Nsaki 1:12 - BII BILA

¹² Dɛnɛ kɛndɔɔ co le vana bìwnùn o tɔɔndanndo nin-ndo, kani o cii pɛ tɔɔndanndo sɔla, o sɔla mɔsil lemasa cindaa, o Mɛlɛka yiilu vanaa kaola ndu-a kpemaa-o.

Nsaki 1:12 Referans Kwoze

1Piɛr 5:10

La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Nsaki 5:11

La tofa vɔ, n cua nda maa vanaa sɔla dɛnɛ kɛndɔɔ-a nda co ni, vanaa bii kpáŋ má lo lecoo-a pɛɛn. La tuei a biuvɔn Yɔb-o o kɔɔ, la ce ɲɛ Mɛlɛka yɔngu ndu o mɛɛlulan-ndo, kani vana iɲííyo a vana ikɛndɔɔ Mɛlɛka co ni.

Rɔmnda 8:28

N sinà maa dɛnndan kpow la co tosanndo le dɛnɛ kɛndɛ vanaa kaola Hala-a, vanaa o veelu mɛɛ tuu ndɔɔ co yɛ-a.

Matie 10:22

Vannda kpow nɔnin nɛyɔn niaa le diola nilan. Kɛ vana lonin lecoo háá o mɛɛlulan-ndo, ndu sɔlanin cindaa.

1Korɛntea 9:25

Vannda va pɛ pisultan pɛɛkoo, a hendulun tɔŋnda kalalan. Le bɛɛle viw le len sɔlaa nda tosa kon ni. Kɛ naa naa, n co kon tosaa le bɛɛle co le lɔ́ɔ́-lɔ́ɔ̀ len sɔlaa.

1Piɛr 3:14

La sɔla pɛ sangaa le dɛnɛ kɛndɛ niaa co tosaa-o, mɛɛ dɛnɛ kɛndɔɔ vanin le niaa. La nɔ siòònde a ɲɛ vanndacieea nɔ siòònde-o le, la va yoloma-yoloma le.

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

1Piɛr 5:4

O kon tuma bolle vanaa mandaa n'saa fulanin ceen-ndo, la sɔla mɔsil lemasa biilaa, ó tembu loo.

1Korɛntea 2:9

Kɛ maa mɛɛ o co o sɛvaa yɛ aa: «Ɲɛ hɔlte ci loo, ɲɛ nile tui loo, ɲɛ yiyan luei vana o kɔl too, ndu Hala bɛɛndiaa ni le vanaa kaola ndu-a.»

Tɔŋ miingua 8:2

La loonun a nɛi Mɛlɛka Hala niaa yɛɛ niaa coo o vɔsila belehiɔɔlulan-ndan bɛngu o lɛŋnde veselɛilen nin-ndo. O tosa kon le niaa siɛmbulan tuisio, le niaa tɔɔndanndo, le yiyannda co niaa o kɔl-tan sinaa a le sinaa te niáà biinin tɔŋnda ndɔlan.

Talelan 17:3

A yinnden vana sina naŋɔɔ n'sianio a naŋɔɔ n'volio ni, kɛ kɔlta vanndacieea lan, Mɛlɛka yaasiaa ndan ni.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

1Piɛr 4:13

Kɛ la dɔwnun ɲaale le sangala Krista lan sɔlaa, haliko mi la naŋ kɔl, telen biilu ndɔɔ fulanin ceen-ndo.

1Korɛntea 8:3

Kɛ te vana kaola pɛ Hala, Hala sínà vana kon.

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.

Tɔŋ miingua 13:3

hali sɔɛi o dimi-e te kon te lɔma o sɔl-lan ma peelun, te o dimul niaa pɛ aa: ‹La n kɔnnun mì n kɔ soolun halaa celeŋaa naa n sina le-a›,

Hebreea 10:32

La yiyan-ndɔ, telen niaa sɔla sɛnɛi ɲɛ-tengaa Hala-o-o, mí la sɔla sangaa taw, kɛ mí la biwnun, mí la sim yili.

Condii lisai 119:71

Sanga ya sanga-o yɔŋnun dɛnɛ kɛndɔɔ le ya, o pɛɛku ya hɛnan nɔmndo.

Tɔŋ miingua 7:9

Lelan, la sina pɛngu maa Mɛlɛka Hala niaa, ndu pilɛ kpé co Hala kpeekpeiyo ni, Hala lo o lediom coo-o, Hala lo o kpema ndɔɔ coo-o, ó tosal vanaa kaola ndu má bii tɔŋnda ndɔlan-nda kɛndɛi háá o lambi vàá pilɛ ndɔɔ,

Hebreea 6:15

Mí Abraham biwnun, mó cum, o kon mó sɔla ɲɛ Hala ndóò dimul ndu le ndu yɔngoo-o.

Matie 25:34

O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len.

Condii lisai 119:67

Lɔ́ɔ́ pá mì siɛmbulan la hun bii ya, i va pɔwlan, kɛ sunsun nin, i co sɔɛi nɔmnde biyɔɔ.

Nehemi 1:5

Mí dimi aa: «Éé Mɛlɛka! Nɔm Hala co o halataala-o, Hala bɛndoo a Kpúlúnkùmaa, nɔm Vana yii kpemaa má o lo o lediom coo a vanaa kaola nɔm, má va silala nɔmndan biyɔɔ-a-o!

Hebreea 11:17

A laalanndo Abraham cɛ̀l sindɛ le Isaak sálàá solio ni, telen Hala tɔɔndan ndu-o. Mó cɛl le po ndɔ pilɔɔ sálàá solio, nduyɛ a ndu Hala yiilu Abraham kpemaa ni.

Condii lisai 119:75

Éé Mɛlɛka! I sina maa tɔŋnda nɔmndan la sandu, nduyɛ, a caa ya siɛmbulan tuisi.

1Nsaŋ 4:19

Naa, n co ndu kaolaa, kani ndu fɔlɔn kaola naa ni.

Esai 64:4

A va kɔlan vanaa va dɛnɛ sandaa tosaa a kɔlkɛndɔɔ-a bɔŋaa, a va vanaa va kelaa o nɛila nɔmndan coo, mà va loonɔnndo a nɔm o kɔɔ-a diomɔɔ. Kɛ tofa vɔ, a tuulu kɔl a naa, kani n cua hakio, n co lo sangaa lende háá telen naa n sɔlanin cindaa-o.

Condii lisai 5:11

Òó Hala! Yaala nda, mì tuula ndalan la tɛɛmbuu nda pila. Kɛɛ nda le hakila ndala cuu cɔm te lan, kani a ciŋilan nɔm.

Fulaa 20:6

Kɛ vanaa kaola ya má bii tɔŋnda nilan-nda, i lo nda kɛndɛi tosallo háá o lambi vaa pilɛndɔɔ.

Hebreea 12:5

Vɛ̀ɛ̀ la pɔɛɛnun sɔɔn Hala dimul niaa le niaa yoomuan lueiyo maa cuavaa ndɔ-on? «Po nuu, Mɛlɛka saangiaa nɔm pɛ le dɛnɛ vɔɔn n tosa-o, ca sɔɛi ken sɔɛi taanin te. Te o soo pɛ nɔm, vu n'dial te.

SƐBƐ YƆB-O 5:17

A toɲa, dɛnɛ kɛndɔɔ co le vana kon, vana Hala cɔm tɛɛmbuu ndɔɔ-o, Lelan, pɛɛsa sila Hala Vana-Kpaayaa-Kpow le.

Condii lisai 94:12

Duaa co le vana n co silaa a sionnden-ndo Mɛlɛka, vana n co tɔŋ nɔmndo pɛɛkoo

O Kandɔɔ 22:1

O sɔɔn mun kɔɔli, mí Hala tɔɔndan Abraham, mó veelu ndu aa: «Abraham.» Mí Abraham cɛl aa: «Yòó!»

SƐBƐ YƆB-O 2:10

Kɛ mí Yɔb mulul ndu aa: «A soaa ko maa diɔm! O co ka dɛnɛ kɛndɔɔ kínɛí le naa n sɔ̀là Hala o ba le. Te n cɛl pɛ dɛnɛ kɛndɔɔ maa ɲɛ-kéa fula Hala o ba-o, vɛ n cɛl niko vɛlɛ dɛnɛ palaa lende le?» O kon nin kpow, Yɔb dimi diomnde tana le.

Condii lisai 11:5

Mɛlɛka co vana sandaa a vana kɔlvesɛiyo taasio dɔvɔɔ. Vana yeemaa dɛnɛ vɔɔndo-o nɛinun ndu.

Luke 6:22

Dɛnɛ kɛndɔɔ co le niaa, telen vannda nɔnin nɛyɔn niaa, mà kɛɛ niaa, mà va niaa yeowlan, mà kela a niaa o lasonndo le tùú niaa laalan Po vanacieo-vo.

Rɔmnda 5:4

mì biuvɔnndo hin a dialun kalan o tɔɔndanndo nin, mì dialun kalan mun hin a kɔlkɛsiaa.

2Timote 2:15

Kindin mà cɔmnun Hala o hɔl maa vana baala fula kɔlɔ loo, o siɛmbula bii loo, mà va sɔɛi toɲɛi dimio.

1Piɛr 4:14

Te la sɔla pɛ sangaa le diola Krista lan, dɛnɛ kɛndɔɔ o co le niaa ni, kani Kɔl biilaa, Kɔl Hala-o co niaa coo.