Nsaki 2:5 - BII BILA

⁵ Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

Nsaki 2:5 Referans Kwoze

Matie 5:3

«Dɛnɛ kɛndɔɔ co le vanaa tuisin tootoo o kɔlta ndalan nin-nda, kani masale halataala len le co le nda.

Luke 6:20

Yeesu keeliaa kaandeŋaa ndɔa hɔlten coo, mó dimi aa: «Dɛnɛ kɛndɔɔ co le niaa vanaa bala fondoa, kani masale Hala len le co le niaa.

Dɛnnda cɔɔmuanndan 2:9

I sina dɛnɛ palaa nɔmndo a pɛŋnde nɔmnden, kɛ o kpeekpeiyo nin, vana bolofaa n co ni! I sina mɛɛ vanaa co N'Yuifi le-a kɛ ma va veelɔnndo aa Yuifia-a a co nɔm congulan yɛ, kunda Setana-o vanaa kan co ni.

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

Luke 12:21

Mí Yeesu hiaw vɛlɛ laci a sɔɛi, mó dimi aa: «Lende koni o vanin vɛlɛ le vana landu kɔllo le ɲɛm ceenndon cuungiaa le ndu pila-o ni, o co bolofaa cuungiaa le Hala loo pɛɛn.»

1Piɛr 1:4

le kɛ́ tembu loo, o nɔɔlian too, o ɲɔfɔla loo. Kɛ́ kon co o mandaa le niaa o halataala,

Nsaki 1:12

Dɛnɛ kɛndɔɔ co le vana bìwnùn o tɔɔndanndo nin-ndo, kani o cii pɛ tɔɔndanndo sɔla, o sɔla mɔsil lemasa cindaa, o Mɛlɛka yiilu vanaa kaola ndu-a kpemaa-o.

Hebreea 11:26

Mó ca maa sangaa sɔlaa le Krista co fisa a bolofaa Esipte. Kani vɔ̀ngɔ́ va ndu laci-o caando va cɔu ni.

Luke 12:32

Saa kunda pɔmbɔa, la yɔŋ isiòòn te, kani dɛnɛ hɛnan Fuɲa nia-o co kon ni le niaa masalen yɔngoo.

1Korɛntea 2:9

Kɛ maa mɛɛ o co o sɛvaa yɛ aa: «Ɲɛ hɔlte ci loo, ɲɛ nile tui loo, ɲɛ yiyan luei vana o kɔl too, ndu Hala bɛɛndiaa ni le vanaa kaola ndu-a.»

Matie 25:34

O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len.

Dɛnnda cɔɔmuanndan 21:7

Ɲɛ vana nɔlanin-ndo sɔlanin kɛ́ɔ-vo co hoo ni: I vanin Hala ndɔɔ, mì ndu va po nuu.

Nsaki 1:9

Puapilɛ tuisin taw-vo bɛnda mò dɔwnun ɲaale le heelu Hala heelunin ndu-o,

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

2Korɛntea 6:10

A co naa kɔltan tɛɛmbuuo, kɛ nduyɛ n co a ɲaaloo lɔ́ɔ́-lɔ́ɔ̀. N co maa vanaa kɔɛi bɛndu, kɛ nduyɛ n co vannda tɔnɔɔ looloo, n co maa vanaa lepɛŋ, kɛ nduyɛ, ɲɔɔn kpow n co naa o ba.

Dɛnnda cɔɔmuanndan 3:18

Lelan i co nɔm sila mà pendu ya sianin nda dindi o yin-ndon o ba, haliko ma sɔla bolofaa a volɔɔla humbulan, haliko ma cuɛinun, o kon a ve lɛnin a fɛ́lio mì siɛmbula bii nɔm te. Piondu koovan le malnɔnndo o lahɔl, haliko ma ce.

1Timote 6:18

Dimul nda mà a tosa dɛnɛ kɛndɔɔ, mà tosal vannda kɛndɛi taw, mà cɛl le vanaa celen ɲɛm ndan piɔwvo.

Luke 16:25

Mí Abraham dimul ndu aa: ‹Po nuu, loonun maa telen n va yoomu-o, má sɔla dɛnɛ kɛndɔɔ, mí Lasar ndu sɔla dɛnɛ palaa. Sunsun yɛ, ndu co o kɔlɲuloo nin nanu, mì nɔm co o mɔnɛi nin.

Matie 11:5

vanaa sumɛiya co cɔu, vanaa bɛvɛiya co cɔnɔnndo mà va kelaa, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co muungoo yoomu, Yoongu Kɛndɔɔ co vanaa bala fondoa tiiyalanndo.

1Samiɛl 2:30

Lelan, Mɛlɛka Hala Israɛlla dimi aa: ‹A toɲa, mí yáà tuu le yungu fuɲa nɔm-ndo a polale nɔmnden siinguuo vanaa-solia-lasálàá le lɔ́ɔ́-lɔ́ɔ̀. Kɛ sisa, a cii dimi kpendekele maa o ve lɛnin lende le. Kani vanaa ke ya bɛɛlen-nda ya bɛɛ ke bɛɛlen ni, kɛ i tuisinin vanaa co ya yii luɛyɔɔ le-a siɛmbulan.

2Piɛr 1:11

O kon la sɔlanin dio le luɛyɔɔ o masale fɛɛn-fɛɛnnde Maalii naa a vana naa ciindiaa Yeesu Krista len nin.

2Timote 4:18

Nduyɛ Mɛlɛka ciindiaanin ya o dɛnnda vɔɔnndan kpow nin, mò manda ya le luɛyɔɔ o Masale ndɔlen nin o halataala. Màá o sɔla biilu fɛɛn-fɛɛndo! Amiina!

2Tesalonikea 1:5

Tɔɔmasele kon cɔm ni maa yamɛi Hala-e sandu, kani biwnɔn niaa co kon-ndo tosanin ni mì la siŋnun vanaa bɛnda le luɛyɔɔ o masale Hala len nin-nda, masale niaa co leen sangaa sɔlaa kɔɔli len pɛɛn.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Rɔmnda 8:17

Nduyɛ, te cuavaa ndɔa naa n co ni, mɛɛ vanaa cuaa kɛ-a naa n co ni, vanaa cua kɛ Hala-o-a pɛɛn. Naa Krista-aa n cuanin ndu latulu ni, te n sanga pɛ naa ndaa latulu, haliko mi n sɔla biiloo naa ndaa latulu.

Luke 16:22

Paale pilɛ, mí vana bala fondo kon vu. Mí mɛlɛkaa yaa ndu Abraham ikɛi. Mí vana bolofaa bɛɛ vu, má kumbu ndu.

Sakari 11:7

«O kon, mí va saa va le diyɔɔ-a yɔɔ diólan, saa yulaa n'saa ndáà nɔle diyɔɔ-a. Mí cua tindala mandaa n'saa lan tan tiɔn, mí ke o pilɛ diolan aa «Canyɛi», o pilɔɔ aa «Diom pilɔɔ.» Mí va saa yɔɔ diólan.

Esai 29:19

Vanaa ikɔɔa dɔawnunnin ɲaale taw o Mɛlɛka nin, vanaa bala fondoa siinguunin O-Diandaa Israɛlla kɔlkɛndɛ ndaa.

Esai 14:32

Yɛɛ nda mulul-lɛnin vanaa lɛŋnden le vem-nda? A mululnin nda aa: Mɛlɛka pila cɔw Siɔn ni aa: vanaa co o sangaa nin o vanaa ndɔa tɛɛn-nda a sɔlanin nɛɛ viannannda lon.

SƐBƐ YƆB-O 34:19

Hala bii vanaa bɛndua le mɛɛ nda co vanaa bɛndua yɛ le. O hendu hiyan vana bolofaa a vana bala fondoo tɛɛn te. Kani nda kpow, ndu cɔw nda a ba ni.

SƐBƐ YƆB-O 34:10

Lelan, la yaŋ ya nilan, niaa vanaa kɔlkalua. Hala nɔla pá mò tosa dɛnɛ kɔlvesɛiyo? Ndu Vana-Kpaayaa tosà pá dɛnɛ sendu loo?

Fulaa 20:6

Kɛ vanaa kaola ya má bii tɔŋnda nilan-nda, i lo nda kɛndɛi tosallo háá o lambi vaa pilɛndɔɔ.

Nsaki 1:16

Puapilɛa nia ya kaola-a, niaa pila palan te.

1Tesalonikea 2:12

N luei niaa yoomuan, mí n ɲɔɔlu niaa, mí n lo niaa kɔɔli háá mɛɛ o bɛnda Hala o hɔl-lɛ. Hala, o véélú niaa le luɛyɔɔ o Masale ndɔlen nin a o biilu ndɔɔ nin-ndo.

Efɛsea 1:18

I co vɛlɛ ndu piɛi mò luei niaa ɲɛ-tengaa o lakɔl, haliko mi la síná tiindan vana sɔla le veelu o veelu niaa-o a bɔɔbɔɔyɛi ɲɛm kɛndɛn co kɛ́ɔ le vanaa co le ndu-a on,

2Korɛntea 4:15

Le dɛnɛ niaa kɛndɔɔ sɔɔn mun kpow n co yɔŋnɔnndo ni. Haliko mi kɛndɛi Hala-e kui, mì vannda taw mal balikaa le Hala biiloo.

Nsaŋ 7:48

La ce nin simlacia vana pilɛ te kon te Faliisia vana pilɛ bɛɛ kpé ndu laalanndo?

Luke 22:29

Lelan i co niaa masalen yɔngu, maa mɛɛ Fuɲa nuu yɔngu ya yɛ,

Marke 7:14

O kon kɔɔli, mó veelu vɛlɛ sɛ́lɔ́ɔ́, mó dimul nda aa: «Niaa kpede la yaŋ ya nilan mì la bii bila.

Sakari 11:11

Mí kpema kon tambu ɲinkon. Mí yulaa n'saa va ya mɛɛndanndo-a bii bila maa sɔɛi Mɛlɛka-e va tɛɛngɔn kon a dɛnnda nilan ni.

Sofoni 3:12

I mɛinin vanaa tuisiannda a vanaa bala fondoa yoomu niaa tɛɛn, á nuwviaanin nɛɛ viannannda o ya Mɛlɛka nin-nda pɛɛn.

Talelan 8:32

«Poaa niaa sei! La yaŋ niko ya nilan, dɛnɛ kɛndɔɔ co le vanaa kan, vanaa kela o nɛila nilan coo-a.

Talelan 7:24

Lelan sisa, niaa poaa nia, la yaŋ ya nilan, la yaŋ nilan ɲɛkɛndɛi o sɔɛi co fulaa ya o sondo-e.

SƐBƐ YƆB-O 38:14

A paale siaalen, lɛŋnden le mangalan, le siŋnun maa bɔ́w nda hol tampɔnndo nin-ndo.

1Masaa 22:28

Mí Misee mɛnalan ndu aa: «Taa muungu nanu kɛndia a á kɔlɲuloo pɛ few, mɛɛ o co Mɛlɛka le vem ya nɔm sɔɔn mun tɛɛngullo le!» Mó dimul vɛlɛ vannda aa: «Niaa vannda súúlan kpow, la yaŋnun.»

Dɛnnda kiilaa 7:2

Mí Etiɛn muli aa: «Puapilɛa nia, fuɲaa nia, la yaŋ ya nilan! Tuma fuɲa naa mamaa Abraham va vɔ caltan Mesopotami, ndóò kue vɔ calle Haran too, mí Hala nɔ biiloo-o cɔmnun ndu,

Masaa kialaa n'yamaa 9:7

Má dimul Yotam sɔɛi ken. Mó hel o pembei Karisim tullo, mó yondal nda aa: «Vanaa bɛndua Sikɛm, la yaŋ ya nilan, te la yeema pɛ mì Hala tuei niaa diom.

1Samiɛl 2:8

Ndu cua vana ikɔɔ del lɛŋ-ndo mò simi ndu ni, ndu simi vɛlɛ vana ikɔɔ nda mal o sállo coo-o ni mò kɛsi nda o fondala sɔvɛlan. Kani Mɛlɛka cɔw sungbuma lelɛŋndan ni, mó kɛsi lɛŋnde kalalen lecoo.

Talelan 13:7

Vanndo pum mò cɔm maa o nɔ bolofaa, nduyɛ ɲɛ-ɲɛ ò nɔ le. Vanndo pum yɛ, mò cɔm maa o nɔ ɲɛ-ɲɛ le, kɛ mò nɔ ɲɛ-sɔlaa taw.

Nsaki 1:19

Puapilɛa nia hɛnan ya-a, la sinà pɛɛngu maa vanaciee oo vanaciee bɛnda mò keleŋa tueyɔɔ, kɛ o keleŋa isɔɔ le, o yala kɔl tuulu le.