Nsaki 1:8 - BII BILA

⁸ Kani vana kɔlta tiɔndo co kon ni, vana co yili o kelala ndɔlan kpow nin too.

Nsaki 1:8 Referans Kwoze

1Masaa 18:21

Mí Elii sɔɔnguu vannda kpow o hɔl, mó ɲuna aa: «Lɔ́ɔ́ kuɛɛ nɛ niaa sanga yɛnin a dɛnndan ndan kpɔɔndiaa? Te Mɛlɛka Hala co Hala kpeekpeiyo ni, mɛɛ la mulin ndu kɔɔli. Te piɔmndo Baal co yɛ hala ni, mɛɛ la lo ndu kɔɔli.» Kɛ a mulul ndu mɛ̀ɛ́-mɛ̀ɛ́ le.

Matie 6:24

«Vana-vana tiwba mò tosal vanaa bɛndua nda ŋiɔn baalaa o lepilɔɔ le. Kani o pilɛ nɛinunnin ndu, mò kaola o pilɔɔ, te kon te o yiinunnin a ò pilɛ, mò mulul o pilɔɔ kɔɔ. Lá tiwba mì la tosal Hala a volion baalaa o lepilɔɔ le.»

Nsaki 4:8

La sɔɔnguu Hala ikɛi, ndu bɛɛ sɔɔnguunin niaa ikɛi. La dindi bala niaalan, niaa vanaa lahakia ha! La dindi kɔlta niaalan, niaa vanaa kɔlta tiɔn-tiɔnda ha!

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

2Piɛr 2:14

Hɔltan la pɛ nda a suundaa, a sanga a hakilan tosaa le, a co vanaa kɔlta ndalan la sim yili le-a laasiaa a kɔlkalu vɔɔndo, kɔlta ndalan la co lapiaa a yeemɛi ɲɛ-sɔlaa, dangaa co le nda.

2Masaa 17:41

Mí vanaa-mangalaa-isɔaa kan a va Mɛlɛka biiloo a piɔmaa ndaa sooloo. Háá paalen nden, ɲɛ pilɛ fuɲaa ndaa va tosaa-o koni poaa ndaa a poaa ndaa imamaa co vɔ tosaa ni.

2Piɛr 3:16

Lende o soo o sɛbɛla o sɛva le sɔɛi he cɔmndo nin-ndan kpow ni. Sɔɔn celen kendu bila biyɔɔ taw-von co lenin, n vanaa sina, mí laalan ndaa simul te-a co kɔlɔlan tundɔɔ, maa mɛɛ nda co tosaa a fondala celen o Sɛbɛ Hala-o nin yɛ. Nda pila co tɛɛmbɔnndo lende ni.

2Masaa 17:33

A va Mɛlɛka biiloo, ma va vɛlɛ halaa ndaa sooloo maa mɛɛ naamula vanaa-mangalaa-isɔɔa nda fula tɛɛn-nda lan la va yɛ.

Osee 10:2

Kɔl ndaa co o piɔvan-ndo, lelan sanga kon co nda tolɔɔ coo ni. Mɛlɛka co fondala-loamaa-lasálàla ndalan pesipesi mò puusiaa powta sálàla ndalan.

Matie 6:22

«Hɔltan la co lamboo le diallon ni. Te hɔlta nɔmndan la co pɛ lakɛndɛ, dialun nɔmndon kpow n tenga,

Condii lisai 119:113

Vanaa kɔlta muuluannda hɛnan ya le, kɛ tɔŋ nɔmndo ya kaola ni.

Nsaki 1:7

Vana vaa lende yiyan te maa o co ɲɛ sɔla Mɛlɛka o ba.