Nsaki 2:14 - BII BILA

¹⁴ Puapilɛa nia, ɔ́ɔ̀ tɔnɔ co le dimio maa vanndo nɔ laalanndo-o, te o peelu ndu a dɛnndan te? Laalan vaa lende nɔla pá mò ciindiáá vana?

Nsaki 2:14 Referans Kwoze

Luke 6:49

Kɛ vana-vana tuei pɛ sɔɔn nun, mò kela lecoo le, ndu vel langbanɔ baŋ cɛiyo o lɛŋnde bɔ́wlen coo, o kila ndu tum too. Kongilan láà lɔɔ ndu dɔ́ɔ́, mó komba, mó tambu kpow.»

Tite 1:16

Vanaa kan a tiwba mà dimi maa a sínà Hala, kɛ mà kɛɛ ndu o dɛnnda ndalan nin. A nɛinun bɔɔ vannda, vanaa nila kalua nda co ni, a tiwba dɛnɛ kɛndɛ kɛ́-kɛ̀ tosaa le.

2Piɛr 1:5

Le kon yɛ, la kindikindin mì la handu kela kɛndɔɔ o laalan niaa coo, mì la handu dɛnɛ sinaa o kela niaa kɛndɔɔ coo,

Nsaki 2:26

Mɛɛ dialun yoomu co nin toon co n'vílɛ́iyon yɛ, lende koni laalan dɛnndan la co nin too co o vílɛ́iyo ni.

Hebreea 11:17

A laalanndo Abraham cɛ̀l sindɛ le Isaak sálàá solio ni, telen Hala tɔɔndan ndu-o. Mó cɛl le po ndɔ pilɔɔ sálàá solio, nduyɛ a ndu Hala yiilu Abraham kpemaa ni.

Hebreea 13:9

La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Nsaki 2:18

Kɛ vana pum diminin aa: «Nɔm, a nɔ laalanndo, ya bɛɛ, i nɔ dɛnndan. Cɔm ya laalan nɔmndo o va a dɛnɛ le, mì ya ya cɔm nɔm laalan nuu o dɛnndan nin.

Dɛnnda kiilaa 8:21

A sɔlanin ɲɛ-ɲɛ, te kon te tɔnɔ oo tɔnɔ o sɔɛi he nin te, kani kɔl nɔmndo sendu Hala o hɔl te.

Matie 5:20

Kani mì dimul niaa, te dɛnɛ niaa sandaa hiw dɛnɛ sandaa vanaa pɛɛkaa latɔŋnda a Faliisia le, mɛɛ la lueinin o masale halataala len nin te.»

Tite 3:8

Sɔɛi toɲɛi co hee ni. I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan.

1Timote 1:5

Kɔlɔ sila kon co kaola kpeekpei co o kɔllo nin-ndo ni, yiyan kɛndɔɔ a laalan toɲaa.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

1Korɛntea 15:2

Yoongu kɛndɛ kon ciindiaanin niaa ni, te la lo pɛ lecoo ɲɛkɛndɛi mɛɛ ya dimul niaa ndu yɛ. Kɛ te la lo lecoo le, laalan niaa siŋnun fúú.

Dɛnnda kiilaa 15:9

O hiyan naa le, o cii nda kɔltan dindi le laalan nda laalanndo.

Nsaki 2:16

mì vana pilɛ o niaa tɛɛn dimul nda aa: «La kɔ a kɔlɲuloo. La kɔ hangu mì la pim!» Te la yɔngu nda ɲɛm diallon nɔ makoo-on te, yɛɛ nɛ ken nɛŋi yɛ?

1Timote 4:8

Kani diallon kindio naŋ, kɛ kon nɔ tɔnɔ bɔɔ le. Siòòŋii Hala-e nɔu o dɛnndan kpow nin hiow naŋɔɔ polon, kani kon yɔngu naa tiindanndo sɔlaa le ceendo ho sunsun a le ceen hunnin-ndo ni.

Dɛnnda kiilaa 8:13

Mí Simɔn bɛɛ laalan, mó sɔla yinɔɔ. O faŋan ndɛ Filipe kɔɔli le. Mɛɛ o ce dɛnnda kaamaala bɛndulan a kɔndɔfilta va tosanndo lan, mó dɔawnun kɔndɔfili.

Yeremi 7:8

Kɛ o sɔɔn lacòòvan n nɛŋi vana ɲɛ-ɲɛ loon coo niaa kɛsi kɔltan ni.

1Korɛntea 16:22

Te vanndo kaola Maalii Yeesu Krista le, ndu siŋnun vana dangaa. Maranata - Maalii naa co hunɔɔ.

Rɔmnda 2:25

I co toɲa maa o naŋ mì vana dii toomaa, te vana kela pɛ o sɔɔn tɔŋndo dimi-on coo. Kɛ vana tɛɛmbuu pɛ tɔŋndo, mɛɛ tooma n dii-o siŋnun maa lekɔ̀ndé.

Luke 3:11

Mó mulul nda aa: «Te vanndo nɔ pɛ domalan latiɔn, mɛɛ o ke vana nɔ loo o pilɛ, mì vana nɔ ɲɛdiaa-o bɛɛ piɔw ndu nda vana nɔ loo.»

Nsaki 1:16

Puapilɛa nia ya kaola-a, niaa pila palan te.