Nsaki 4:6 - BII BILA

⁶ Kɛ nduyɛ, kɛndɛi Hala co naa tosallo-e co i bɔɔ, kani o dimin vɛlɛ aa: «Hala co vanaa kuundiannda cɔlɔbaa, kɛ o co vanaa tuisin tootoo-a kɛndɛi tosallo.»

Nsaki 4:6 Referans Kwoze

Matie 23:12

Vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Talelan 3:34

Mamɔɔ Mɛlɛka mam vanaa mam ndu mamɔɔ tɛɛndanndo-a ni, mò tosal vanaa tuisin nda pila tootoo-a kɛndɛi.

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Talelan 18:12

Yongaa pɛ̀ pɛ vanacieo o kɔl, mɛɛ delɔɔ ndɔɔ tiiya. Kɛ tuisinndo hun a heeloo sɔlaa ni.

Condii lisai 138:6

Mɛlɛka co coocoo dí, o co vanaa tuisin tootoo-a cɔu, o co nɛɛ levil, o co vanaa yongaa sinaa.»

Talelan 29:23

Yongaa hun a siɛmbulan ni, kɛ kɔl tuisianndo tosà mì sɔla biiloo.

Talelan 22:4

Vanndo tuisin pɛ, mò nɔ siòòŋii Mɛlɛka-e, o sɔla bolofaa, bɛɛlen a yoomu vilɛiyo.

Luke 14:11

Kani vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Esai 2:17

Siɛmbulan la biinin vanaa heelannda mì vanaa kuundiannda tol tootoo mɔlɔmɔlɔ. Mɛlɛka ndu pilɛ kpé sɔlanin heeloo ɲinkon ni!

SƐBƐ YƆB-O 22:29

Vannda yeemanin le nɔm siɛmbulan tuisio, kɛ nɔm a diminin aa: ‹I co isisi!› Kani malaa Hala mala vana tuisianndo ni.

Luke 18:14

I co niaa dimul, mí Hala tuinun vana biyaa muloo iɲíí, mó muungu o ndu lo bɛ́ɛ̀, kɛ o tuinun o pilɔɔ iɲíí le. Lelan, vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Luke 1:52

O faŋa masaa o kpɛŋɛla lemasalan coo, mó heelu vanaa tuisin tootoo-a.

Talelan 15:33

Vanndo nɔ pɛ siòòŋii Mɛlɛka-e, ndu sɔla kɔlkaloo. Tuisinndo hun a biiloo sɔlaa ni.

2Dɛnnda lemasalan 33:12

Manase lo o sanga bɛndu kon nin, mó kindin le Mɛlɛka Hala ndɔɔ kɔllo ɲulullo, mó sɔlɔlan hakila ndɔlan Hala fuɲaa ndɔa mamaa o hɔl,

1Samiɛl 2:3

La híw sɔɔn kuundianndon dimi le, la solin ndɛ yeowlan o lasondo o sɔɔn niaan nin te. Kani Mɛlɛka co Hala sina dɛnndan kpow-vo ni, ndu kialu yamɛi dɛnnda vannda kpow ni.

2Dɛnnda lemasalan 34:27

Le tùú sɔɛi ndu Mɛlɛka dimi a fondaa ho a á vanaa co lenin-nda o kɔɔ-e i pilan ndu masaa kɔllo, mó tuisin tootoo mɛlɛka o hɔl-lo, le tùú o tuisin tootoo mó sɛɛsian volɔɔlan lekɔɔ-o, le tùú o yaŋ vɛlɛ Mɛlɛka nilan-ndo, Mɛlɛka bɛɛ tuei ndu diom. Sɔɛi Mɛlɛka dimi-e co ken ni.

2Dɛnnda lemasalan 32:26

Telen Esekia va yoomu-o, mí ndu Esekia nda Yerusalɛmnda tuisin tootoo le yonga ndɔ kon, o kon mí kɔltuw Mɛlɛka-o faŋan nda coo.

Matie 13:12

Kani vana nɔnin o ba-o sɔlanin cɔɔloo mo kui ndu o ba taw. Kɛ vana nɔ o ba loo ndu, hali o pɔmbɔ co ndu o ba-o hialunnin ndu.

2Dɛnnda lemasalan 33:23

Kɛ, ndu Amon cɛl le Mɛlɛka bɛɛlen keo maa Manase fuɲa ndɔ le, mó tosa hakilan hiovɔɔ la fuɲa ndɔ tosa lan coo.

Fulaa 18:11

I sina nihau maa Mɛlɛka hiow halaa kpow ni, kani ndu pila cɔm kpaaya ndɔɔ telen Esiptea va Israɛlla bɛpɛlaa-o.»

Esai 54:7

Yáà kɛɛ nɔm le telen bingi, kɛ i minginnin nɔm o ba a ɲíí bɛnduei.

Condii lisai 9:12

La soli condon le Mɛlɛka, Mɛlɛka co icali Siɔn-ndo pɛɛn. La yonda dɛnnda ndɔla bɛndulan vanaa súúla celennda tɛɛn.

2Dɛnnda lemasalan 33:19

Piɛile ndɔlen, mingin Mɛlɛka mingin ndu o ibuŋ-ndo, hakila ndɔlan kpow, kɛɛ o kɛɛ lou o lediom coo-o, fondala ndóò tangul sooluulan telen pá mó tuisin Mɛlɛka o labɛngunin-ndan a nɛɛ ndóò kɛsi yɔmii soolɛi a sooluulan-nda kpede la co lasɛvaalan o sɛbɛ Hosai-yo nin.

Nsaki 4:10

La tuisin tootoo Mɛlɛka o hɔl, mò heelu niaa.