Nsaki 1:19 - BII BILA

¹⁹ Puapilɛa nia hɛnan ya-a, la sinà pɛɛngu maa vanaciee oo vanaciee bɛnda mò keleŋa tueyɔɔ, kɛ o keleŋa isɔɔ le, o yala kɔl tuulu le.

Nsaki 1:19 Referans Kwoze

Talelan 17:27

Vana taasio tombola taw le, vana lew o isɔɔ loo co vana kɔlkaloo ni.

Talelan 21:23

Vanndo bii pɛ sondo ndɔɔ a diɛɛmule ndɔlen, o kpakpala sangala bɔɔ-bɔɔ.

Talelan 14:29

Vana yàlà kɔl tuulu o dɛnɔɔ loo co vana tasio ni, kɛ vana keleŋa kɔl tuulu-o tosà diɔmnde.

Talelan 10:19

Vana hiw pɛ sɔɛi a pilan caanda tana. Kɛ vana caa diɛɛmule ndɔlen biyɔɔ-o, vana taasio co kon ni.

Talelan 18:13

Te vanndo yeŋnun fɔlɔn te, mò yɔngu mulio, o dimi diɔmndon, siɛmbulan la bii ndu.

Talelan 13:3

Vana mandan a sondo ndɔɔ-o, ndu ciindiaa yoomu ndɔɔ ni. Kɛ vana dimi sɔɔn mɛ̀ɛ́-mɛ̀ɛ́ ka-o, ndu tɛɛmbun ni.

Talelan 16:32

Vana biuvanndo co fisa a kuubanɔ cɔwvo. Vana kpuwvian ndu pila-o co fisa a vana bii kobio kpulukuu a cɔwvo-o.

Efɛsea 4:26

Te la tuulu pɛ kɔl, la caa taw yɔŋii niaa cua hakio. La lo a kɔl tambɛiyo háá mì paalen le del te.

Talelan 15:18

Vana kɔltuwvo tiŋ sɛɛngianndan ni, kɛ vana biuvanndo ɲumi sɔngɔlan ni.

Kolɔsea 3:8

Kɛ sunsun, niaa bɛɛ la mal dɛnnda lan kpow: kɔltuwvo, nɛyɔnndo, kɔlvesɛiyo, congulan a sɔɔn vɔɔŋun va niaa fulaa o sondo-on.

Efɛsea 4:31

Niaa kpow, la mal nɛyɔnndo, mì la mal kɔltuwvo, kɔlfulaa, deŋio, yeowlan a dɛnɛ kɔlvesɛi súú oo súù.

Talelan 18:21

Sɔɔn sondon nɔla mì n ciindiaa vana, te kon te mì n dii vana. Lelan vana yeema pɛ sɔɛi, fɔ mò cɛl kɔmnde sɔɛi ken.

Kolɔsea 3:15

Màá kɔlɲulu Krista-o, o niaa sɔla veeloo le ndu le vaa kɔɔle pilɛlen-ndo tosa masalen niaa o lakɔl! La va vanaa sinaa ikɛndɛa.

Talelan 19:11

Vana nɔ taasio-o biwnùn taw. Ɲɛ o kennùn le tosaa-o co tɛɛmbuu nda tɛɛmbuu a ndu-o hakio malɔɔ ni.

Talelan 15:2

Vana kɔlkaloo va pɛ sɔɛi, yeemɛi bii vana le pɛɛkoo sɔlaa ni. Kɛ sondola diɔmaa sondo vesɛiya lan, diɔmndon la pɛɛliaa ni.

Talelan 25:28

Vana tiw kɔl ndɔɔ ba loo co ko maa kobi kpaki ndɔɔ komba mò lonnun fondo fúú-o.

Talelan 14:17

Vana keleŋà kɔllo o tuulu-o tósà dɛnnda idiɔmndan ni. Vana hui caanda-o ndu, nɛinɔnndo o nɛinùn vannda ni.

Matie 5:22

Kɛ ya, i co niaa dimul: vana-vana tuulu pɛ kɔl a puapilɛ ndɔɔ, a kiolu ndu iyama. Vana dimul pɛ puapilɛ ndɔɔ aa: ‹A kindu kɔl te›, vanaa bɛndua kialu yaman lelɛŋndon-nda bɛnda mà cal o sɔɛi ndɔɛi coo. Vana dimul pɛ puapilɛ ndɔɔ aa: ‹Diɔmndo n co ni›, ndu bɛnda mò kɔɛ o ɲánndávàà.

Talelan 17:14

Sɛɛngianndo kandɔɔ co ko maa ɲɛ kanda mɛnndan-ndo bulio. Lelan lɔ́ɔ́ sɔngɔɔ kuvan-ndɔ loo, soli pelon lenin.

Nsaki 1:26

Te vanndo pum co pɛ cɔnnɔnndo maa vana biilaa Hala-o o co ni, kɛ mò bii diɛɛmule ndɔlen te, mò pala kɔl ndɔɔ, mɛɛ kaannde vana kon le connun fúú.

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

Nehemi 9:17

Má kɛɛ diom nɔmndo biyɔɔ, má pɔɛɛnun dɛnnda kɔndɔfilta bɛndula n tosal nda lan, má kindi nilan, má dimi le muungɔnndo Esipte o cɛle ndalen nin. Kɛ nɔm, a mel nda le, kani Hala mal vana haki-o n co ni, Hala nɔ ɲííye a kɛndɛi-yo. A biwnùn, a pɛ a dɛnɛ kɛndɔɔ.

Dɛnnda kiilaa 17:11

Mí Yuifia va Beeree-a bii nda ɲɛkɛndɛi hiovɔɔ biyɔɔ haa Tesalonike a bii nda-o coo. Má cɛl sɔɛi Hala-e a kɔlta ndalan kpede. Lepalaa-lepala, a va Sɛbɛ Hala-o yaasiaa le sinaa te toɲaa sɔɔn Pol va dimi-on co ni.

Luke 19:48

Kɛ ndáà sina mɛɛ nda tosa le, kani vannda kpow a va ndu nilan yaŋɔɔ ɲɛkɛndɛi.

Marke 2:2

Mí sɛ́lɛ́ bɛndoo kɔ pia lon ca, fonda kɛ́-kɛ̀ ve lɛ hali o dio le. O va sɔɛi o nda lo.

Talelan 19:19

Vana hiw kɔllo tuwvo-o bɛnda mò luɛi bɔnɔ, te o co kon te o yɛla.

Dɛnnda kiilaa 10:33

Fɔ́ɔ́fɔ̀, mí viam vannda nɔm kɔɔli. Nduyɛ, a bɛɛndiaa hunɔɔ. Má cè niko naa kpow Hala o hɔl, haliko mi n tuei a ɲɛ-ɲɛ Mɛlɛka vem nɔm dimi o kɔɔ!»

Dɛnnda kiilaa 2:42

A va kelaa o pɛɛkula kiilaa va nda yɔngoo lan coo, a va vɛlɛ diom pilɛ. A va dioo nɛɛ pilɛ má va Hala piɛiyo latulu.

Luke 15:1

Mí vanaa biyaa mulua a vanaa lahakia sɔɔnguu Yeesu ikɛi le ndu nilan yaŋɔɔ.

Nehemi 9:3

Mí nda kpow a lo isisi o fondala ndalan, má va nilan yaŋɔɔ o sɛbɛ tɔŋ Mɛlɛka ndaa, háá lɛɛlɛlan tan yáá. Má mulin vɛlɛ, má tosa lɛɛlɛlan tan yáá, a va vula baŋaa Mɛlɛka Hala ndaa o labɛngunin, le ndu ɲɔɔloo haliko mo mal nda haki.

1Nsaŋ 2:21

I sɛval niaa, o co dɔ́ɔ́ maa la kɛɛ toɲaa sínà le, kɛ le mɛɛ niaa sínà ndu yɛ, a le mɛɛ còòla kɛ́-kɛ̀ la fula o toɲaa nin te yɛ.

Dɛnnda kiilaa 13:48

Vanaa co N'Yuifi le-a tueyɔɔ sɔɔn mun, má dɔawnun ɲaale, má can sɔɛi Hala-e candɔɔ. Mí vanaa Hala ndóò hɛli le cinda fɛɛn-fɛɛndo sɔlaa-a kpow a laalan.

Marke 12:37

David pila veelu ndu aa ‹Maalii›, vɛ̀ɛ̀ o nɔla yɛ vɛlɛ mò va po ndɔɔ?» Sɛ́lɛ́ bɛndu va lon-ndo va ndu yaŋnɔnndo a kɔlkɛndɔɔ.

Nehemi 8:18

O palɛi kafoei kpow nin, kandɔɔ o paale taselen háá o paale mɛɛlaalen, a va bungɛi ipilɛ dimio o sɛbɛ tɔŋ Hala-o nin maa mɛɛ o sɛvan yɛ. Mí kafoo tosan o palɛi ndii ŋɔmmɛw bɛngu. O paale ŋɔmaandɔlen coo, má tosa bɔŋan lekaando mɛɛ ndóò sɛvan yɛ.

Kundalan 22:27

Mɛɛ sofɛlɔɔ ce vɛlɛ mɛlɛkanɔ Mɛlɛka-o, mó hinin lɛŋ, Balaam va lecoo. Mí Balaam tuulu kɔl taw-taw, mó va ndu lɔɔ taw a tindaa.

Talelan 29:20

A ce nin vana soaa o yiyan too? O co fisa mì vana tiindan diɔm sondo vesɛiyo, yɔŋii vana tiindan vana vaa lende.

Dɛnnda kiilaa 1:15

Paale pilɛ, mí vanaa laalannda cuungian, a va le vannda kɛmɛ bidiin. Mí Piɛr can nda tɛɛn, mó dimi aa:

Nsaki 1:2

Puapilɛa nia, la cɔ̀ tɔɔndannda niaa co keiyo nin-ndan kpow maa dɛnɛ kɔlkɛndɛ bɛndu,

Nsaki 1:16

Puapilɛa nia ya kaola-a, niaa pila palan te.

Nsaki 2:1

Puapilɛa nia, niaa laalan Maalii naa Yeesu Krista biiloo bɛnda-o-a, la hiyàn vannda le.

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

Nsaki 3:10

O sondo pilɔɔ nin duaalan a mɛɛniaalan la co fulaa ni. Puapilɛa nia, o bɛnda mò tosan lende le.

Nsaki 4:11

Puapilɛa niaa, la congan vellaa-velle le. Vana congu pɛ puapilɔɔ, te kon te vana yaala pɛ puapilɔɔ, mɛɛ ndu congu tɔŋndo mo yaala tɔŋ kalaa. Nduyɛ, taa kelu pɛ tɔŋndo iyama, mɛɛ a co vana biyaa tɔŋ te, yaamɔɔ tɔŋndo n co ni.

Nsaki 5:12

Puapilɛa nia, o tasoo, la mɛ̀nan a halataalaa, te kon te a lɛŋnden te, la mɛnan mɛnan súú-súù le. Kɛ oi niaa bɛnda mò va oi, mì ɛ-ɛ niaa va ɛ-ɛ, yɔŋii niaa del o kɔɔsɔɔ nin.

Nsaki 5:19

Puapilɛ nia, o niaa tɛɛn, te vanndo pum luɛi pɛ o pɔwlan nin, mò faŋan o toɲaa coo, mì vana celen mingi ndu o toɲaa coo,

SƐBƐ YƆB-O 32:16

I cum háá mí la cii ɲɛ-ɲɛ niáà nɔ le dimio dimi, mí la mei, kani la nɔ lɛhau ɲɛ dimia le.