Lelan, caaŋaa nia ya kaola taw-va, maa mɛɛ niaa co lɔ́ɔ́-lɔ́ɔ̀ vanaa biyaa isɔɔ-a o dɛnɛ Hala-o nin yɛ, la hiow laci a tosaa lende telen ya co niaa ikɛi-yo, kɛ mì la hiow bɛɛ sɔɛi ndɔɛi biyɔɔ telen ya co niaa tɛɛn too.
La caa, yɔŋii vannda bii niaa a sɔɔn caan mà hui niaa a sɔɔn fondon. O naamula vanndacieea nin kon fulà ni, a ɲinaa vɔɔnda co o ceendo coo-a o ba, o co Krista o ba le.
Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.
Lelan puapilɛa nia hɛnan ya-a, yeemɛi co ya le niaa cɔw vɛlɛ. Niaa co ɲaale nuu a bɛɛle nilen ni. Lelan, caaŋaa nia hɛnan ya taw-va, la lo lende yili o Maalii nin.
Niaa pila sínà maa vanaa sendu le-a lueinin o Masale Hala len nin te. La huinun te: vanaa-vanaa co keiyo suundaa, vanaa soolaa n'piɔmnda, vanaa kei suundaa a langbaa felengia-a, vanpiaandua tosa kpelemɔsaa a caaŋaa ndaa vanpiaandua-a,
Mí Yeesu dimul nda aa: «Le hee niaa co luɛyɔɔ o pɔwlan nin nuaa ni, kani la bii ɲɛ co o sɛvaa o Sɛbɛ Hala-o nin-ndo bila le, la bii vɛlɛ kpaaya Hala-o bila le.
Puapilɛa niaa, la congan vellaa-velle le. Vana congu pɛ puapilɔɔ, te kon te vana yaala pɛ puapilɔɔ, mɛɛ ndu congu tɔŋndo mo yaala tɔŋ kalaa. Nduyɛ, taa kelu pɛ tɔŋndo iyama, mɛɛ a co vana biyaa tɔŋ te, yaamɔɔ tɔŋndo n co ni.
Puapilɛa nia, o tasoo, la mɛ̀nan a halataalaa, te kon te a lɛŋnden te, la mɛnan mɛnan súú-súù le. Kɛ oi niaa bɛnda mò va oi, mì ɛ-ɛ niaa va ɛ-ɛ, yɔŋii niaa del o kɔɔsɔɔ nin.
