Nsaki 1:18 - BII BILA

¹⁸ O velu naa a sɔɛi toɲɛi mɛɛ hɛnan ndɔɔ co yɛ, haliko mi n va vanaa tasea o ɲɛm o cɔw-von tɛɛn.

Nsaki 1:18 Referans Kwoze

1Piɛr 1:23

niaa velun a sɛnɛi, o co o yɛi vu-o nin te-a, kɛ o yɛi vi loo nin a sɔɛi Halɛi kiyɛyii hiw lɔ́ɔ́-lɔ́ɔ̀ lei nin-nda.

Nsaŋ 1:13

A vilun o Hala nin mɛɛ vanacieo vialun yɛ le, te kon te mɛɛ hɛnan vanacieo co yɛ, kɛ Hala ke nda yoomu sɛnɛiyo ni.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.

Yeremi 2:3

Le ya Mɛlɛka kínɛí Israɛl va ni, ndu va ɲɛ tasoo o ɲɛm nun coo ni. Vana-vana óò de ndu pɛ, vanan kon ndóò del kasi, dɛnɛ palaa ndóò tol vana kon coo. Ya Mɛlɛka soo nuaa ni.

Efɛsea 1:12

Lelan, naa vanaa tasea tiindan Krista-a, n biilun bɔɔbɔɔyɛi Hala-e.

1Nsaŋ 3:9

Vana-vana velun pɛ o Hala nin, ndu hiw laci a hakio tosaa le, kani yɛi Hala-o co ndu nin, o nɔla hakio tosaa le, kani cua Hala-o o co ni.

Hebreea 12:23

Mí la sɔɔnguu o bɔŋan cuavaa tasea Hala-a, a diola ndalan la co lasɛvaalan o halataala-a pɛɛn, mí la sɔɔnguu Hala co vana kialaa iyamaa le vanndacieea-o ikɛi, mí la sɔɔnguu kɔlta vanaa sandaa tiwnun-nda ikɛi.

Nsaki 1:21

Lelan, la màl dɛnnda nɔɔlɛilan a dɛnnda kɔlvesɛila bɛndulan kpow o fɛ́ɛ́-fɛ́ɛ́o nin, mì la bii sɔɛi tɔlnun niaa o lakɔl-le a sɔɛi nɔ̀la mì i baŋa yoomula niaalan-nde.

1Korɛntea 4:15

Kani hali la nɔ bɛɛ vannda vaalan tɔ́ le niaa nɛila Krista lan cɔmndo, fuɲaa ndu pilɛ kpé niaa nɔ o Yeesu Krista nin ni, ya siŋnun fuɲa kon ni, le cuu ya cuu niaa yoongu kɛndɔɔ-o.

Rɔmnda 4:17

Maa mɛɛ o sɛvan yɛ aa: «I siinguu nɔm fuɲaa le vanaa-mangalaa-isɔɔa bɔɔ-bɔɔ». Fuɲa vanaa kan o co vana o laalan-ndo o hɔl ni, Hala pɛɛn. O yɔngu vanvílɛ́iya yoomoo, mó tosa mí ɲɛm co lon fula.

Amɔs 6:1

Dɛnɛ palaa co niaa cum, niaa connun icali o ba niaa coo yili Siɔn-nda, a niaa connun icali o ba niaa coo o pembon Samari coo-a. A toɲa, dɛnɛ palaa co niaa cum, niaa vanaa bɛndua co o lɛŋnde co lɛŋnde taselen o lɛŋii tɔ̀i tɛɛn-nde nin-nda. O niaa lo cuavaa Israɛlla co kɔlan a kiltan ni.

Tɔŋ lasálàá 23:10

«Soo o Israɛlla lo ma dimul nda aa: ‹Te la tiiya pɛ o lɛŋnde ya yɔngu niaa len nin, mì la kɔ va ciɛɔn niaan kovɔɔ, tumbu tase niaa co yii-o, la cua ndu, la yoo vana-solia-lasálàá.

2Korɛntea 6:7

a sɔɔn toɲan vannda dimullo a o kpaaya Hala-o nin. A sɔɔn dɛnɛ sandan naa n co vannda cɔlɔbaa ni, mì n va vɛlɛ cɛvɔnndo a mun.

Efɛsea 1:13

Telen niaa bɛɛ tuei sɔɛi toɲɛi-yo, Yoongu kɛndɛ yɔngu niaa cindaa-o, mí la laalan Krista. O kon mí Hala hol niaa pondalen lɔ́ɔ́ o yɔngu niaa Kɔl-Diandaa o yiilu niaa kpemaa-o.

2Timote 2:15

Kindin mà cɔmnun Hala o hɔl maa vana baala fula kɔlɔ loo, o siɛmbula bii loo, mà va sɔɛi toɲɛi dimio.

Nsaki 1:15

Te yeemɛi cua pɛ folio, i velu hakio. Te hakio kendu pɛ, o kom piɔ́mndo.

Nsaki 3:14

Kɛ te la nɔ pɛ paŋala vɔɔndo a sɛɛngianndan niaa o lakɔl, mɛɛ la kuundian mì la dimí còòlan a toɲaa o kɔɔ le.