Nsaki 3:9 - BII BILA

⁹ A len naa n mel Mɛlɛka Fuɲaa balika ni, a len koni naa n mɛɛniaa vɛlɛ vanndacieea cɔwnun a velan Hala-o-a ni.

Nsaki 3:9 Referans Kwoze

Condii lisai 10:7

Sondo ndɔɔ co o piaa cá a mɛɛniaalan, a sɔɔn lacòòvan a á sɔɔn kɔlvesɛiyon. Dɛnɛ palaa a tuula vɔɔnndan koni la co ndu o sondo ni.

Condii lisai 62:4

Háá lɔ́ɔ́ kuɛɛ niaa lo yɛnin vanndo delɔɔ coo, mì la lo ndu kpuuviaa le ndu diyɔɔ mɛɛ cìì cɛiye komba nuaa yɛ, te kon te mɛɛ kungaa komba nuaa yɛ?

Condii lisai 59:12

Nɔm Maalii, nɔm co kɔɔ cɔwvo le naa-o, dii nda le, yɔŋii yungu nuu pɔɛɛnun nɔla nɔmndo. Hiiluu nda a kpaaya nɔmndo, mà deli.

O Kandɔɔ 9:6

Kani vana soli pɛ vanacieo koovan, ndu bɛɛ vanacieo sòli ndu koovan. Bau a velan ya Hala-o ya cɔw vanacieo ni.

Dɛnnda kiilaa 2:26

Lelan, kɔl nuu co a ɲaaloo taw, kɔlkɛndɔɔ co ya, dialun nun bɛɛ n vanin o kɔlkɛsiaa nin.

2Samiɛl 19:21

Kani i sina lekɛ́ndɛi maa i cua hakio a nɔm. Lelan ya yɔŋnun hau vana tasoo fulaa o polale Yosɛf len nin ni, le hunɔɔ nɔm masa nuu bɔŋaa.»

O Kandɔɔ 5:1

Sɛbɛ diola cuavaa Adam-nda a cuavaa ndɔa imamaa co hoo ni: paale Hala cɔw vanndacieea len, mó toosiaa nda a velan ndɔɔ.

1Korɛntea 11:7

O bɛnda mì vanapɔnɔɔ kumbu bollen te, kani ndu co velan biilu Hala-o ni. Vanalanɔɔ yɛ, ndu co biilu vanapɔnɔɔ ni.

Rɔmnda 3:14

Mɛɛniaalan a sɔɔn nɛyan kposon co fulaa nda so lasondo ni.

Matie 26:74

O kon mí Piɛr kandu vuunɔnndo a mɛɛnianndan aa: «I sina poo ho le. Te còòlan ya co dimio ni, màá Hala tuisi ya dɛnɛ palaa coo!» Fɔ́ɔ́fɔ̀, mí kongillo koova.

Matie 5:44

Kɛ ya, i co niaa dimul: la kaola yaamɔaa niaa, la piɛi Hala le vanaa co niaa saangiaa a niaa yɛlen tollo-a.

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

Vana Kɔlkaloo 7:22

Kani nɔm bɛɛ, a sinà maa a co caanda congòó lɔ́ɔ́-lɔ́ɔ̀.

Condii lisai 108:1

Condei. Condii fula o condun David-on nin-nde.

Condii lisai 71:24

Diɛɛmule nilen le vanin dimio telen oo telen maa a sandu, kani siɛmbulan la tol vanaa yeema le dɛnɛ palaa tuisio coo-a, mà tambu labɛ̀ɛ̀ pisika!

Condii lisai 63:4

Kani kaola nɔmndo co fisa a yoomoo. Sondo nuu vanin nɔm sangalaa.

Condii lisai 57:8

Kɔl nuu sim yili, òó Hala, kɔl nuu sim yili. I solinin condon mì lɔɔ ɲɛ-caa.

Condii lisai 51:14

Mingi ya ɲaale vana sɔla o cinda nɔmndo nin-ndo o kɔl, mì yiyan yeemɛi kɛndɔɔ sim ya mayoomu.

Condii lisai 35:28

Ya yɛ, diɛɛmule nilen le soaanin a sandii nɔmnde o kɔɔ, le vanin nɔm lisaa lɔ́ɔ́-lɔ́ɔ̀.

Condii lisai 34:1

Condii David-e. Telen o tosa sɔɔn maa vana seemɛi Abimelɛk o hɔl, mí Abimelɛk toaw ndu mó kɔannun-ndo.

Condii lisai 30:12

A mingi cɛɛŋɔnnda ya va lan condon a kponyoo, a soli ya volɔɔla biisilan lekɔɔ, má vow ya volɔɔla kafolan.

Condii lisai 16:9

Lelan, kɔlkɛndɔɔ pɛ ya o kɔl, i co kponyoo viovɔɔ o yoomu nuu nin, dialun nun bɛɛ n connun n pɛngiaa fɛɛ.

1Dɛnnda lemasalan 29:20

O kon mí David dimul vannda kpow aa: «La mel Mɛlɛka, Hala niaa balika.» Mí nda kpow mel Mɛlɛka, Hala fuɲaa ndaa mamaa balika. Má tundun háá lɛŋ, Mɛlɛka a masaa o hɔl.

1Dɛnnda lemasalan 29:10

Mí David mel Mɛlɛka balika vannda kpow o hɔl, mó dimi aa: «Biiloo co le nɔm, Mɛlɛka, Hala Yakɔb, fuɲa naa mamaa-o, nɔm co fuɲa naa le fɛɛn a fɛɛn ni.

2Samiɛl 16:5

Masaa David tiiyaa Bahurim ciee, mí Simei, po Kera fula o polale Saul-ten nin-ndo cenelan ndu, mó va ndu yeowlan.

Masaa kialaa n'yamaa 9:27

Má kɔa o ciɛɔn n'rɛsɛŋun ndan nin, má kiandu rɛsɛnndon, má toosiaa mɔiyan a mun, má tuisi kafoo, má kɔa o cɛi máán hala ndaa nin, má dia dió kafoo, o kon má mɛna Abimelɛk.

Efɛsea 1:3

N melnun Hala balika, o co Fuɲaa Maalii naa Yeesu Krista-o. O dɔw naa duaa le co naa n co a yiinannda o Krista nin-ndo, o ke naa ɲɛm kɛndɛn co o halataala-on kpow-vo.

Condii lisai 145:21

Éé Mɛlɛka! I lisanin nɔm o condon nin. Màá ɲɛm co yoomu-on kpede n va nɔm balikaa mello lɔ́ɔ́-lɔ́ɔ̀, nɔm Hala diandaa!

Condii lisai 145:1

Condii lisai, í fula o condun David-on nin-nde. Hala nuu, masa nuu, i yeema mì lisa nɔm, mì sina kɛndɛi nɔmnde le lɔ́ɔ́-lɔ́ɔ̀.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

Nsaki 1:27

Dina diandaa, o nɔ sɔŋ Hala Fuɲaa o hɔl too, ndu co le vííya a vanlaandua vii piaandua-a yilɔɔ le sangala ndalan ni, a vana pila mandanndo le dɛnnda nɔɔlɛila ceendo ho.

Nsaki 3:10

O sondo pilɔɔ nin duaalan a mɛɛniaalan la co fulaa ni. Puapilɛa nia, o bɛnda mò tosan lende le.