Nsaki 2:15 - BII BILA

¹⁵ Te puapilɛ vanapɔnɔɔ te kon vanalanɔɔ va pɛ a fɛ́lio, mà nɔ balo le dioo lepalaa-lepala le,

Nsaki 2:15 Referans Kwoze

Luke 3:11

Mó mulul nda aa: «Te vanndo nɔ pɛ domalan latiɔn, mɛɛ o ke vana nɔ loo o pilɛ, mì vana nɔ ɲɛdiaa-o bɛɛ piɔw ndu nda vana nɔ loo.»

Esai 58:7

La piɔvan ɲɛdiaa niaa vana yiaan ma co nɛiyo-o, mì la luei vanaa bala fondoa nɔ nɛɛ calaa le-a o la niaa lo cɛinin. Te la ce pɛ vanndo a fɛ́lio, la ke ndu ɲɛ cuɛinanndo, la faŋal vanayan niaan hɔlla le.

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

Esai 58:10

te la yɔngu pɛ vana yiaan ma co nɛiyo-o ɲɛ niaa pila yeemaa-o te la ke pɛ vana ikɔɔ ɲɛdiaa mò de, mò pim, ɲɛ-tengaa niaa teengiaanin ɲumndan, mì ɲumma niaan ma tenga maa a telen paale kálà-kálàlen.

Hebreea 11:37

Má lo a pum viiyo a powtan háá má diw nda. A pum yɛ, má kialu nda tɛɛn a siiyo te kon te, má dii nda a mɔɛi cɔwve. A pum yɛ, a cɛn pɛ baa, a kɔɛ baa pilɔɔ a yáwla saa, te kon te yáwla cuinnda lekɔɔ. Mí pɛŋnde ɲɛ-ɲɛ fee le bii nda. A va nda sɔɔlɛmaa suiyo a nda saangiaa taw.

Marke 14:7

Kani la nɔ vanaa bala fondoa niaa tɛɛn lɔ́ɔ́-lɔ́ɔ̀, la tiwba mì la tosal nda dɛnɛ kɛndɔɔ tuma-tuma niaa yeema pɛ. Kɛ ya ya, la nɔ́ ya niaa tɛɛn lɔ́ɔ́-lɔ́ɔ̀ le.

Esekiɛl 18:7

o saangiaa vana le tɔnɔ soli ndu o n'dial too, o mingul vana yow ɲɔɔ ndu o ba-o landii ndɔɛi-yo, o tosa levui loo, o yɔngu vana yiaan má co nɛiyo-o ɲɛdiaa ndɔɔ-o, o yɔngu vana fɛlio co-o ɲɛ cuɛinan ndɔɔ-o,

Dɛnnda kiilaa 9:29

Mó suukan nda Yuifia dimi krɛkiei-ya, má hiŋan diomndan. O kon mí kan a can nɛilan nuwviaa le ndu diyɔɔ.

1Nsaŋ 3:17

Te vanndo nɔ pɛ ɲɛm ceenndon o ba, mo ce puapilɛ ndɔɔ o bahavɛiyo nin, mò kindal ndu kɔl ndɔɔ, vɛ̀ɛ̀ o dimi yɛ o kon maa o kaola Hala?