Nsaki 1:25 - BII BILA

²⁵ Kɛ vana-vana yɔngun pɛ, mò pɛɛku tɔŋ peelanndo, tɔŋ ihɔɔyaa, mò kela lecoo a biuvɔnndo, o co ka le ndu tueyɔɔ mò pɔɛɛnun te, kɛ mò kela lecoo ɲɛkɛndɛi, vana kon sɔlanin dɛnɛ kɛndɔɔ o dɛnnda ndɔlan nin.

Nsaki 1:25 Referans Kwoze

Luke 11:28

Kɛ mí Yeesu mulul ndu aa: «Lende i co ni, kɛ nduyɛ, vanaa tuei sɔɛi Hala-e má bii ndi-a, le nda dɛnɛ kɛndɔɔ co ni.»

Nsaŋ 13:17

Mɛɛ niaa cii sina nuaa yɛ, te la kela pɛ lende, mɛɛ la vanin vanaa dɛnɛ kɛndɛa.

1Piɛr 2:16

La kela maa vanaa co o ba nda coo-a, kɛ nduyɛ, la siinguu hɔ́ɔ́yɛi niɛi kunga viannanndo le dɛnɛ vɔɔndo vionɔɔ le, kɛ la tosa dɛnndan maa vanaa baalaa Hala.

Nsaki 2:12

La sòó mì la kela maa vanaa sɔlanin yamɛi kilullo mɛɛ tɔŋ ihɔɔya co yɛ-a.

Kalatea 5:1

Le hɔ́ɔ́yɛi Krista mingi naa hɔ́ɔ́a ni. Lelan la sim yili, la luei lɛ bollen o cɛlen nin te.

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.

1Timote 4:16

Nɔm pila mandan a pɛɛkula n co vannda yɔngoo lan. Lo lecoo, kani taa tosa pɛ lende, nɔm pila sɔlanin cindaa, mà ciindiaa vɛlɛ vanaa co nɔm nilan yaŋɔɔ-a.

2Korɛntea 13:5

Niaa pila yaasiaa vɔ kɔlta niaalan ɲɛkɛndɛi, le sinaa te la nɔ pɛ laalanndo. Niaa pila solin kɔlɔ. Vɛ̀ɛ̀ la co sínà le maa Yeesu Krista co niaa nin? Te la cee kɔlɔ solin te, fɔ le kon.

Rɔmnda 11:22

Lelan tofa vɔ vanakɛndɛyɛi Hala-e a dɛnɛ ndɔ kindiaa: o kindi dɛnɔɔ le vanaa del-la, nduyɛ vanakɛndɛyɛi ndɔɛi co le nɔm, taa lo pɛ o vana kɛndɛi nin, te kon te, nɔm bɛɛ a sɔlanin kiolɔɔ.

Talelan 14:15

Vana bii dɛnɛ bila loo laalan a sɔɔn nda dimul ndu-on kpow, kɛ vana taasio ndu, o mɛɛndian fɔlɔn malan o kɛsi pelei.

Rɔmnda 8:15

O co kɔl siinguu niaa n'cɛ mì la cal vɛlɛ a isiòòn te niaa sɔla le, kɛ Kɔl siinguu niaa cuavaa Hala-a-o. Ndu koni tosa ni mì n veelu Hala aa: «Pua, Fuɲa naa».

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

Nsaŋ 8:36

Lelan te Poo soli pɛ niaa o cɛlen nin, la sɔla hɔ́ɔ́yɛi kpeekpei-ye.

Condii lisai 106:3

Duaa co le vanaa co tɔŋndan biyɔɔ, mà va dɛnɛ sandaa tosaa lɔ́ɔ́-lɔ́ɔ̀-a!

Dɛnnda cɔɔmuanndan 14:13

O kon mí tuɛi diomndo pum fulaa o halataala aa: «Sɛva aa: ‹Dɛnɛ kɛndɔɔ co kandɔn sisa le vanaa vi o Maalii nin-nda!› Kɔl-Diandaa dimi aa: ‹Dɛnɛ kɛndɔɔ co le nda. A sɔlanin pɛngio le baala nda co-o, kani dɛnnda kɛndɛla nda co tosaa lan ka kɔanin nda kɔɔli ni.›»

1Timote 2:15

Kɛ nduyɛ vanalanɔɔ nɔla mò sɔla cindaa, te o sɔla pɛ cuawva, mò lo o laalanndo a o kaolaa coo, mò va vɛlɛ o diandaa Mɛlɛka o hɔl o tuisinndo nin.

Rɔmnda 7:12

Nduyɛ tɔŋndo connun o diandaa, sɔɔn co lenin-ndon bɛɛ n co n diandaa, n sandu, n naŋ.

Dɛnnda kiilaa 26:22

Kɛ háá paalen nden hau, Hala nɔ ya baa coo tuŋ. I co vɔ nanu le vannda kpede seilen nden tɛndallo, cuaambɔa a kaasonnda. I co ɲɛ-ɲɛ celen dimi le, mɛɛ ɲɛ vanaa-tɛɛngaa-diom Hala-a dimio a ɲɛ Moise dimi maa o co hunɔɔ tosanndo kínɛí.

Dɛnnda kiilaa 13:43

Bɔŋanndo cuvɔɔ, mí Yuifia bɔɔ-bɔɔ a vanaa sina Hala le-a, a va o kaannde Yuifia-a a del Pol nda Barnabas kɔɔli. Má suukan nda ndaa, má luei nda yoomuan maa a hiow laci a kɛndɛi Hala-e tiindanndo.

Hebreea 12:15

La caa dɛ! Vana-vana fula o kɛndɛi Hala-e bɛngu le. Vana-vana va maa tɔlɔɔ vɔɔn vul o tɔlɔɔ kɛndɔɔ tɛɛn mò tɛɛmbuu ndu-o le.

Dɛnnda kiilaa 2:42

A va kelaa o pɛɛkula kiilaa va nda yɔngoo lan coo, a va vɛlɛ diom pilɛ. A va dioo nɛɛ pilɛ má va Hala piɛiyo latulu.

Esai 8:20

‹o bɛnda mì n mingul tɔŋndo a seilen hɔlla!› Te vana suu lende le, mɛɛ ɲɛ-tengaa paale siaa venin le ndu le.»

Condii lisai 119:45

I vanin kelaa o kɔlɲuloo nin, kani i co tɔŋnda nɔmndan biyɔɔ.

Condii lisai 119:32

I co kelaa o nɛila tɔŋ nɔmndo coo, kani a ke kɔl nuu pɛngio.

1Samiɛl 12:14

Te la nɔ pɛ siòòŋii Mɛlɛka-e, te la tosal pɛ ndu baalaa, te la tuei pɛ ndu diom, te la bii pɛ sɔɛi ndɔɛi mì la tosa lanila kalu le silala ndɔlan biyɔɔ le, mɛɛ niaa pila a masa niaa, la lonin ndu Mɛlɛka Hala niaa kɔɔli.

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

1Nsaŋ 2:24

Lelan sɔɛi niaa tuei kabi o tasendɔ-e, ndi bɛnda mì i lo niaa o lakɔl. Te o va pɛ mì sɔɛi niaa tuei kabi o tasendɔ-e lo niaa o lakɔl, mɛɛ niaa bɛɛ la vanin yoomu o Poo a o Fuɲaa nin.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Rɔmnda 2:13

O co le tɔŋndo tueyɔɔ le vana sɔla dío Hala o hɔl te, kɛ vanaa co tɔŋndo biyɔɔ-a, nda Hala kenin dio ni.

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

Kalatea 6:2

La maalian o sangalan nin vellaa-velle, tɔŋ Krista-o peeloo co kon ni.