Nsaki 3:18 - BII BILA

¹⁸ Kɔmnde dɛnɛ sandaa le saŋnun o kɔlɲuloo nin, vanaa yeema kɔlɲuloo-a saŋ-nden ni.

Nsaki 3:18 Referans Kwoze

Matie 5:9

Dɛnɛ kɛndɔɔ co le vanaa yɔngu kɔlɲuloo-a, kani a sɔlanin veeloo aa cuavaa Hala-a.

Osee 10:12

La sáŋ dɛnɛ sandaa, mì la kow vanakɛndɛyɛi. La fɛɛya ciɛi sɛnɛiye le niaa pila. Telenndo tiiya le muungoo ya Mɛlɛka o ibuŋ, háá mì hun saŋ dɛnɛ sandaa niaa coo.

Filipea 1:11

Mì Krista mala niaa, mì la pɛ a dɛnnda sandaa lan, o kon mì Hala sɔla biiloo a sangalaa.

Kalatea 6:8

Vana saŋ pɛ le yeemɛi ndɔɛi ndu pila-e, ɲɛ yeemɛi ndɔɛi koam-ndo o koaw ni, piɔ́mndo pɛɛn. Kɛ vana saŋ pɛ le Kɔl-Diandaa, ndu kow o fula o Kɔl-Diandaa nin-ndo, yoomu fɛɛn-fɛɛndo pɛɛn.

Talelan 11:30

Dɛnnda vana sandaa la co maa yɔm yɔngu cindaa-o. Vana nɔ pɛ kɔlkaloo, o sɔla vannda.

Hebreea 12:11

Sanga oo sanga nda tuisi pɛ vanndo coo le tɛɛmbuu ndɔɔ, o telen kon bɛngu, kɔllo vana kon tambu ni, vana niŋ kɔl te. Kɛ o kon kɔɔli, vana kon sɔla kɔlɲuloo, o tosa dɛnɛ sandaa.

Talelan 11:18

Vana kɔlvesɛiyo co tɔnɔ fondoo nuwviaa, kɛ vana co dɛnɛ sandaa tosaa-o nɔ sala ndɔɔ.

Nsaki 1:20

Kani kɔltuw vanacieo tosa dɛnɛ sandaa Hala-o le.

Nsaŋ 4:36

Vana koavaa co nin bɛɛ salaa sɔlaa, mo va kullon cuungiaa le cinda fɛɛn-fɛɛndo, haliko mi vana saŋaa nda vana koavaa dɔwnun ɲaale latulu.

Amɔs 6:12

Vɛ̀ɛ̀ soa nɔla ma ɲaanun o pow kpovaa coo? Vɛ̀ɛ̀ vana váà a navaa vàá o pow bandíláà coo? Kɛ niaa, la mangala dɛnɛ sakpoo maa bɔtà, mì la mingi kɔmnde dɛnɛ sandaa maa ɲɛ lolo.

Talelan 11:28

Vana tiindan pɛ bolofaa ndɔɔ, ndu del, kɛ vanaa sandaa naŋnin maa yɔm puiyaa.

Condii lisai 92:14

Le tùú nda co a tɔalaa o Cɛi-Hala-o nin-ndo, a kuinin o Hala naa lo bɛɛ.