Nsaki 4:8 - BII BILA

⁸ La sɔɔnguu Hala ikɛi, ndu bɛɛ sɔɔnguunin niaa ikɛi. La dindi bala niaalan, niaa vanaa lahakia ha! La dindi kɔlta niaalan, niaa vanaa kɔlta tiɔn-tiɔnda ha!

Nsaki 4:8 Referans Kwoze

Condii lisai 145:18

Mɛlɛka co vanaa co ndu piɛiyo-a kpow macɛlu, a co ndu piɛiyo a kɔlta ndalan kpow-va pɛɛn.

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Malasi 3:7

Kaandɔɔ o paale fuɲaa niaa mamaa, la mal silala nilan. La cɛl le lan biyɔɔ le few. La muungu ya o ibuŋ mì ya bɛɛ mulul niaa hɔlla. Ya Mɛlɛka-Nɔ-Kpaayaa-Kpow-vo dimi lende ni. Kɛ la co dimio aa: ‹Vɛɛ nɛ naa n muungu yɛ nɔm o ibuŋ.›

Sakari 1:3

Lelan, dimul Israɛlla aa nuaa Mɛlɛka-Nɔ-Kpaayaa-Kpow-vo soo ni aa: ‹La muungu ya o ibuŋ, mì ya bɛɛ i mulul niaa hɔlla. Mɛlɛka-Nɔ-Kpaayaa-Kpow-vo dimi lende ni.

2Dɛnnda lemasalan 15:2

mó kɔa o Asa lo, mó dimul ndu aa: «La yaŋ ya nilan, nɔm Asa, Yudaa a vanaa fula o polale Bɛnyamɛn-nden nin-nda! Te la co vɔ pɛ Mɛlɛka o ibuŋ, mɛɛ ndu bɛɛ vanin a niaa. Te la nuwviaa pɛ ndu, o cɔmnunnin niaa, kɛ te la mulul pɛ ndu kɔɔ, ndu bɛɛ mululnin niaa kɔɔ.

Yeremi 4:14

«Yerusalɛm, dindin kɔl, haliko ma sɔla cindaa. Háá telen kuɛɛ kpeekpei n solin yɛnin yiyannda vɔɔnndan o kɔl?

1Nsaŋ 3:3

Vana-vana kɛsi pɛ ndu kɔllo coo, ndu díndin, maa mɛɛ Krista pila co o diandaa yɛ.

Condii lisai 51:10

Tosa mì tuei condun kponyon a condun kɔlkɛndɔn. O kon mì dɔwnun ɲaale, ya vana n yimi hoo paalan-ndo.

Hebreea 7:19

Kani tɔŋ Moise-o tosa dɛnɛ peelan kɛ́-kɛ̀ le. Kɛ mí tiindan hiow naŋɔɔ-o kennun naa, ndu tosá ni mí n sɔɔnguu Hala ikɛi.

2Korɛntea 7:1

Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

Esekiɛl 18:31

La faŋa dɛnnda vɔɔnnda siinguu niaa vanaa yɔŋ vɔɔnda lan niaa ikɛi, mì la viow lan polon. La lueinun kɔlta sɛnɛilan a yiyannda sɛnɛilan nin. Éé niaa Israɛlla! Le yɛɛ nɛ niaa yeema yɛ le vuo kpeekpei?

Condii lisai 73:28

Kɛ ya ya, dɛnɛ kɛndɛ nuu, ndu co lou nɔm Hala o ibuŋ ni. Nɔm Maalii, nɔm co Mɛlɛka-o ya tiindan ni, i cɔmnin vannda dɛnnda nɔmndan kpow.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

1Piɛr 3:21

Tuula yinɔɔ co niaa hau ciindiaa-o va kon ni, yinɔɔ kon dindi vana le nɔɔ n'faloo le, kɛ piɛilen o co le Hala yɔngɔnndo fasɛi ni, ndu ciindiaa vana a tendul Yeesu Krista-o o kɔɔ ni.

SƐBƐ YƆB-O 17:9

Vana lo o lediom coo-o sim yili o nɛi ndɔɔ coo, vanaa nɔ bala diandaalan-nda cɔɔlunin yoomuan sɔlaa.

Matie 12:33

«Yɔm oo yɔm naŋ pɛ, naŋɔɔ komɔɔ ndɔɔ naŋ ni, te kon te yɔmndo vɔw pɛ, vɔwlen komɔɔ ndɔɔ bɛɛ vɔw ni, kani o komɔɔ lo vana sina yɔmndo ni.

1Timote 2:8

Lelan, i yeema mì vanpiaandua heelu balan ladiandaa nɛɛ-nɛɛ ka, mà piɛi Hala, o va a kɔltuw le, o va vɛlɛ a lasɛɛngian te.

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

Condii lisai 24:4

Fɔ vana tɛɛmbuu isɔɔ loo, vana dendu kɔllo-o, ó luei o dɛnnda lacòòvaalan nin too, ó mɛnan mɛnan lacòòva loo.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

Condii lisai 18:20

Mó soli ya o dɛnɛ palaa nin, mó ke ya pɛngio. O kaola ya taw, lelan o ciindiaa ya ni.

Nsaki 1:8

Kani vana kɔlta tiɔndo co kon ni, vana co yili o kelala ndɔlan kpow nin too.

Condii lisai 26:6

I co bala nilan pulɔɔ le cɔmndo maa i tɛɛmbuu isɔɔ le, i co fonda-loamaa-lasálà nɔmndo balɔɔ, nɔm Mɛlɛka,

Dɛnnda kiilaa 15:9

O hiyan naa le, o cii nda kɔltan dindi le laalan nda laalanndo.

O Kandɔɔ 18:23

Mó sɔɔnguu Mɛlɛka ikɛi, mó dimul ndu aa: «Bàà mà muulian vana sandaa nda vana yɔŋ vɔɔndo tɛɛmbuu latulu?

SƐBƐ YƆB-O 16:17

Nduyɛ, i nɔ laba o dɛnɛ vɔɔn nin te, piɛile nilen le co lediandaa.

Matie 15:2

«Le kɔlɔ yɛɛ kaandeŋaa nɔmnda co yɛ naamula fuɲaa naa mamaa tɛɛmbuuo? Kani a pulù balan le ɲɛdiaa dioo mɛɛ naamu naa co yɛ le.»

Yeremi 4:11

Paale len, Mɛlɛka dimulnin vanaa kan a Yerusalɛmnda aa: «Hoeyii tuwve co hɔŋndo o pembun co o lɛŋnde veselɛilen nin-ndon coo, i bii nɛiyo hunɔɔ o vanaa nia lo, o co hoeyii hɛyaa n'kul le mun dindi le.

SƐBƐ YƆB-O 9:30

Mɛ̀ɛ́-mɛ̀ɛ́ ya pulun bɛɛ a sɛnndan, mì pilu balan a sodaa,

Esai 13:15

Vana-vana nda komal pɛ, a cuukuu ndu, a buuluu ndu, vanaa nda biinin-nda, a diwnin kan a mɔɔn cɔwvon.

Condii lisai 73:13

Mɛɛ fondoo fúú ya sangan kɔl nuu mandaa o diandaa ni, mí pulu balan le cɔmndo maa i nɔ ba o yɔŋ vɔɔn nin te.

Matie 27:24

Mí Pilate ca maa ndóò nɔla lɛ ɲɛ-ɲɛ tosa le, kani vannda va hiovɔɔ laci a vɔngaa. Mó kɔandu mɛnndan, mó pulu balan nda kpow o hɔl, mó dimi aa: «I nɔ laba o sɔɛi piɔ́m vana sandaa ho nin te. Niaa pila sɔɛi piɔ́m ndɔɔ co coo ni.»

1Samiɛl 14:35

Mí Saul toosiaa fonda-loamaa-lasálàá le Mɛlɛka. Fonda-loamaa-lasálà tase o toosiaa le Mɛlɛka-o va kon ni.

Condii lisai 119:113

Vanaa kɔlta muuluannda hɛnan ya le, kɛ tɔŋ nɔmndo ya kaola ni.

Esai 58:2

A co ya nuwviaa lepalaa-lepala, a yeema ma sina nɛila nilan, maa vanaa-mangalaa-isɔɔa tosa dɛnɛ sandaa-a, a mel sandii Hala nda-e le-a. A co ya ɲunaa le yaman sandan kiolɔɔ, a yeema ma va ya Hala macɛlu kpɛɛlun.

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

Cɛɛŋɔnnda Yeremi lan 3:57

Paale ya veelu nɔm le ya malaa len, má sɔɔnguu, má dimul-la aa: ‹Yɔŋ isiòòn te.›