Nsaki 2:8 - BII BILA

⁸ Nduyɛ, te la bii pɛ tɔŋ lemasaa mɛɛ o sɛvan-ndo dimi yɛ aa: «Kaola caanda maa nɔm pila», mɛɛ la co caa vilio.

Nsaki 2:8 Referans Kwoze

Tɔŋ lasálàá 19:18

La míngì màá le, la mándan sɔɔn vɔɔŋun vannda o lakɔl te. Vana-vana bɛnda mò kaola caanda maa ndu pila. Ya co Mɛlɛka ni.

Kalatea 5:14

Kani tɔŋndo kpede peelun o sɔɛi he ndii pilɛ kpé nin aa: «Kaola caanda maa nɔm pila.»

Nsaki 2:12

La sòó mì la kela maa vanaa sɔlanin yamɛi kilullo mɛɛ tɔŋ ihɔɔya co yɛ-a.

Matie 22:39

O diinndɔɔ co hoo ni, ndu bɛɛ velan a o tasoo: kaola caanda maa nɔm pila.

Kalatea 6:2

La maalian o sangalan nin vellaa-velle, tɔŋ Krista-o peeloo co kon ni.

Tɔŋ lasálàá 19:34

Kɛ la bíí ndu mɛɛ niaa bii Israɛlaa pilacieea yɛ, la kaola ndu maa niaa pila. Kani niaa bɛɛ, mialla niaa yɔŋnun o lɛŋnde Esipte len nin ni. La loonun a ken. Ya co Mɛlɛka ni, Hala niaa pɛɛn.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Nsaki 1:25

Kɛ vana-vana yɔngun pɛ, mò pɛɛku tɔŋ peelanndo, tɔŋ ihɔɔyaa, mò kela lecoo a biuvɔnndo, o co ka le ndu tueyɔɔ mò pɔɛɛnun te, kɛ mò kela lecoo ɲɛkɛndɛi, vana kon sɔlanin dɛnɛ kɛndɔɔ o dɛnnda ndɔlan nin.

Yonas 4:4

Mí Mɛlɛka mulul ndu aa: «Vɛ̀ɛ̀ a nɔ pá dí ma tuulu kɔl?»

2Masaa 7:9

O kon kɔɔli, má dimulan vellaa-velle aa: «O co dɛnɛ kɛndɛ le naa n co hoo tosaa le dɛ! Paalen nden hau, paale Yoongu kɛndɛlen le co ni. Te n lo pɛ meiyo nuaa, mì n lo cumndo háá mì paalen le sɛ, dɛnɛ palaa co naa tolɔɔ coo le ken. Lelan la hun n kɔnnun, mì n kɔ tiiyan yoongoo ho o cɛi lemasaa nin.»

1Tesalonikea 4:9

Hali mì n sɛval bɛɛ niaa a kaola bɛnda mò va vanaa laalannda tɛɛn-ndo o kɔɔ le, kani niaa pila sɔla pɛɛkoo Hala o ba maa la kaolian vellaa-velle.

Filipea 4:14

Kɛ nduyɛ, la bɛɛndiaa tosà mí la mala ya o pɛŋnde nilen nin.

Matie 25:23

Mí vana ndɔ bɛndoo dimul ndu aa: ‹Nuvali, vana baala kɛndɔɔ a vana baala lo o lediom coo-o n co ni. A yɔŋnun vana lo o lediom coo-o o ɲɛm pɔmbɔn nin, i sɔaanin ɲɔɔn taw nɔm o ba. Sɔɔnguu mì n dɔwnun ɲaale latulu naa nɔm.›

Yonas 4:9

Mí Hala ɲuna ndu aa: «Vɛ̀ɛ̀ a nɔ pá dí ma tuulu kɔl le yɔmndo ho?» Mí Yonas muli aa: «I nɔ dí mì tuulu kɔl háá mì kelun nande.

1Masaa 8:18

kɛ mí Mɛlɛka dimul ndu aa: ‹Yiyan kɛndɔɔ pila n sɔla kon le ya Mɛlɛka cɛiyo tengullo ni.

Nsaki 2:19

A laalan maa Hala ndu pilɛ kpé co ni? A caa laalan lende. Ɲinaa bɛɛ laalan lende mà va ɲiiyaa.»

Matie 25:21

Mí vana ndɔ bɛndoo dimul ndu aa: ‹Nuvali, vana baala kɛndɔɔ a vana baala lo o lediom coo-o n co ni. A yɔŋnun vana lo o lediom coo-o o ɲɛm pɔmbɔn nin, i sɔaanin ɲɔɔn taw nɔm o ba. Sɔɔnguu mì n dɔwnun ɲaale latulu naa nɔm.›

Matie 7:12

Ɲɛ-ɲɛ niaa yeema pɛ mì caanda tosal niaa, mɛɛ niaa bɛɛ la tosal nda lende, kani lende tɔŋndo a vanaa-tɛɛngaa-diom Hala-a dimi ni.»

Rɔmnda 13:10

Vana kaola caanda-o ndu tosal vana dɛnɛ vɔɔn te. Lelan, kaolaa co peelɔn tɔŋndo ni.

Nsaki 4:11

Puapilɛa niaa, la congan vellaa-velle le. Vana congu pɛ puapilɔɔ, te kon te vana yaala pɛ puapilɔɔ, mɛɛ ndu congu tɔŋndo mo yaala tɔŋ kalaa. Nduyɛ, taa kelu pɛ tɔŋndo iyama, mɛɛ a co vana biyaa tɔŋ te, yaamɔɔ tɔŋndo n co ni.