Nsaki 3:1 - BII BILA

¹ Puapilɛa nia, la síŋnùn vanaa pɛɛkaa sɛ́lɔ́ɔ́ taw le, kani la sínà maa naa co pɛɛkoo-a, yamɛi nɛi i hiawnin ikalu.

Nsaki 3:1 Referans Kwoze

1Timote 1:7

A yeema mà cɔm maa vanaa bɛndua sínà tɔŋ Hala-o-a nda co ni, kɛ a co sɔɔn nda pila co dimio-on bila biyɔɔ le, a co vɛlɛ n nda co dimio a tiindanndo-on bila biyɔɔ le.

1Piɛr 5:3

Ò va le kunda nda sɔɔ niaa o ba-o masalen tosaa coo a paa-kala le, kɛ le vaa tɔɔmasele kɛndɔɔ le nda.

1Korɛntea 12:28

Lelan, o vanaa laalannda tɛɛn, mí Hala kɛsi fɔlɔn kiilaa, diinndɔɔ vanaa-tɛɛngaa-diom Hala-a, yàándɔɔ vanaa pɛɛkaa. O kon kɔɔli, vanaa tosa dɛnnda kaamaalan-nda, o nda kɔɔli, vanaa nɔ kela singiaa lan-nda, vanaa mala vannda-a, simlacia a vanaa sɔaa o sɔɔn mangalan celen nin-nda.

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

1Timote 2:7

Lelan o siinguu ya vana dimia diom Mɛlɛka-o a kiilaa ni, mì pɛɛku vanaa co N'Yuifi le-a laalanndo a toɲaa. O co lacòò le ya co dimio ho nuaa le, toɲaa ni.

Efɛsea 4:11

Ndu yɔ̀ngù vannda valta yɛ́-yɛ́lan ni: ó siinguu vanaa pum kiilaa, mó siinguu a pum vanaa-tɛɛngaa-diom Hala-a. A pum vanaa yondaa-diom Hala-a, a pum vanaa mandaa n'saa, a pum vanaa pɛɛkaa.

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

Hebreea 13:17

La bii diomnda simlacia niaa mì la tuisin nda o labɛngunin. Kani a nɔ niaa hɔlten coo le kona nda hun dɔawnunnin o Hala lo-o. Lelan te la tuei nda pɛ diom, a tosa baala ndaa a ɲaaloo, o ve a cɛɛŋɔn te, la sɔla mala oo mala o ken nin te.

Luke 16:2

Mí vana bolofaa kon veelu ndu, mó ɲuna ndu aa: ‹Vɛ̀ɛ̀ ya co yɛ tueyɔɔ a nɔm o kɔɔ? Downun ya kona, kani a manda lɛnin bolofaa nuu le.›

Tɔŋ lasálàá 10:3

Mí Moise dimul Aarɔn aa: «Le hee Mɛlɛka ndóò dimi ni aa mɛɛ mì vanaa co ndu sɔɔnguuo ikɛi-ya sina diondɔɔ ndɔɔ, nduyɛ mà biilu ndu vannda kpow o hɔl.» Mí Aarɔn mei kpili.

2Timote 1:11

Lelan Hala vem ya ni, le vannda Yoongu Kɛndɔɔ dimullo, mì va kiilaa, mì va vɛlɛ vana pɛɛkaa.

Nsaŋ 3:10

Mí Yeesu mulul ndu aa: «Nɔm co vana pɛɛkaa tɔ́ɔ́ bɛndoo Israɛl-lo, vɛ̀ɛ̀ a co dɛnndan ndan bila biyɔɔ le?

Matie 10:24

«Kaandennɔɔ hiw vana ndɔ pɛɛkaa le. Cɛɔ bɛɛ hiw vana ndɔ bɛndoo le.

Luke 6:37

«La kialu yamɛi vana le, haliko yamɛi kilun niaa le. La yaala vana le, haliko vana yaala niaa le. La mal caanda haki, haliko mi niaa bɛɛ sɔla hakio malɔɔ.

Matie 9:11

Faliisia cɔu lende, má ɲuna kaandeŋaa Yeesu-a aa: «Le yɛɛ vana niaa bɛndoo co yɛ dioo nda vanaa biyaa mulua a vanaa lahakia latulu?»

Malasi 2:12

Mɛlɛka sɛinin vana co dɛnɛ kon tosaa-o. Vana-vana fula vɛlɛ pɛ o yungu Yakɔb-o nin, mò soo le vana kon, te kon te le Mɛlɛka-Nɔ-Kpaayaa-Kpow-vo sálàá solullo le ndu, vana kon bɛɛ, Mɛlɛka sɛinin ndu mò soli ndu caanda tɛɛn.

Dɛnnda kiilaa 13:1

Vanaa-tɛɛngaa-diom Hala-a a vanaa pɛɛkaa latɔŋnda pum a va vanaa Krista-aa tɛɛn Antiɔs: Barnabas, Simeɔn o ndáà ke diolan aa Vana-Tiŋio-o, Lusius fula Sirɛne-o, Manaɛn sul nɛɛ pilɛ nda Herɔde-o, Herɔde va masalen tosaa Kalile-o pɛɛn, a Sol.

Nsaki 1:16

Puapilɛa nia ya kaola-a, niaa pila palan te.

Nsaki 1:19

Puapilɛa nia hɛnan ya-a, la sinà pɛɛngu maa vanaciee oo vanaciee bɛnda mò keleŋa tueyɔɔ, kɛ o keleŋa isɔɔ le, o yala kɔl tuulu le.

Nsaki 3:10

O sondo pilɔɔ nin duaalan a mɛɛniaalan la co fulaa ni. Puapilɛa nia, o bɛnda mò tosan lende le.

Matie 23:14

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co ɲɛm vanlaandua piaandaa ndaa vi-a kpow poondiaa, mì la muungu vɛlɛ piɛile vilɛi-vilɛilen tosaa, haliko mi vannda dɔw niaa taasi. Lelan, yamɛi kilulunnin niaa teengen, ɲíí venin te].