Nsaki 1:22 - BII BILA

²² La va vanaa biyaa isɔɔa, la vá vanaa yaŋnannda daama le. Te la yaŋnun pɛ daama, mɛɛ niaa pila co huinɔnndo ni.

Nsaki 1:22 Referans Kwoze

Rɔmnda 2:13

O co le tɔŋndo tueyɔɔ le vana sɔla dío Hala o hɔl te, kɛ vanaa co tɔŋndo biyɔɔ-a, nda Hala kenin dio ni.

Nsaŋ 13:17

Mɛɛ niaa cii sina nuaa yɛ, te la kela pɛ lende, mɛɛ la vanin vanaa dɛnɛ kɛndɛa.

Nsaki 4:17

Te vanndo sina pɛ le dɛnɛ kɛndɔɔ tosaa, te o tosa ndu le, mɛɛ o cua hakio o ken nin.

1Nsaŋ 2:3

Te n bii pɛ tɔŋnda Hala lan, n nɔla mì n laalan maa n sínà Hala.

Luke 11:28

Kɛ mí Yeesu mulul ndu aa: «Lende i co ni, kɛ nduyɛ, vanaa tuei sɔɛi Hala-e má bii ndi-a, le nda dɛnɛ kɛndɔɔ co ni.»

Matie 12:50

Vana-vana tosa pɛ hɛnan Fuɲa ni co o halataala-o, vana kon co pɔmbɔ nuu, yema nuu a kala nuu ni.»

Kolɔsea 3:17

Ɲɛ-ɲɛ niaa va pɛ dimio, te kon te tosaa, la tosà ndu o diola Maalii Yeesu lan, mì la mel Hala Fuɲaa balika o diola Yeesu lan.

Dɛnnda cɔɔmuanndan 22:7

Mí Yeesu dimi aa: «Yaŋ nilan, i co hunɔɔ sunsun! Dɛnɛ kɛndɔɔ co le vanaa co sɔɔn Hala-n co o sɛbɔɔ ho nin-ndon biyɔɔ balan tan tiɔn-nda!»

1Nsaŋ 3:7

Cuavaa nia hɛnan ya-a, vana-vana hìŋ niaa hɔlla le. Vana va pɛ dɛnɛ sandaa tosaa, mɛɛ ndu sandu mɛɛ Maalii pila sandu yɛ.

Nsaki 1:26

Te vanndo pum co pɛ cɔnnɔnndo maa vana biilaa Hala-o o co ni, kɛ mò bii diɛɛmule ndɔlen te, mò pala kɔl ndɔɔ, mɛɛ kaannde vana kon le connun fúú.

Kalatea 6:7

La lúɛì o lapɔw nin te: vana mem Hala le. Ɲɛ vanacieo saŋ-ndo, ndu koni o koaw vɛlɛ ni.

3Nsaŋ 1:11

Caan ni ya kaola-o, del vanndo kɔɔli o dɛnɛ vɔɔndo tosaa nin te, kɛ o va o dɛnɛ kɛndɔɔ tosaa nin. Vana tosà pɛ dɛnɛ kɛndɔɔ, o Hala-o co kon ni, vana tosa pɛ dɛnɛ vɔɔndo, mɛɛ ndu sínà Hala le.

Kalatea 6:3

Te vanndo cennun pɛ ɲɛ, mò ve yɛ niko ɲɛ-ɲɛ le, mɛɛ ndu pila co palanndo ni.

1Korɛntea 6:9

Niaa pila sínà maa vanaa sendu le-a lueinin o Masale Hala len nin te. La huinun te: vanaa-vanaa co keiyo suundaa, vanaa soolaa n'piɔmnda, vanaa kei suundaa a langbaa felengia-a, vanpiaandua tosa kpelemɔsaa a caaŋaa ndaa vanpiaandua-a,

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

1Nsaŋ 1:8

Te n dimi pɛ maa n nɔ haki le, mɛɛ naa pila koni co palanndo ni, n co vanaa toɲa le.

Filipea 4:8

Le sɔɔn tɔ̀un yɛ puapilɛa nia, la va kɔllo keelaa o dɛnndan ndan coo: dɛnnda toɲa lan kpow, dɛnnda lebɛɛlan kpow, dɛnnda sandaalan kpow, dɛnnda diandaa lan kpow, dɛnnda vannda hini kɔltan-ndan kpow a dɛnnda vanà sɔlà lisaa lan kpow.

1Korɛntea 15:33

Niaa pila huinun te, maa mɛɛ o dimin yɛ aa: «Canyan vɔɔnndon tɛɛmbuu naamula kɛndɛlan ni.»

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

2Piɛr 2:13

Lende nda sɔlanin sala dɛnɛ sandaa lepɛŋ nda tosa-o ni. Ipala déŋ ɲɔɔ hɛnan nda le yeemɛi ndɛi vɔɔnde peeloo ni, sɔɔn lasiɛmbon a sɔɔn bɛɛtambɛiyon kposon nda tosa ni: a cɛn pɛ a luɛi niaa coo o cuungiannda niaala diaalan coo, kɛ nduyɛ huiyo koni nda co niaa ni.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Abdia 1:3

Yonga nɔm bɛndoo co nɔm palaa ni. O powta kpovalan tɛɛn calta nɔmndan la co ni, a cii lan heelu coocoo ningo-ningo, ma va ɲunanndo o kɔl nin aa: ‹Nɛ̀ɛ́ nɔla yɛ ya tuisi lɛŋ?›

Esai 44:20

Pultan vanaciee kon kɛsi kɔllo coo ni, kani kɔl ndɔ ba hivaa laasiaa ndu. Nduyɛ o ciindiaanin yoomu ndɔɔ le, o diminin vɛlɛ aa: «Còòlan lekɛ́ndɛi ya nɔ o ba nuaa ni le!»

1Korɛntea 3:18

Vana-vana huinun ndu pila le. Te vana pum o niaa tɛɛn yiyan pɛ maa o nɔ kɔlkalu ivanacieeyaa, mɛɛ o siŋnun diɔmndo mò sɔla kɔlkalu kpeekpeiyo.

2Timote 3:13

Kɛ vanaa vɔɔnda a vanaa leyalaa hiawnin laci a dɛnɛ vɔɔndo tosaa, a huinin caanda, mì caanda bɛɛ a hui nda.

Yeremi 11:6

Mí Mɛlɛka dimul-la vɛlɛ aa: «Yonda sɔɔn mun o kobila Yuda lan nin a o nɛilan Yerusalɛm coo aa: ‹La yaŋnun sɔɔn kpemaa ho, mì la kela lecoo.

Nsaki 4:11

Puapilɛa niaa, la congan vellaa-velle le. Vana congu pɛ puapilɔɔ, te kon te vana yaala pɛ puapilɔɔ, mɛɛ ndu congu tɔŋndo mo yaala tɔŋ kalaa. Nduyɛ, taa kelu pɛ tɔŋndo iyama, mɛɛ a co vana biyaa tɔŋ te, yaamɔɔ tɔŋndo n co ni.