Nsaki 2:19 - BII BILA

¹⁹ A laalan maa Hala ndu pilɛ kpé co ni? A caa laalan lende. Ɲinaa bɛɛ laalan lende mà va ɲiiyaa.»

Nsaki 2:19 Referans Kwoze

Luke 4:34

«Yɛɛ n yeema yɛ naa yɔŋndo ho, nɔm Yeesu Nasarɛt? Vɛ̀ɛ̀ le naa ciiyo n hin ni? I sina vana n co-o, O-Diandaa Hala-o.»

Marke 1:24

«Yɛɛ n yeema yɛ naa yɔŋndo, nɔm Yeesu fula Nasarɛt-o? Le naa ciiyo n hin ni? I sina vana n co-o, O-Diandaa Hala vem-ndo n co ni.»

Matie 8:29

Má can yoondiaa aa: «Yɛɛ n yeema yɛ le naa yɔŋndo, nɔm po Hala-o? Vɛ̀ɛ̀ le naa saangiaa n hin ni lɔ́ɔ́ pá mì telenndo tiiya?»

Dɛnnda kiilaa 16:17

Mó del naa kɔlan kɔɔli naa Pol-aa, mó va yondaa aa: «Vannda ha co vanaa baalaa Hala-Hiow-Ɲɔɔn-Kpow-vo-a ni, nɛi yɔngu vana cindaa sɔlaa-o nda co niaa tiiyallo ho nuaa ni!»

Tɔŋ miingua 6:4

La yaŋ nilan, niaa cuavaa Israɛlla, Mɛlɛka Hala naa ndu pilɛ kpé co Mɛlɛka ni.

Kalatea 3:20

Nduyɛ vana tɛɛngaa kon co ndu pilɛ le, Hala yɛ, ndu pilɛ kpé co ni.

Esai 44:8

Lelan, la yɔŋ isiòòn te, la ɲííyà le. Kabi lɔ́ɔ́ levil mí dimul niaa sɔɛi he, mí tɛɛsial niaa dɛnɔɔ ho lenin kpow. Seyaa niaa niaa co ni. Vɛ̀ɛ̀ Hala celen co macoaa o ya kɔɔli? Kɛì-kɛì bɛɛ! Pow kpova celen co le. I sina o kɛ́-kɛ̀ celen te few!»

Dɛnnda kiilaa 19:15

Kɛ paale pilɛ, mí ɲina vɔɔndo mulul nda aa: «I sinà Yeesu, i sinà vɛlɛ Pol, kɛ niaa niaa, nɛ̀ɛ̀aa niaa co yɛ?»

Marke 5:7

mó deŋi kpélén aa: «Le yɛɛ n co yɛ ya kɔɔli, nɔm Yeesu po Hala-Hiow-Ɲɔɔn-Kpow-vo? I co nɔm ɲɔɔlu, tosa le Hala, luei ya imɔnɔ le.»

Sakari 14:9

Mɛlɛka tosanin masalen o lɛŋnden kpow coo. O palɛi ken nin, Mɛlɛka ndu pilɛ kpé vanin biilɔnndo ni. Diola ndɔlan daama la vanin diola kpeekpei lan ni.

Esai 46:9

La loonun-ndɔ a sɔɔn tosan sindɛ pɔ́-pɔ́-on. Kani ya co Hala ni, o celen co le. Ya co Hala ni, vana-vana siiman a ya le.

Esai 44:6

Mɛlɛka, masa Israɛlla a vana nda baŋaa soo, Mɛlɛka-Nɔ-Kpaayaa-Kpow-vo dimi aa: «Ya co vana tasoo ni, ya co vɛlɛ vana mɛɛlaa ni, o ya kɔɔli, Hala celen co le!

Esai 43:10

Mɛlɛka dimi aa: «Niaa co seyaa niaa ni, niaa a vana ni baala ya hɛli-o haliko mi la sina ya, o kon mì la laalan ya, mì la bii bila maa ya ni. Hala celen toosian ya laci le, o ya kɔɔli Hala celen venin vɛlɛ le.

1Timote 2:5

Kani Hala ndu pilɛ kpé co ni, vana toosiaa isɔɔ ndu pilɛ kpé co vɛlɛ Hala a vanndacieea tɛɛn ni, Yeesu Krista pɛɛn.

Marke 12:29

Mí Yeesu mulul ndu aa: «Tɔŋ tasoo co hoo ni aa: ‹Yaŋ nilan Israɛl, Mɛlɛka Hala naa, ndu pilɛ kpé co Mɛlɛka ni.

1Korɛntea 8:6

kɛ, le naa naa, n sínà maa Mɛlɛka ndu pilɛ kpé co ni, Hala Fuɲaa, o cɔw ɲɔɔn kpow-vo. Nduyɛ le ndu naa n co yoomu ni. Maalii ndu pilɛ kpé co vɛlɛ ni, Yeesu Krista, o ɲɔɔn kpow n fula o ba-o, le ndu naa n co yoomu ni.

Esai 45:6

haliko kandɔɔ a ba paalen le can-ndo kɔlan tiiyaa a ba le del-lo, mì vana-vana sina maa o ya kɔɔli, Hala celen co le few. Ya co Mɛlɛka ni, nduyɛ o celen co le.

Rɔmnda 3:30

kani Hala ndu pilɛ kpé co ni. O kenin vanaa dii toomaa-a dio le laalan ndaa, mò ke vɛlɛ vanaa dii tooma le-a dio le laalan ndaa.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Yude 1:6

La yiyan-ndɔ sɔɛi mɛlɛkaa cɛl le lou o fonda ndaa le-a, kɛ má faŋan o calta ndalan, mí Hala bii nda o yɔlɔn le fɛɛn a fɛɛn. A co cumndo o ɲumma bɛnduan nin le paale bɛndule yamɛi kialunnin-nden.

Nsaki 2:8

Nduyɛ, te la bii pɛ tɔŋ lemasaa mɛɛ o sɛvan-ndo dimi yɛ aa: «Kaola caanda maa nɔm pila», mɛɛ la co caa vilio.

1Korɛntea 8:4

Le ɲuna niaa ɲuna ya a visin nda solul piɔmnda sálàlan-ndon dioo o kɔɔ-o yɛ, n sínà maa piɔmndo co ɲɛ-ɲɛ o ceendo ho coo le, n sínà vɛlɛ maa Hala ndu pilɛ kpé co ni.

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

Marke 7:9

Mó hiaw laci a nda dimullo aa: «Lekɛ́ndɛi, tɔŋ Hala-o niaa co kɛɔ ni, mì la va kelaa o naamula niaalan coo.

Dɛnnda kiilaa 24:25

Kɛ telen Pol va sɔɛi a sandei o kɔɔ-o, a mɛɛ vana nɔla kɔl nɔmndo yɛ, mó va vɛlɛ sɔɛi a yamɛi co hunɔɔ kiolɔn-nde o kɔɔ-o, mí siòònde bii Felisi, mó dimul ndu aa: «O va pɔɔ nuaa! A tiwba mà kɔɛnnun pɔɔ. I koma sɔla pɛ fondaa, i co nɔm vɛlɛ veelu.»

Yonas 4:4

Mí Mɛlɛka mulul ndu aa: «Vɛ̀ɛ̀ a nɔ pá dí ma tuulu kɔl?»

Yonas 4:9

Mí Hala ɲuna ndu aa: «Vɛ̀ɛ̀ a nɔ pá dí ma tuulu kɔl le yɔmndo ho?» Mí Yonas muli aa: «I nɔ dí mì tuulu kɔl háá mì kelun nande.