Nsaki 4:5 - BII BILA

⁵ La yiyan te maa fondo fúú o sɛvan-ndo dimi aa: «Kɔl Hala luei naa nin-ndo, o kaola ndu taw a paŋalaa.»

Nsaki 4:5 Referans Kwoze

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

1Korɛntea 6:19

La sínà le maa dialun nian n co Cɛi-Mɛlɛka Hala Kɔl-Diandaa ni, o co niaa nin-ndo pɛɛn, o niaa sɔla Hala o ba-o? La co a ba niaa le.

Kundalan 11:29

Mí Moise mulul ndu aa: «Paŋalaa n co le ya ni? Màá Mɛlɛka tuisi kɔl ndɔɔ vanaa ndɔa kpow coo, haliko ma siŋnun vanaa-tɛɛngaa-diom Hala-a!»

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Condii lisai 37:1

Condii David-e. Tambu kɔllo a vanaa vɔɔnda le! Paŋala vanaa co yɔŋ vɔɔndo tosaa-a le!

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

O Kandɔɔ 37:11

Bɛndaa ndɔa va ndu paŋalaa taw, kɛ mí fuɲa ndɔ mandan sɔɛi ken o kɔl.

O Kandɔɔ 30:1

Mɛɛ Rasɛl ce maa o co Yakɔb cua vilul te, mó kandu Lea bɛ ndɔ paŋalaa. Le hee, mó dimul pɔnɔ ndɔ aa: «Yɔngu ya cuawva, yɔŋii ya vu.»

O Kandɔɔ 26:14

Cɔlua va ndu o ba: saa, cuinnda a nawva. Buɛiya va vɛlɛ ndu o ba taw. Le hee, mí Filistia kandu ndu paŋalaa.

O Kandɔɔ 6:5

Mí Mɛlɛka ca maa kɔlvesɛi vanndacieea va hiovɔɔ laci o ceendo coo tuŋ, mó ca maa lepalaa-lepala, yiyannda vɔɔnnda va nda o lakɔl-tan la va nda lueiyo o dɛnɛ vɔɔndo nin.

Kalatea 3:8

Mí Sɛbɛ Hala-o dimi ndi paandu maa le laalanndo Hala ce vanaa co N'Yuifi le-a vanaa sandaa ni. Mí Yoongu kɛndɛ kon dimulun sindɛ Abraham aa: «Hala dɔawnin vanaa-mangalaa-isɔɔa kpede duaa o nɔm nin.»

Dɛnnda kiilaa 7:9

Puapilɛa Yosɛf-a a va ndu Yosɛf paŋalaa, má pisi ndu haliko mo va cɛɔ Esipte. Kɛ Hala va ndu ikɛi.

Nsaŋ 10:35

Tɔŋndo veelu vanaa sɔɛi Hala-e dimulun-nda aa halaa. Nduyɛ, o Sɛvan-ndo ndu nɔla faŋan te.

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.

Talelan 21:10

Vana kɔlvesɛiyo ndu, dɛnɛ vɔɔndo o yéémà tosaa ni, hali caan ndɔ o mɛi ndu lon te.

Condii lisai 106:16

Má tambu kɔltan a Moise nda Aarɔn o dɔ́ɔ́ngɔ́ɔ̀ nin, vanaa va teengen le Mɛlɛka-a pɛɛn.

Rɔmnda 1:29

A co a piaa a dɛnnda sendu le lan kpow: laasianndo, yeemɛi bɛnduei, kɔlvesɛiyo, paŋalaa, yeemɛi diuvaa n'vannde, cɔlɔbalan, vannda huiyo a kɔlkalu vɔɔndo. A co vannda diolan tɛɛmbuuo,

Rɔmnda 9:17

Kani mí sɔɛi Hala-e dimulun masaa Esipte aa: «I siinguu nɔm masaa haliko mi cɔm kpaaya nuu o nɔm nin, mì diola nilan la kela tɔ́ɔ́ o lɛŋnden kpow coo.»

Esai 11:13

Paŋala cuavaa-imamaa Efraim-nda nɔ-o cuunin, yaamɔaa Yuda-a cuunin kpow. Cuavaa-imamaa Efraim-nda paŋala lɛnin Polale Yuda len te, polale Yuda len bɛɛ le nɔ lɛnin nɛyɔn a cuavaa-imamaa Efraim-nda le.

Nsaŋ 19:37

O co vɛlɛ o sɛvaa o Sɛbɛ Hala-o nin aa: «Vannda heelunin hɔlla mà tofa vana nda cuku-o.»

Nsaŋ 7:42

O co o Sɛvaa maa o polale David len, Bɛtlɛhɛm ciee, nɛɛ David va calle-a Krista fulanin ni.

Kundalan 23:19

Hala co vanaciee le lacòò dimi le. O co vɛlɛ po vanaciee le diom ndɔɔ mangalaa le. O dímì isɔɔ mò kɛɛ ndi tosa le, O sólìn lediom o sondo mò kɛɛ len peelu le.

O Kandɔɔ 38:9

Onan ndóò sina maa cuavaa o va violɔɔ-a ndáà venin cuavaa ndɔ le. Lelan, lɔ́ɔ́-lɔ́ɔ̀ ndáà bɔŋa pɛ nda bɔla ndɔ o kpelemɔɔsaa nin, ndóò cuiŋi mɛmma ivanapɔnɔyama ndɔan lɛŋ, yɔŋii ndóò vilul bɛ ndɔ vi-o cuawva.