Nsaki 5:1 - BII BILA

¹ Niaa vanaa bolofaa, la caŋ, la koŋul kpélén le dɛnnda palaala toalnin niaa coo lan.

Nsaki 5:1 Referans Kwoze

Talelan 11:28

Vana tiindan pɛ bolofaa ndɔɔ, ndu del, kɛ vanaa sandaa naŋnin maa yɔm puiyaa.

Yeremi 9:23

Kɛ vana yeema pɛ le lisanndo, ndu lisan le kɔlkalu o sɔla mó sina ya-o, le sinaa maa ya co Mɛlɛka ni. O co kɛndɛi, dɛnɛ sandaa a sakpoyɛi tosaa o lɛŋnden coo-o, vanaa vaa lende hɛnan ya ni.» Sɔɛi fula Mɛlɛka o sondo-e co ken ni.

Talelan 11:4

Bolofaa nɛŋi ɲɛ-ɲɛ o paale kɔltuwle Hala len coo le, kela sandaa baŋa vana o piɔ́mndo hɔl-ndɔ ni.

Nsaki 1:11

Kani paalen le fula pɛ, hangul tuw-tuwvo nin, billo simbulun. Fúlan la deli, naŋɔɔ ndɔɔ tambu. Lende koni vana bolofaa bɛɛ hiawnin a dɛnnda ndɔlan ni.

Misee 6:12

Vanaa bolofaa co o kobio ho nin-nda kafalan kposon nda cal coo ni. Còòlan tuŋ vanaa co icali lenin-nda co keiyo hɔŋndo ni, huiyo kínɛí nda co vannda a diɛɛmuei nda lasondo ni.

Sofoni 1:18

Volin ndan a sianin ndan nɔlanin nda ciindiaa o paale kɔltuwle Mɛlɛka len coo le few. Mɛlɛka loamnin lɛŋnden kpow a yinnde ndɔle paŋalaalen. Ì vanin sɔɛi kpundɛ bɛndu dɛ! Mɛlɛka co vanndacieea co o lɛŋnden coo-a kpow tɛɛmbuu.»

Esai 13:6

Lelan la ŋɔɔcian! Kani paale Mɛlɛka len le co le tiiyaa. Paale len le co hunɔɔ maa kpundɛ. Mɛlɛka Vana-Kpaayaa-Kpow tuisinin len lende ni.

Nsaki 4:13

Niaa co sisa dimio-a aa: «Hau, te kon te siɔdii, n kɔanin o kobi vaa nuaa nin. N ciinin vɔsio pilɛ lon, n tosanin yulalen ndon mì n sɔla tɔnɔɔ»,

Nsaki 2:6

Niaa yɛ, la co vanaa bala fondoa bɛ̀ɛ̀lan tɛɛmbuuo. Vɛ̀ɛ̀ o co vanaa bolofaa le a co niaa mɔnɛi lueiyo le? Vɛ̀ɛ̀ nda le a co niaa yɔɔ o fondala kialaa n'yamalan te?

Tɔŋ miingua 32:15

Kɛ mɛɛ Yesurun de mó luɛi cuɛiyan, mó kandu nila kalulan tosaa. Mó kɛɛ Hala cɔw ndu-o, mó pɛɛsa Pow kpova baŋa ndu-o.

Yɔɛl 1:11

Vanaa vàá co a mɔnɛi, vanaa tɔalaa n'rɛsɛnnda co ŋɔɔcianndo le maalon a le ɔrse, kani ɲɛ-ɲɛ va o ciɛɔn nin le kovɔɔ, o cuu itambu kpede.

Yɔɛl 1:5

Niaa vanaa kolaa mamɔiya, la tiondu mì la caŋ. Niaa kol mɔiyan-nda, la ŋɔɔcian. Kani mɔima n'rɛsɛmma sɛnɛiyan ma puunun niaa o lasondo.

Esekiɛl 19:2

mà dimi aa: «Yɛɛ nɛ kala niaa va yɛ? Yàlà laandoo o va ni. O yàlàá tɛɛn o va ihini ni, o yàlàà téndéa tɛɛn o manda cuavaa ndɔa ni.

Yeremi 4:8

Lelan, la vownun yalala yuululan mì la koŋul, mì la hiiliaa, kani kɔltuw Mɛlɛka-o bindunin niaa le.›

Nsaki 4:9

La sínán kɔɛi niɛi. Mɔnɛi bíí niaa, mì la caŋ. Mamɔɔ niaa bɛnda mò siŋnun mɔnɛi, mì kɔlkɛndɛ niaa siŋnun kɔl tambɛiyo.

Yɔɛl 1:13

«Niaa vanaa-solia-lasálàá, la vownun volɔɔla biisilan mì la caŋ taw. Niaa co sálàlan solio o fonda-loamaa-lasálàá coo-a, la hiiliaa hiko-hiko a caŋndo. Niaa co baalaa tosaa le Hala nuu-a, la hun lɔl a volɔɔla biisilan lekɔɔ. Kani sálà co lɛ hunɔɔ o Cɛi-Hala niaa nin te, sálà mamɔi co lɛ hunɔɔ lenin te.

Condii lisai 17:14

Mɛlɛka, baŋa ya vanaa vɔɔnda ha o ba a ba nɔm kpaaya, vanaa ceenda ha, à vɔ̀ngɔ̀ ndaa co o ceendo ho coo-a pɛɛn. Pimi nda a sanga n kɛsi le nda-o, mì poaa ndaa bɛɛ pim sanga kon, mà mel poaa ndaa imamaa sanga kon vɔ́yɔ́ɔ́.

Esai 15:3

A vownun volɔɔla yuululan ma cal o nɛilan lekɔɔ, nda kpow a co caŋndo, sominndo a mɛmian tuisio o kolokololan a o fallon kpow coo.

Esekiɛl 30:2

«Po vanacieo sei, tɛɛnguu diom Hala-o. Dimi aa: Nuaa Maalii, o co Mɛlɛka-o dimi ni aa: ‹La koŋul mì la hiiliaa hiko-hiko, la dimi aa: Kpòkóó, má cè paale bɛndu dɛ!»