Nsaki 2:13 - BII BILA

¹³ Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Nsaki 2:13 Referans Kwoze

Matie 5:7

Dɛnɛ kɛndɔɔ co le vanaa tuinun vannda iɲíí-a, kani a sɔlanin ɲííye tuinɔnndo.

Matie 6:15

Kɛ te la mel caanda haki le, mɛɛ Fuɲa niaa bɛɛ melnin niaa haki le tɛɛmbuula niaalan te.»

Talelan 21:13

Vana kindal pɛ vana bala fondo co koŋullo-o nilan, vana kon bɛɛ sɔlanin muli tuma o veelunin le malaa sɔlaa-o le.

Luke 6:37

«La kialu yamɛi vana le, haliko yamɛi kilun niaa le. La yaala vana le, haliko vana yaala niaa le. La mal caanda haki, haliko mi niaa bɛɛ sɔla hakio malɔɔ.

Condii lisai 18:25

Mɛlɛka tosal-la mɛɛ sandii nii co yɛ, o dɔw ya vɔ̀ngɔ̀ mɛɛ bala nilan la dendu ndu o hɔl-lɛ.

Misee 7:18

Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.

Condii lisai 85:10

A toɲa, cinda ndɔɔ co vanaa nɔ siòòŋii ndɔɛi-ya levil te, biilu ndɔɔ co o lɛŋnde naalen nin.

Yeremi 9:24

Mɛlɛka dimi aa: «Paale co hunɔɔ, mì simul vanaa dii toomaa n'faloo daama-a:

Masaa kialaa n'yamaa 1:7

Mí Adoni-Besɛk yonda coocoo aa: «Masaa belaŋɔmmɛw, a nda kili suon bɛndun laban a suon bɛndun labɛngon-nda va kúúon cɔwviaa nɛɛ yáà dia ɲɛdiaa-a ni. O ya tosa-o, ndu kpafii Hala mingul-la nuaa ni.» Má kɔa a ndu Yerusalɛm, lon o kɔ vu ni.

Esekiɛl 33:11

Lelan, dimul nda maa diom Maalii Hala dimi-o co hoo ni aa: «Le yoomu nuu, i hɛnan mì vana kɔlvesɛiyo vi le, kɛ mò mangala kela ndɔ vɔɔndo haliko mò va yoomu. Le hee, la mangalan! La mal kelala niaala vɔɔnndan! Le yɛɛ nɛ niaa yeema yɛ le vuo, niaa cuavaa Israɛlla?»

O Kandɔɔ 42:21

Má dimulan vellaa-velle aa: «Le dɛnɛ naa n tosal puapilɛ naa lɔ́ɔ́ kon-ndo dɛnɛ palaa ho tol naa coo nuaa ni. Kani n ce ndu o mɔnɛi nin, mó cɛɛŋun naa o lani tei, n yeŋ nilan o cɛɛŋɔn ndɔ kon te. Naa bɛɛ lelan sangaa ho tol naa coo nuaa ni.»

Nsaki 5:4

La tofa vɔ, sala vanvalaa kow ciɛɔn niaan-nda, o niaa kungulan coo-o, co yondaa. Nduyɛ cɛɛŋɔnnda vanaa koavaa kan la tiiyaa háá Mɛlɛka nɔ Kpaayaa-Kpow-vo o lani.

Luke 16:25

Mí Abraham dimul ndu aa: ‹Po nuu, loonun maa telen n va yoomu-o, má sɔla dɛnɛ kɛndɔɔ, mí Lasar ndu sɔla dɛnɛ palaa. Sunsun yɛ, ndu co o kɔlɲuloo nin nanu, mì nɔm co o mɔnɛi nin.

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

2Dɛnnda lemasalan 28:11

Lelan, la tuei-yɔ o ya co niaa dimul-lo, la mal puapilɛa niaa niaa bii haa Yuda-a, mì la mingi nda o la nda lo. Kani Mɛlɛka tuulu kɔl taw a niaa.»

Talelan 22:16

Vana hiw pɛ vana bala fondoo yɔɔkpiaa, a siinguu ndu vana bolofaa. Vana ke pɛ vana bolofaa, nɔm pila lo fondo.

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

Masaa kialaa n'yamaa 5:27

Mó lawlaw, mó pimbulu, mó mulumulun ndu o pelon bɛngu, Ndu o pelon bɛngu, mó lawlaw, mó pimbulu, nɛɛ o lawlaw-va, lon o pimbulu ni, mó malnun kɔl.