Nsaki 2:25 - BII BILA

²⁵ Vɛ̀ɛ̀ o co le dɛnndan te Rahab, vanalanɔ suundɛiyo siŋnun vana sandaa le tùú o sɛɛna kiilaa, mó mingi nda o nɛi celen-ndo le?

Nsaki 2:25 Referans Kwoze

Hebreea 11:31

A laalanndo, Rahab cua suundaa sɔla piɔ́mndo latulu nda vanaa simul Hala-a le, kani mó yiya suansuaŋaa Israɛlla ɲɛkɛndɛi.

Yosue 2:15

O kon kɔɔli, mí Rahab tuisi nda a yoei o dio-pɔmbɔɔ, kani o kpaki kobio nin cɛi ndɔɔ va ni.

Yosue 2:4

Mí Rahab cua langbaa ŋiɔŋaa kalaa, mó vian nda kpíŋ. Mó kɔ muli aa: «I co toɲa, langbaa pum ndáà hin o ya lo, kɛ i sina nɛɛ nda cɛn te.

Yosue 6:17

Kobio a ɲɛm co lenin-ndon kpow n siŋnunnin teengen le Mɛlɛka. Fɔ Rahab vanalanɔ suundɛiyo a vanaa co o ndu lo cɛinin-nda kínɛí lonin yoomu ni, kani ndu ven suansuaŋaa naa n vem-nda ni.

Yosue 2:1

A lo Sitim, mí Yosue, po Nun-ndo viam langbaa pum nda ŋiɔn o vionnɔnndo nin, le kɔlan lɛŋnden a kobio Yeriko fɛfɛlaa. Ndáà kɔlan, má kɔ luɛi o yiya o vanalanɔ suundɛiyo pum ndo cɛinin, diolan ndu Rahab. Má lɔl lon.

Matie 21:31

O vanaa ŋiɔŋaa kan nin, ɔ́ɔ̀ o tosa hɛnan fuɲa ndɔ-o-o» Má muli aa: «O tasoo!» Mí Yeesu dimul nda aa: «Mì dimul niaa toɲaa, vanaa biyaa mulua a vanaa suundaa hiawnin niaa laci o masale Hala len nin.

Matie 1:5

Salmɔn yɔŋnun fuɲaa Boas ni, kalaa Boas kon va Rahab ni, mí Boas vialu Obɛd. Ruti yɔŋnun kalaa Obɛd kon ni, mí Obɛd vialu Yisai,

Nsaki 2:22

A ce maa laalanndo a dɛnnda ndɔlan la va vallo tosaa latulu ni. O kon le dɛnndan, mí laalanndo peelun.

Nsaki 2:18

Kɛ vana pum diminin aa: «Nɔm, a nɔ laalanndo, ya bɛɛ, i nɔ dɛnndan. Cɔm ya laalan nɔmndo o va a dɛnɛ le, mì ya ya cɔm nɔm laalan nuu o dɛnndan nin.

Yosue 2:6

Nduyɛ, o konda ndóò heelu nda ni, mó vian nda o bɛngula lefunnda ndóò kɛsi lon-ndan bɛngu.

Yosue 2:16

Mí Rahab dimul nda aa: «La kɔ a ba pembon, yɔŋii vanaa co niaa nuwviaa-a saalun niaa. La kɔ vionnun ndon o palɛi ndii yáá bɛngu háá mì vanaa co niaa nuwviaa-a muungu. O kon la tiwba niko mì la bii nɛiyo le kɔnndan.»

Dɛnnda kiilaa 17:7

Yasɔn yiya nda o ndu lo ni. Nda kpow co sɔɔn masa Rɔm simullo má va dimio maa masa celen co diolan Yeesu.»

Nsaki 2:24

La co cɔu maa le dɛnndan vanacieo siŋnun vana sandaa ni, o co le laalanndo daama le.