Nsaki 1:14 - BII BILA

¹⁴ Kɛ letùú yeemɛi co vana-vana biyɔɔ, mì i va naa dɛɛniaa-o tɔɔndanndan la co naa komallo ni.

Nsaki 1:14 Referans Kwoze

Efɛsea 4:22

Lelan, mɛɛ mì la mal niinu niaa paandoo, mì la kɛɛ vanacieeyɛi niɛi paanduei. I yiyannda ndɔlan la hui vana, mì la luei vana o tambei nin-nde.

Matie 15:18

Kɛ o kɔllo nin ɲɛ fula o sondo-o can ni, nduyɛ, ndu nɔɔliaa vanacieo ni.

Hebreea 3:13

Hau-hau, Hala co hiovɔɔ laci a sɔɛi o niaa lo. Lelan, la va lɔ́ɔ́-lɔ́ɔ̀ yoomuan lueinanndo vellaa-velle telen o co vɔ sɔɛi-yo. Haliko haki luei niaa o lapɔw nin te, vana kindi vɛlɛ lani o niaa tɛɛn mò kɛɛ le sɔɛi biyɔɔ le.

Esai 44:20

Pultan vanaciee kon kɛsi kɔllo coo ni, kani kɔl ndɔ ba hivaa laasiaa ndu. Nduyɛ o ciindiaanin yoomu ndɔɔ le, o diminin vɛlɛ aa: «Còòlan lekɛ́ndɛi ya nɔ o ba nuaa ni le!»

Rɔmnda 7:13

Vɛ̀ɛ̀ mì ɲɛ naŋ-ndo ndu siŋnun piɔ́mndo le ya? Kɛì-kɛì bɛɛ! Kɛ le hakio sinanndo maa ndu co hakio ni, mó kei o ɲɛ naŋ-ndo nin haliko mo tosa mì vi. O nɛi kon coo tɔŋndo cɔm vana ni maa ɲɛ vɔɔn bɛndoo pila hakio co ni.

Talelan 4:23

Manda kɔl nɔmndo hiovɔɔ ɲɛm tɔ̀un kpow coo, kani lon yoomu nɔmndo cɛn tum ni.

Matie 5:28

Kɛ ya, i co niaa dimul: vana-vana tofa pɛ vanalanɔɔ tofa yeemɛi vɔɔndo, mɛɛ ndu cii suunda a vanalanɔ kon o kɔl ndɔɔ nin.

Rɔmnda 7:11

Kani o tɔŋndo nin hakio sɔla kpaayaa ni, mó hui ya a tɔŋ kon, o kon mó dii ya a ndu.

SƐBƐ YƆB-O 31:27

te kɔl nuu luɛi pɛ ɲɛm mun iyeema hali o vionnɔnndo nin, te ba nuu a sondoo nuu biilu pɛ mun,

SƐBƐ YƆB-O 31:9

Te i fula pɛ vanalanɔɔ pum lehɔl, te i sim nin pɛ mɛngɛlaa o dio pilaa,

Matie 15:20

Mun nɔɔliaa vanacieo ni, kɛ kɛɔ balan pulɔɔ o ɲɛdiaa dioo, kon nɔɔliaa vana le.»

O Kandɔɔ 6:5

Mí Mɛlɛka ca maa kɔlvesɛi vanndacieea va hiovɔɔ laci o ceendo coo tuŋ, mó ca maa lepalaa-lepala, yiyannda vɔɔnnda va nda o lakɔl-tan la va nda lueiyo o dɛnɛ vɔɔndo nin.

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

Osee 13:9

Ɲɛ co niaa co laasiaa-o, niaa Israɛlla, le tùú niaa ciŋilan ya-o. Niaa yɛ, la ciŋilan ya vana co niaa malaa-o.

O Kandɔɔ 3:6

Mí vanalanɔɔ ca maa yɔm kon naŋ taw o dioo a o tofaa, maa yeemɛi bii vana le kɔmnde ndɔlen dioo le dɛnɛ sinaa bɛndoo sɔlaa. O kon, mó kiandu komɔɔ o pilɛ, mó dia. Mó yɔngu vɛlɛ pɔnɔ ndɔ, o nda va latulu-o, mí ndu bɛɛ dia.

2Samiɛl 11:4

Mí David viam kiilaa le kɔlan ndu cuaa. Mí Bat-Seba hun o David lo, mí David sina ndu vanalanɔ. Ciiyo, mí Bat-Seba muungun o ndu lo. Nduyɛ Bat-Seba va pulɔnndo le dindinndo, kani ndóò cii ko sɛnɛi paangii ndɔɛi cɔ.

Matie 4:1

O kon kɔɔli, mí Kɔl Hala-o kɔa a Yeesu o lɛŋnde veselɛilen nin, haliko mi masa ɲinaa vɔɔnda ndóò dɛɛniaa ndu.

Nsaki 1:13

Te tɔɔndanndo komal pɛ vanndo, o dimi le dɔ́ɔ́ aa: «Hala co ya tɔɔndanndo nuaa ni». Kani vana tɔɔndan Hala le dɛnɛ vɔɔndo tosaa le, Hala pila bɛɛ tɔɔndan vana le.

Nsaki 1:15

Te yeemɛi cua pɛ folio, i velu hakio. Te hakio kendu pɛ, o kom piɔ́mndo.