Nsaki 1:4 - BII BILA

⁴ Kɛ fɔ mì biuvɔnndo siow baala ndɔɔ peelu kpow, haliko mi la peelun, mì la tiwnun, o kon ɲɛ-ɲɛ ve niaa lepɛŋ te.

Nsaki 1:4 Referans Kwoze

1Piɛr 5:10

La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.

Luke 21:19

Lelan la ló biuvɔnndo, mì la sɔla cindaa.»

Matie 5:48

Lelan, niaa la peelun mɛɛ fuɲa niaa co o halataala-o peelun yɛ.»

2Timote 3:17

haliko mi vana baala Hala-o va o bɛɛndian, nduyɛ mo va o tiwnan ɲɛkɛndɛi le dɛnɛ kɛndɛ súú-súù ka tosaa.

Habakuk 2:3

Kani telen vundulen nden le peelunnin-ndo co nin o tuaa, o co nin kpɛɛlun le tiiyaa, o venin sɔɛi yom lɔ́ɔ́ le. Hali, ɲɔɔ viow bɛɛ mɛ̀ɛ́-mɛ̀ɛ́, nɔm calnun ka sii, ma cum. Kani fɔ mì sɔɛi ken hun peelun kangalan.

Hebreea 13:21

Màá Hala kon ke niaa kpaayaa le dɛnnda kɛndɛla súú-súù ka tosaa, mì la nɔla hɛnan ndɔɔ tosaa. Màá o mala naa o diola Yeesu Krista lan mì n tosà hɛnan ndɔɔ. Màá biiloo va le ndu Yeesu Krista le fɛɛn a fɛɛn! Amiina!

Kalatea 6:9

N sangan le dɛnɛ kɛndɔɔ tosaa le, kani n koawnin a telen bɛnda-o, te n mel te.

Condii lisai 40:1

Condii David-e, í fula o condun simlacinɔ vanaa n'condua nin-nde.

Condii lisai 37:7

Biwnun ma cum Mɛlɛka o meiyo nin. Tambu kɔllo le vanaa dɛnndan la co bɛndaa o ba-a le, tuulu kɔllo a vanaa co dɛnndan tosaa a kɔlkalu vɔɔndo-a le.

Nsaki 3:2

Kani naa vanaa bɔɔ-bɔɔ n co boŋilan o nɛilan taw coo. Te vanndo boŋ o sɔɛi sondoei nin te, mɛɛ vana peelun o dɛnndan nin-ndo co kon ni, o nɔla vɛlɛ mò manda dialun ndɔn kpow.

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

1Korɛntea 2:6

Nduyɛ, kɔlkaloo naa n co niaa vanaa sínà sɔɛi Hala-e-a pɛɛkoo ni, o co kɔlkalu ceendo ho le, o co vɛlɛ kɔlkalu masaa ceenda haa sunsun te, a co kan hunɔɔ itambu-a.

Kolɔsea 4:12

Epafras fula o niaa lo-o yil niaa. Vana baala Yeesu Krista-o langbanɔ kon co ni, o co pɛngì Hala piɛyo le niaa le, haliko mi la sim yili, mì la peelun, mì la tosa hɛnan Hala-o o dɛnndan kpow nin.

Luke 8:15

Yɛi del o lɛŋnde kɛndɛlen-ndo, ndu co vanaa tuɛi sɔɛi Hala-e, má bii ndi a kɔlkɛndɔɔ a á kɔlta ndalan kpow-va ni, má lo lecoo háá má koam komɔɔ kɛndɔɔ.»

Matie 10:22

Vannda kpow nɔnin nɛyɔn niaa le diola nilan. Kɛ vana lonin lecoo háá o mɛɛlulan-ndo, ndu sɔlanin cindaa.

SƐBƐ YƆB-O 17:9

Vana lo o lediom coo-o sim yili o nɛi ndɔɔ coo, vanaa nɔ bala diandaalan-nda cɔɔlunin yoomuan sɔlaa.

Talelan 4:8

Cɔ ndu maa ɲɛ sɔvɛ bɛndu, mò kuundiaa nɔm. Taa kafalan ndu pɛ, o siinguunin nɔm vana kùndàá a vana tɔ́ɔ́ bɛndoo.

2Piɛr 1:9

Kɛ te vanndo nɔ kaalan ndan te, mɛɛ vana sumɛi co kɔlan yingo-yingo-o o co ni: o pɔɛɛnun maa o sɔla dindio le hakila ndɔla paandulan-ndo.

Nsaŋ 17:23

I vanin nda nin mɛɛ nɔm co ya nin yɛ, haliko ma va ɲɔɔ ndu pilɛ kpé, mì ceendo sina maa nɔm vem ya ni, maa a yeema nda mɛɛ n yeema ya yɛ.

Luke 18:22

Mɛɛ Yeesu tuei sɔɔn mun, mó dimul ndu aa: «Ɲɛ pilɛ lo vɔ nɔm le tosaa: pisi ɲɛ-sɔlaa nɔmndo kpow, mà piɔw vanaa bala fondoa volin mun, a co hunɔɔ bolofaa sɔla o halataala. O kon kɔɔli, a del-la kɔɔli.»

Marke 10:21

Mí Yeesu tofa ndu a kaolaa, mó dimul ndu aa: «Ɲɛ pilɛ lo vɔ nɔm le tosaa: Kɔ, mà pisi ɲɛm n nɔ-on kpede, mà ke vanaa bala fondoa, o kon a sɔlanin bolofaa o halataala. O kon kɔɔli a hin niko, a del-la kɔɔli.»

Matie 19:20

Mí langbanɔɔ mulul ndu aa: «I bii nin sɔɔn mun kpow. Yɛɛ lo yɛ ya vɛlɛ?»

1Tesalonikea 5:23

Màá Hala yɔngù vana kɔlɲuloo-o tosa mì la va vanaa ndɔa lɔ́ɔ́-lɔ́ɔ̀! Màá o mandà yiyan niaa, yoomu niaa a kɔɔle niaalen, mì la va vanaa yaalan te-a lɔ́ɔ́ Maalii Yeesu Krista hunnin-ndo!