Nsaki 2:6 - BII BILA

⁶ Niaa yɛ, la co vanaa bala fondoa bɛ̀ɛ̀lan tɛɛmbuuo. Vɛ̀ɛ̀ o co vanaa bolofaa le a co niaa mɔnɛi lueiyo le? Vɛ̀ɛ̀ nda le a co niaa yɔɔ o fondala kialaa n'yamalan te?

Nsaki 2:6 Referans Kwoze

Talelan 17:5

Vana mam pɛ vana bala fondoo, mɛɛ vana cɔw ndu-o o tɛɛndan ni. Vana mam pɛ caanda le dɛnɛ palaa co nda coo-o, dɛnɛ palaa toalnin vana kon coo le ken.

1Korɛntea 11:22

Vɛ̀ɛ̀ vana-vana nɔ cɛi ndɔ le dioo a kolɔɔ lon te? Te kon te vɛ̀ɛ̀ vanaa laalan Hala-a niaa yeema bɛ̀ɛ̀lan tɛɛmbuuo mì la tuisi vanaa nɔ ɲɛ-ɲɛ le-a siɛmbulan ni? Yɛɛ ya dimul-lɛ niaa vɛlɛ? Vɛ̀ɛ̀ i candu niaa lelan? Kɛì-kɛì bɛɛ! I cendù niaa le.

Talelan 14:31

Vana tosal pɛ vana bala fondoo dɛnndan kpoku-kpoku, mɛɛ a tɛɛndan Vana cɔw ndu-o. Kɛ vana ce pɛ vana bala fondoo ɲia, o ke Vana cɔw ndu-o bɛɛlen.

Condii lisai 14:6

La co tuula vanaa co o sangaa nin-nda tɛɛmbuuo, kɛ siɛmbulan la biinin niaa, kani Mɛlɛka co nɛɛ viannannda le nda ni.

Nsaki 5:4

La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.

Nsaki 2:3

te la handu pɛ hɔlten vana nɔ volɔɔla kɛndɛ-kɛndɛlan lekɔɔ-o coo, mì la dimul ndu aa: «Nɔm sei, cal nanu o fonda lebɛɛo ho», mì la dimùl vana bala fondoo aa: «Nɔm sei, sim o nda», te kon te aa: «Cal nɛɛ ya kɛsì pelun nun-nda»,

Dɛnnda kiilaa 17:6

Kɛ a komal nda lon te. O kon má kɔa a Yasɔn nda vanaa laalannda a pum vanaa kialaa n'yamaa kobia o hɔl, má yonda aa: «Langbaa ha co keiyo vannda palaa o lɛŋnden coo kpow, má cè nda nihau nanu.

Dɛnnda kiilaa 13:50

Kɛ mí Yuifia luei vanlaandua lebɛaa nɔ siòòŋii Hala-e-a a vanpiaandua va vannda simndan laci o kobi kon nin-nda sɔɔn nin. Má luɛi Pol nda Barnabas yɛlen tollo, má toaw nda o bungɛi ken nin.

Dɛnnda kiilaa 8:3

Kɛ Sol ndu, ndóò yeema mì ndóò puusiaa vanaa Krista-aa. Mó va keiyo cɛilan nin vanaa laalannda biwvo, vanpiaandua a vanlaandua, mó va nda malɔɔ o kaasoo.

Sakari 7:10

La luéì vanalanɔ pɔnɔ ndɔ vi-o a vííyo mɔnɛi le. La sáángiàà miallo a vana bala fondoo le. La túúnùn o lakɔl le dɛnɛ vɔɔndo tosalanndo vellaa-velle le.

Amɔs 5:11

A vɛlɛ, la co vana bala fondoo nɛwvo o lebol, la co ndu malun ndɔn poondaa o ba a paa-kala. Lelan, cɛila niaa tangul tan a powtan-ndan, la luenin lenin te few. Rɛsɛŋun kɛndɛ-kɛndɛn niaa tɔl mun-ndon, la kolnin mɔima ndɔan te.

Vana Kɔlkaloo 5:8

Le vanndacieea kpow tɔnɔ lelɛŋndo co ni. Masaa bɛɛ, yondoo tɔnɔ ndɔɔ fula ni.

Talelan 22:16

Vana hiw pɛ vana bala fondoo yɔɔkpiaa, a siinguu ndu vana bolofaa. Vana ke pɛ vana bolofaa, nɔm pila lo fondo.

Condii lisai 12:5

Vanaa kan co dimio aa: «A diɛɛmui nɛi naa n sɔla kpaaya ni, cɔcɔn naan co naa malaa, siòòŋii co naa a vana-vana le.»

Condii lisai 10:14

Nɔm pila tofa vɔ sangaa a dɛnɛ palaa co vanaa bala fondoa coo-o. Cua sɔɛi ndɛi balan tan tiɔn. Nɔm o ba vana dɛnɛ palaa sɔɔnun ni, nɔm malà vííyo ni.

Nsaki 5:6

La yààlá vana sandaa, mí la díí ndu, o símul niaa le.

Dɛnnda kiilaa 18:12

Tuma Kaliɔn va masa-ibunga Rɔmnda Akaii ciee-o, mí Yuifia cɛlan, má simul Pol. Má kɔa a ndu nɛɛ kialaa n'yamaa.

Habakuk 3:14

A buli simlacia yaamɔaa ndaa bolle a kɔɔn ndan nda pila-on. Vanaa kan, à va hunɔɔ ikpɛ́ɛ́nɛ̀nɛ̀i maa hoeyii fùkù-fùkù le naa sɛŋio fásàn. À va yoondiaala kɔlkɛndɛlan mɛɛ vanndo viannun o bɛ̀mɛ́lta ndɔlan le vana bala fondoo tolɔɔ coo nuaa yɛ.

Amɔs 4:1

«La yaŋ nilan ɲɛkɛndɛi o sɔɛi he, niaa navaa laandua Basan, niaa co icali o pembon Samari coo, mì la va vanaa bala fondoa saangiaa a vanaa ikɔɔa mɔnɛi lueiyo-a. La co piaandaa niaa dimullo-a aa: ‹La hun a man mì n kolnun man!›

Esai 53:3

Vana vannda ndáà pɛɛsa ma kɛɛ-o o va ni, vana ɲɛ kindilaa o va ni, vana dema sangaa sɔla-o o va ni. Maa vana vannda feŋal hɔlla-o o va ni, ndáà tɛɛndan ndu bɔɔ, ndáà ci ndu ɲɛ-ɲɛ le.

Condii lisai 10:10

O tundun pɛ, o bɛmnun, vanaa bala fondoa del o kpòndò ndɔɔ bɛngu.

Condii lisai 10:8

Ciee-lekɔɔ o sim mɛngɛlaa ni, lon o cumul vana tɛɛmbuu isɔɔ loo ni le ndu diyɔɔ. Nɛɛ-nɛɛ vana bala fondoo hiow pɛ, o hivi ndu hɔlten kɔɔli.

Condii lisai 10:2

Vanaa kɔlvesɛiya co vanaa ikɔɔa delɔɔ coo a yongaa, à co nda biyɔɔ a yaŋɔɔla nda miinguu lan.

SƐBƐ YƆB-O 20:19

Kani o saangiaa vanaa bala fondoa, mó mal nda, mó hialu cɛila ndalan yɔŋii o tangul cɛi celen.

Nsaŋ 8:49

Mí Yeesu muli aa: «Ɲina vɔɔn co ya nin te, kɛ Fuɲa nuu ya co bɛɛlen keo ni, mì niaa va ya bɛ̀ɛ̀lan tɛɛmbuuo.

Talelan 18:23

A tɛɛlɔnndo vana bala fondoo soaa ni, kɛ vana bolofaa ndu, a kpaayaa o mulì ni.

Talelan 22:7

Vanaa bolofaa o ba bɛngu vanaa bala fondoa co ni. Vana cua kueo-vo co cɛ vana o cua kueo o ba-o ni.