 119:132

Mulul-la hɔlla mà tuinun ya iɲíí, mɛɛ n dema tosa a vanaa kaola nɔmnda yɛ.

Condii lisai 116:5

Mɛlɛka nɔ kɛndɛi, o sandu, Hala iɲííyo Hala naa co ni.

Condii lisai 103:13

Mɛɛ fuɲaa kaola cuavaa ndɔa nuaa yɛ, lende koni Mɛlɛka kaola vanaa nɔ siòòŋii ndɔɛi-ya ni.

Condii lisai 94:12

Duaa co le vana n co silaa a sionnden-ndo Mɛlɛka, vana n co tɔŋ nɔmndo pɛɛkoo

Condii lisai 86:5

Kani nɔm Maalii mal vana haki ni, a naŋ, a nɔ kɛndɛi taw le vanaa co nɔm piɛiyo-a.

Condii lisai 78:38

Kɛ ndu Hala, le tùú o nɔ ɲííye taw-vo, mó va nda hakilan malɔɔ, mó kɛɛ le nda ciiyo diwvo. Lɔ́ɔ́ lepum, o ɲulul kɔl, o ve kɔl ndɔ tuwvo tindi le.

Condii lisai 37:37

Mɛɛndan vana toɲaa, dɔw vana dendu kɔllo-o taasi. Dɛnɛ kɛndɔɔ co le siɔdii laci vana kɔlɲuloo.

SƐBƐ YƆB-O 23:10

Kɛ nduyɛ, o sina nɛi ya co coo-o, o fula pɛ ya kɔɔli mò tɔɔndan ya, i vannunnin o diandaa few maa isiani.

SƐBƐ YƆB-O 1:2

Mó vialu hɔ́aa piaandua nda ŋɔmmɛw a hɔ́aa laandua nda yáá.

Nehemi 9:17

Má kɛɛ diom nɔmndo biyɔɔ, má pɔɛɛnun dɛnnda kɔndɔfilta bɛndula n tosal nda lan, má kindi nilan, má dimi le muungɔnndo Esipte o cɛle ndalen nin. Kɛ nɔm, a mel nda le, kani Hala mal vana haki-o n co ni, Hala nɔ ɲííye a kɛndɛi-yo. A biwnùn, a pɛ a dɛnɛ kɛndɔɔ.

2Dɛnnda lemasalan 30:9

Te la muungu pɛ Mɛlɛka o ibuŋ, vanaa kɔɛ a puapilɛa niaa a á poaa niaa o biyɔɔ nin-nda tuinunnin nda iɲíí, mà mal nda, mà muungu o lɛŋnden nden nin. Kani Mɛlɛka Hala niaa nɔ kɛndɛi, o nɔ vɛlɛ ɲííye. Te la muungu pɛ ndu o ibuŋ, o faŋanin hɔlla niaa coo le.»

Daniɛl 9:9

Nɔm Maalii Hala naa ɲííye a haki malaa co o ba ni. Kani n simul nɔm a nila kalulan.

Condii lisai 145:8

Mɛlɛka nɔ kɛndɛi, o nɔ vɛlɛ ɲííye, o yala kɔl fula le, o nɔ kaolaa taw.

Condii lisai 51:1

Condii David-e, í fula o condun simlacinɔ vanaa n'condua nin-nde.

Nehemi 9:31

Kɛ hali a kon, a kaola nɔm nɔ lamɛɛlu loo, a cii nda le, a kɛɛ nda le, kani Hala iɲííyo a Hala nɔ kɛndɛi-yo n co ni.

SƐBƐ YƆB-O 1:1

Langbanɔ pilɛ va o lɛŋnde Us len nin diolan aa Yɔb. Vana sandaa o va ni, ndóò yeema dɛnɛ sandaa taw. Ndóò nɔ siòòŋii Hala-e, o va dɛnɛ vɔɔndo kpakpalaa.

Nsaki 1:2

Puapilɛa nia, la cɔ̀ tɔɔndannda niaa co keiyo nin-ndan kpow maa dɛnɛ kɔlkɛndɛ bɛndu,

1Piɛr 3:14

La sɔla pɛ sangaa le dɛnɛ kɛndɛ niaa co tosaa-o, mɛɛ dɛnɛ kɛndɔɔ vanin le niaa. La nɔ siòònde a ɲɛ vanndacieea nɔ siòònde-o le, la va yoloma-yoloma le.

Luke 11:10

Kani vana-vana piɛi pɛ, ndu sɔla. Vana nuwviaa pɛ, o saalun. Vana lɔɔ pɛ dioo, a kumbil ndu.