Nsaki 3:6 - BII BILA

⁶ Nduyɛ, diɛɛmulen bɛɛ yinnden le co ni. Ceen dɛnɛ sandaa lepɛŋndo le co o dialun naan nin ni. Le co diallon kpow nɔɔliaa mì le va vanacieeyɛi nɛi kpow lomɔɔ. O Ɲánndávàà yinnde ndɔle len le fula ni.

Nsaki 3:6 Referans Kwoze

Talelan 16:27

Vana fondoo tuu sɔɔn vɔɔnndon ni, sɔɔn fula ndu o sondo-on co maa yinnde biyaa.

Marke 7:15

Ɲɛ-ɲɛ fula mò luɛi vanacieo nin mò nɔɔliaa ndu le, kɛ ɲɛ fula vanacieo nin-ndo, ndu nɔɔliaa ndu ni.

Talelan 15:1

Muli kɛndɔɔ ɲulul vana kɔllo ni, kɛ sɔɛi dimi vɔɔndo yɔngu vana kɔllo tuwvo ni.

Luke 16:24

Mó yonda aa: ‹Fuɲa nuu Abraham, tuinun ya iɲíí. Viom Lasar mò hun pila sui ndɔɛi hɔlle o mɛnndan nin, mó pɔɔla ya diɛɛmulen. Kani i co bɔɔ sangaa o yinnden nden nin.›

Talelan 6:19

sei lacòòvaa tɛnda seilen a còòlan-ndo a vana mɛli sɔngɔlan puapilɛa tɛɛn-ndo.

Condii lisai 140:3

Yiyannda tosaa dɛnnda vɔɔnndan kínɛí nda nɔ o lakɔl ni, lepalaa o lepala, a co vannda kuello a sɔngɔlan.

Condii lisai 64:3

Vion ya mì faŋan vanaa yɔŋ vɔɔnda ha ikɛi, a vɔkɔ-vɔkɔ vanaa co haa dɛnnda vɔɔnndan tosaa-a-o.

3Nsaŋ 1:10

Lelan te i hin pɛ, i cɔmnin dɛnnda o co coo lan, o co kelaa a naa o sondo, o hini kɔl te, ndu pila bii n'mial te, mo va vɛlɛ vanaa co nda biyɔɔ-a kuunaa, o co nda solio o kunda vanaa laalannda nin.

Nsaki 2:7

Vɛ̀ɛ̀ nda le a co diola kɛndɛla niaa sɔla lan yeowlan te?

Dɛnnda kiilaa 6:13

Má bɛɛndiaa seyaa lacòòvaa pum, mí kan a dimi aa: «Langbanɔɔ ho co pɛngi sɔɔn vɔɔnndon dimio a fonda-diandaa ho o kɔɔ le, o co vɛlɛ mun dimio a tɔŋ Moise-o o kɔɔ.

Dɛnnda kiilaa 5:3

Kɛ mí Piɛr ɲuna ndu aa: «Ananias, le yɛɛ nɛ n kumbil-lɛ Setana kɔl nɔmndo le Hala Kɔl-Diandaa còòlan dimullo, má faŋa volin n pisi yondoo-on baa pilɔɔ le nɔm pila?

Matie 12:24

Faliisia tueyɔɔ lende, má dimi aa: «A kpaaya Beɛlsebul, bolle ɲinaa vɔɔnda langbanɔɔ ho co ɲinaa vɔɔnda tovɔɔ ni.»

Matie 5:22

Kɛ ya, i co niaa dimul: vana-vana tuulu pɛ kɔl a puapilɛ ndɔɔ, a kiolu ndu iyama. Vana dimul pɛ puapilɛ ndɔɔ aa: ‹A kindu kɔl te›, vanaa bɛndua kialu yaman lelɛŋndon-nda bɛnda mà cal o sɔɛi ndɔɛi coo. Vana dimul pɛ puapilɛ ndɔɔ aa: ‹Diɔmndo n co ni›, ndu bɛnda mò kɔɛ o ɲánndávàà.

2Samiɛl 19:43

Mí vanaa fula o polale Yuda len nin-nda mulul Israɛlla aa: «Kani naa n hiow va vanayɛi masaa. Hali mí la tuulu kɔl le ken te. Mò va maa masaa va naa baloo dɔvɔɔ ni? Mò va maa ɲɛ o ke naa ni?»

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Dɛnnda cɔɔmuanndan 18:23

Vana ci lɛnin ɲɛ-tengaa fitina lon te, diom vana cua lanɔɔ sɛnɛi-yo te kon te vana cal o nɔu sɛnɛi-yo tuinun ndɛnin ndon te. Kani yulaa ndɔa va vanaa bɛndua o lɛŋnden coo ni, mí vanaa-mangalaa-isɔɔa kpow a luɛi o pɔwlan nin a kueile nɔmnden.

Dɛnnda cɔɔmuanndan 13:14

Mó luei vanaa va o lɛŋnden coo-a o pɔwlan nin a dɛnnda kɔndɔfilta o sɔla kpaayaa le tosaa visi tasoo o hɔl-tan o kɔɔ, mó va vanaa co lo o lɛŋnden coo-a dimullo le tuula visi tɔɔma ndáà yɔŋul kon a mɔɛi cɔwve mó siangu-o toosiaa.

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

2Piɛr 3:3

Ɲɛ tasoo, la sínà maa o palɛi mɛɛlɛi, vanaa mam vannda-a kuinin taw, mà mam niaa. A vanin kelaa o yeemɛi ndɛi nda pila-e coo,

Tite 1:11

Mɛɛ mì la kinda nda sondolan, kani a co yungulan kpede pesipesio a pɛɛkula bɛnda le lan le ɲɛm lakafan sɔlaa.

Dɛnnda kiilaa 20:30

Niaa tɛɛn bɛɛ, vannda vanin còòlan dimio haliko mi vanaa laalannda del nda kɔɔli.

Yeremi 28:16

Ɲɛ Mɛlɛka dimi-o co hoo ni aa: «I co nɔm tovɔɔ o lɛŋnden nden nin, nanndee n co vu ni, kani a tosa mí vannda simul Mɛlɛka.»

Yeremi 20:10

I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!

Esai 30:27

La tofa vɔ, Mɛlɛka pila hunnin! O fulanin o tàndá levillo nin mo hin. O co a kɔltuwvo taw, maa yinnde sɔngɔɲɔn kɔltuw ndɔɔ co ni, cɔcɔn co ndu n'piaan ca a kɔltuwvo, diɛɛmule ndɔlen vana ca kaa yinnde co kuuliaa len ni.

Kundalan 31:16

La loonun maa nda Balaam yɔngu silala vɔɔnndan ni ma tosa mí Israɛlla del kasi a Mɛlɛka o dɛnɛ Peɔr-o nin. Nduyɛ kon tosa ni mí nàà halimaa toal kunda Mɛlɛka-o coo.

2Dɛnnda lemasalan 13:17

Mí Abiya nda vanaa ndɔa cɔwva koaŋ nda koŋɔɔ pila, má diw vanaa cɔvaa Israɛlla vaalan kɛmɛ leŋuɛɛnu.

2Samiɛl 16:20

Mí Absalɔm dimul Ahitofɛl aa: «La suukan le sinaa mɛɛ naa n bɛnda le tosaa yɛ.»

Tɔŋ miingua 13:6

Le vana-tɛɛngaa-diom Hala kon, te kon te vana sɔlaa malɔ kon, o bɛnda mò sɔla piɔ́mndo. Kani ndu va tosa ni mì vannda ndáà simul Mɛlɛka Hala niaa, ó soli niaa o lɛŋnde Esipte len nin mó faŋa niaa o cɛlen nin-ndo. Vana kon ndóò yeema mì ndóò faŋa niaa o nɛi Mɛlɛka Hala niaa dimul niaa le kɔlan coo-o coo. Nuaa niaa bɛnda ni mi la faŋa dɛnɛ vɔɔndo niaa tɛɛn.

Tɔŋ lasálàá 24:11

Mí langbanɔ kala ndɔ va kon Israɛlnɔɔ-o dimi diomnde vɔɔnnden a diola Mɛlɛka lan, má bii ndu, má hun a ndu o Moise lo. Kalaa langbanɔ kon diolan Selomit, cua Dibri-o, fulaa o polale Dan-nden nin.

Kundalan 25:2

Mí vanlaandua kan a nɛlanɛla nda le piɔmaa ndaa sálàlan solullo nda ndaa. Mí Israɛlla a va kulon dioo nda ndaa, ma va vulan baŋɔɔ piɔmaa ndaa o labɛngunin.

Talelan 7:5

haliko mi kɔlkaloo a dɛnɛ sinaa manda nɔm, ma kpakpala vanalanɔ tiamaa, ma kpakpala lanɔ pila sondo yeelɛiyo.

Esai 50:11

La tuei-yɔ! Niaa co yinnden mɛndullo-a kpow, niaa kɔɔn tuw-tuwvon co o laba-a kpow, la kɔ o yinnde niaalen a o kɔɔn niaa pila divi-on tɛɛn! Ba nuu tuisinin sangala lan niaa coo ni, la hininin o sanga niaa bɛndu-bɛndoo nin.

Nsaki 3:7

Kani vanacieo tiwba mo tosa hɛnan ndɔɔ visia yondoa, yowva, ɲaa sasun lɛŋ-nda a visia peea súúlan kpow coo, nduyɛ mò tosá hɛnan ndɔɔ nda coo.