Nsaki 1:5 - BII BILA

⁵ Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

Nsaki 1:5 Referans Kwoze

Nsaŋ 15:7

Te la lo o ya nin pɛ, mì sɔɔn nun lo niaa o lakɔl, la piɛinin ɲɛ-ɲɛ niaa yeema, mò cɛlnun niaa.

2Dɛnnda lemasalan 1:10

Ke ya niko kɔlkaloo a sinapɛngoo, haliko mi caa kelaa vannda ha o hɔl. Kani te o co kon te, vana-vana tiwba mò tosa masalen vanaa nɔmaa sɛ́lɛ́ bɛndua ha coo le.»

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

Nsaŋ 14:13

Ɲɛ-ɲɛ niaa ɲunanin o diola nilan, i tosanin kon, haliko mi Pua sɔla biiloo o Poo nin.

1Nsaŋ 3:22

Ɲɛ-ɲɛ naa n ɲuna ndu pɛ, n sɔla ɲɛ kon ndu o ba, kani n co tɔŋnda ndɔlan biyɔɔ, mì n va dɛnnda hɛnan ndu lan tosaa.

Fulaa 31:3

mí pei ndu a kɔl Hala-o haliko mo kendu kɔl, mò va vana caa baalaa, mò nɔ dɛnɛ sinaa, mò sina baala labaa taw,

Nsaki 5:16

Lelan, la sɔlɔlan hakila niaalan vellaa-velle, mì la piɛi le niaa pila vellaa-velle, haliko mi la sɔla siongɔɔ. Piɛile kindiannde vana sandaa le nɔ kpaayaa taw.

Fulaa 31:6

Vana ndɔ malaa co Oholiab ni, po Ahisamak-o, fulaa o polale Dan-nden nin. Handɔɔ o kon coo, i yɔngu vanaa caa baalala labalan-nda kpow dɛnɛ sinaa, haliko ma tiwba le ɲɛm ya dimul nɔm le cɔvɔɔ-on cɔwva.

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

1Dɛnnda lemasalan 22:12

Màá o ke nɔm taasio a kɔlkaloo telen o kenin nɔm masalen Israɛlla coo-o, haliko ma bii tɔŋnda ndɔlan!

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Matie 11:20

O kon kɔɔli, mí Yeesu kanalan kobila o tosa dɛnnda kaamaala bɔɔ-bɔɔ nin-ndan, kani kobila lan la mangalan te. Mó dimi aa:

2Korɛntea 2:16

Le vanaa co kɔlan o lou nin-nda yɛ, cun yɔngu vana piɔ́mndo sɔlaa-o co nda diyɔɔ. A co kɔlan o nɛi cindaa coo-a nda, cun yɔngu vana yoomoo-o co nda yoomoo yɔngoo. Nɛ̀ɛ́ tiw yɛ ba mò tosa dɛnɔɔ ho?

Marke 16:14

O mɛɛlulan, mí Yeesu cɔmnun kaandeŋaa tɔ́ a ò pilɛa telen nda va dioo-o. Mó soaa nda le laalan lepɛŋ ndaa a le nila kalula ndalan, a le tùú nda kɛɛ vanaa ce ndu, telen o muungu yoomu-o laalan-ndo.

Condii lisai 51:6

I cua hakio a nɔm, nɔm pilɛ kpé, mí tosa ɲɛ co yɔŋ vɔɔndo nɔm o hɔl-lo. Le hee, sɔɛi-sɔɛi n dimi pɛ, a nɔ dí, yamɛi n kilunin ya-e venin yamɛi lakafa le.

Talelan 8:17

Vanaa kaola ya-a, ya bɛɛ i kaola nda. Vanaa co ya nuwviaa-a co ya saalɔnndo.