Nsaki 4:2 - BII BILA

² La co ɲɔɔn hɔlten fulaa, kɛ la co mun sɔla le. La co yeemɛi le vanndacieea diwvo, la yeema ɲɔɔn, kɛ la co mun sɔla le. La co sɔngɔlan a cɔlɔbalan, kɛ la co ɲɛ-ɲɛ sɔla le. Kani la co ɲuna le.

Nsaki 4:2 Referans Kwoze

Nsaŋ 16:24

Haa hau, la piɛi-yɔ ɲɛ-ɲɛ o diola nilan te. La piɛi mì la sɔla, haliko mi ɲaale niaa peelun.»

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

Talelan 1:19

Lende dɛnɛ vanaa yeema ɲɛ-sɔlaa delɔɔcoo-a co ni, ɲɛ-sɔlaa vaa lende cii yoomu vanaa nuwviaa ndu-a ni.»

Habakuk 2:5

A toɲa, mɔiyan ma pala vana: vanaa yongaa nɔ pɛngi le, yeemɛi ndɛi cuu lɔ́ɔ́-lɔ́ɔ̀ le. Te ciee-piɔ́m sanga pɛ a vanvílɛ́iya, mɛɛ nda bɛɛ a sanganin a vannda delɔɔ coo le nda siinguuo cɛa ndaa.

Esai 7:12

Mí Ahas muli aa: «I co ɲɛ-ɲɛ ɲuna le, i co Mɛlɛka tɔɔndan te.»

Vana Kɔlkaloo 4:8

ndu co a vana co ndu pilɛ kpé-o o kɔɔ ni. O nɔ po le, o nɔ bɛndu le, o nɔ pɔmbɔ le. Kɛ o pɛngi a baalaa le, o co yeemaa le bolofaa sɔlaa tuŋ. Nduyɛ, o co ɲunanndo aa: Le nɛ̀ɛ̀ ya co yɛ sanganndo ho mì va kɛɛ yeemɛi nii tosa? Sanga fondoo co vɛlɛ kon ni, ceendo vili vɔɔndo pɛɛn.

Nsaki 5:6

La yààlá vana sandaa, mí la díí ndu, o símul niaa le.

1Nsaŋ 3:15

Vana-vana nɔ pɛ nɛyɔn puapilɛ ndɔɔ, mɛɛ ndu vana diuvaa n'vanndo o co ni, la sínà yɛ maa vana diuvaa n'van kɛ́-kɛ̀ nɔ yoomu fɛɛn-fɛɛndo ndu nin te.

1Masaa 21:6

Mó mulul ndu aa: «Nabɔt Yisrɛeliinɔ ya dimul ni le ya nakɔ ndɔ rɛsɛnndo keo mì pendu ndu a volion, te kon te mì mingul ndu o celen sɔngɔ nakɔ ndɔɔ. Kɛ mó kɛɛ aa o yɔngunin ya nakɔ n'rɛsɛn ndɔ kon te.»