Nsaki 1:17 - BII BILA

¹⁷ Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Nsaki 1:17 Referans Kwoze

Nsaŋ 3:27

Mí Nsaŋ muli aa: «Vanacieo nɔla ɲɛ-ɲɛ sɔlaa le, te o co mì ɲɛ kon yɔngun ndu fulaa o halataala le.

Matie 7:11

Niaa vanaa vɔɔnda ha, te niaa sinà pɛ le cuavaa niaa ɲɛm kɛndɔn keo, vɛ̀ɛ̀ Fuɲa niaa co o halataala-o ndu kɛɛ yɛnin le vanaa ɲunanin ndu-a ɲɛm kɛndɔn keo?

Hebreea 13:8

Mɛɛ Yeesu Krista va cɛi yɛ, lende koni o co hau ni, lende vɛlɛ koni o vanin le fɛɛn a fɛɛn ni.

Nsaŋ 8:12

Mí Yeesu soaa vɛlɛ o nda lo, mó dimul nda aa: «Ya co ɲɛ-tengaa ceendo ni, vana del-la kɔɔli pɛ, ndu kela o maɲum nin te, kɛ o sɔla ɲɛ-tengaa cindaa.»

Kundalan 23:19

Hala co vanaciee le lacòò dimi le. O co vɛlɛ po vanaciee le diom ndɔɔ mangalaa le. O dímì isɔɔ mò kɛɛ ndi tosa le, O sólìn lediom o sondo mò kɛɛ len peelu le.

1Nsaŋ 1:5

Yoongu naa n tuei Yeesu Krista o sondo mí n va niaa ndu dimul-lo co hoo ni: Ɲɛ-tengaa Hala co ni, ɲumma co o ndu nin te.

Talelan 2:6

Kani Mɛlɛka yɔngu kɔlkaloo ni. Ndu o sondo sinapɛngoo a dɛnɛ sinaa fula ni.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

Malasi 3:6

«Ya Mɛlɛka, i yɛlɛman te. Niaa niaa, cuavaa Yakɔb-a tuŋ niaa co ni.

Efɛsea 2:8

Kani le kɛndɛi Hala-e niaa sɔla cindaa ni, le laalan niaa laalan ndu-o. O co niaa pila o ba le cinda kon fula le, ke Hala-o co kon ni.

Luke 11:13

Niaa vanaa vɔɔnda co vɔ cuavaa niaa ɲɛm kɛndɔn keo, ko nin te Fuɲa niaa co o halataala-o, vɛ̀ɛ̀ o kɛɛ yɛnin vanaa co ndu ɲunaa-a Hala Kɔl-Diandaa yɔngu!»

1Korɛntea 4:7

Kani o nɛi kuɛɛ coo n co yɛ yiyanndo maa a hiow caanda? Ɲɛm n nɔ-on kpow, vɛ̀ɛ̀ o co Hala le ke nɔm mun te? Te o co yɛ pɛ lende, le yɛɛ nɛ n co yɛ niko lisanndo maa o co ke le nda ke nɔm mun te?

1Nsaŋ 4:10

Kaola ndɔ kon co yɛ hoo ni aa: o co naa le n kaola Hala le, kɛ ndu kaola naa ni, mó viam Po ndɔɔ, mó yɔŋnun sálàá le hakila naalan faŋaa.

Efɛsea 1:18

I co vɛlɛ ndu piɛi mò luei niaa ɲɛ-tengaa o lakɔl, haliko mi la síná tiindan vana sɔla le veelu o veelu niaa-o a bɔɔbɔɔyɛi ɲɛm kɛndɛn co kɛ́ɔ le vanaa co le ndu-a on,

Nsaŋ 1:9

Ɲɛ-tengaa kpeekpeiyo o va ni, le vanndacieea kpow teengiaa o hin o ceendo coo ni.

Dɛnnda cɔɔmuanndan 21:23

Kobi kalaa ndóò nɔ mako a lepaa te kon te a ipaangu le tengaa le, kani biilu Hala-o va ndu teengiaa, Saa téndóó va fitina ndɔɔ ni.

1Dɛnnda lemasalan 22:12

Màá o ke nɔm taasio a kɔlkaloo telen o kenin nɔm masalen Israɛlla coo-o, haliko ma bii tɔŋnda ndɔlan!

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Esai 60:19

O ve lɛnin paalen te le ke lɛnin nɔm ɲɛ-tengaa ipala le, o ve lɛnin vɛlɛ paangei le i ke lɛnin nɔm pangeloo icɔl te, kɛ Mɛlɛka pila vanin ɲɛ-tengaa fɛɛn-fɛɛndo le nɔm ni, Hala nɔmndo vanin ɲɛ vavon nɔmndo ni.

1Samiɛl 15:29

Mɛlɛka co biilu Israɛlla-o dimi lacòò le, o mangala diomndo maa vanaciee le.»

O Kandɔɔ 41:16

Mí Yosɛf dimul Faraɔnnɔɔ aa: «O co ya le co tɛɛsiaa le, kɛ Hala co nɔm masaa kɔlɔ lɔma sɔlaama nɔmndan tɛɛsial ni.»

Dɛnnda cɔɔmuanndan 22:5

Ɲumma ve lɛnin te, a nɔ lɛnin mako a ɲɛ-tengaa fitina le, a nɔ lɛnin mako a ɲɛ-tengaa lepaa le, kani Mɛlɛka Hala teengiaanin nda ni, mà tosa masalen le fɛɛn a fɛɛn.

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

1Dɛnnda lemasalan 29:19

Ke Salomɔn po ni kɔl o tiindan nɔm-ndo, mò bii tɔŋndan, pɛɛkulan a silala nɔmndan, mò kela lecoo, haliko mo tangul Cɛi-Diandaa, Cɛi ya cuungiaa ɲɔɔn mun kpow le ndu tangullo-o.»

Kundalan 11:17

I toalnin ndon mì soo o nɔm ndo, mì cua kɔl ya yɔngu nɔm nin-ndo o tiŋ, mì yɔngu nda ndu, haliko ma mala nɔm sɔɔn vannda ha toosiaa. O kon, vallo ve lɛnin le nɔm pilɛ kínɛí le.

Nsaki 3:15

Kɔlkalu vaa lende co kɔlkalu fula coocoo le, kɛ kɔlkalu ceendo, kɔlkalu n'faloo a kɔlkalu ɲinaa co kon ni.

Esai 45:7

I toosiaa ɲɛ-tengaa, mí cɔaw ɲumndan. I yɔngu dɛnɛ kɛndɔɔ, mí cɔaw dɛnɛ vɔɔndo. Ya Mɛlɛka, i tosa ɲɛm mun kpede.

Filipea 1:29

Kani kɛndɛi tosalan niaa-e, o co ko le Krista laalanndo daama le, kɛ le sangaa vɛlɛ le ndu.

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

Dɛnnda kiilaa 5:31

Mó heelun ndu ikɛi, mó kɔ kɛsin ndu o ba ndɔ kɛndɔɔ coo, mó siinguu ndu Masaa a Vana Ciindiaa, haliko mi Israɛlla mal yɔŋ vɔɔndo, mà mangalan, mì hakila ndalan la malnun haki.

Esai 46:10

O kandɔɔ tasoo pɔ́ ya dimi ɲɛ co hunɔɔ yɔŋnɔn-ndo ni, o tasendɔ pɔ́-pɔ́ ya dimi ɲɛ peelun-ndɔ loo ni. Ya dimi ni aa tuu nuu peelunnin lekɛ́ndɛi. I tosanin hɛnan nuu kpow.

Esai 28:26

Hala ndɔɔ pɛɛku ndu nɛi o bɛnda le kɔlan coo-o, o yɔngu ndu silalan le kelaa lecoo.

Condii lisai 122:6

La piɛi, mì Yerusalɛm sɔla kɔlɲuloo. Màá vanaa kaola Yerusalɛm-nda vannun nila ɲulu!

Tɔŋ miingua 4:19

La héélù hɔlla o halataala mì la mɛɛndan paalen, paangei, loeon a ɲɛm co lon-ndon, mì la báŋ vulan mun o labɛngunin le mun sooloo le. Ɲɛm Mɛlɛka Hala niaa mel vanaa-mangalaa-isɔɔa tɔ̀a co o lɛŋnden coo kpow-va ni maa kɛ́.

Kundalan 11:25

Mí Mɛlɛka toal o kumnde nin, mó soaa o ndu Moise lo, mó cua kɔl va ndu nin-ndo o tiŋ, mó yɔngu kaasoŋaa kɔlkalua belaŋɔmmɛvaa kan ndu. Mɛɛ kɔl Hala-o tol nda coo, má soaa o kpaaya ndɔɔ bɛngu maa vanaa-tɛɛngaa-diom Hala. Bɛmbɛ lepilɛ kon kínɛí ken tosalan nda ni.

Condii lisai 85:12

Toɲaa co vulɔɔ fulaa lɛŋ, dɛnɛ sandaa co fulaa coocoo.

Condii lisai 102:27

Kon kpede ɲumnin, kɛ nɔm nɔm, a vanin le fɛɛn a fɛɛn. Lɛŋnden a halataalaa siɔŋnin maa yuulu, mà mangala ndi mɛɛ vana mangala volɔɔ cuɛinanndo nuaa yɛ. Lɛŋnden a halataalaa malnin fondaa.

Condii lisai 136:7

O cɔ́w ɲɛm pangelen bɛndon-ndo, kani kaola ndɔɔ nɔ lamɛɛlu le.

Nsaŋ 3:3

Mí Yeesu mulul ndu aa: «I co nɔm toɲaa dimul, vana-vana nɔla mò ce masale Hala len te, mɛɛ mò velun violɔn sɛnɛi.»

1Timote 6:16

Ndu pilɛ kpé co yoomu le fɛɛn a fɛɛn ni. Ɲɛ-tengaa o co nin-ndo, vana-vana nɔla mà sɔɔnguu ndu ikɛi le. Vana-vana ci vɔ Mɛlɛka le, nduyɛ vana nɔla mà ce ndu le. Màá o sɔla bɛɛlen a kpaaya fɛɛn-fɛɛndo! Amiina!