Nsaki 1:11 - BII BILA

¹¹ Kani paalen le fula pɛ, hangul tuw-tuwvo nin, billo simbulun. Fúlan la deli, naŋɔɔ ndɔɔ tambu. Lende koni vana bolofaa bɛɛ hiawnin a dɛnnda ndɔlan ni.

Nsaki 1:11 Referans Kwoze

Marke 4:6

Kɛ mɛɛ paalen le fula, mí le lɔaa mun, mí n vesa, kani puundun ve le.

Matie 13:6

Kɛ mɛɛ paalen le fula, mí n ɲɔfɔliaa, mí n vesa, kani puundun ve le.

1Piɛr 5:4

O kon tuma bolle vanaa mandaa n'saa fulanin ceen-ndo, la sɔla mɔsil lemasa biilaa, ó tembu loo.

1Piɛr 1:4

le kɛ́ tembu loo, o nɔɔlian too, o ɲɔfɔla loo. Kɛ́ kon co o mandaa le niaa o halataala,

1Korɛntea 7:31

Mì vanaa co makolan solin-ndo a ɲɛm ceendo ho-a siŋnun maa n co nda bɛɛ mako nɛŋul te, kani ceendo ho co hunɔɔ hiovɔɔ.

Condii lisai 102:4

Kani palɛi nii co hiownɔnndo maa ikum, paala nilan la co ŋɔu mɛɛ yinnde bɛndulen le loam vana nuaa yɛ.

Esai 49:10

Yima venin nda coo le, bolola vesanin nda le, yelenyelenndo a paalen le saangiaanin nda le, kani vana nɔ ɲíí ndɛi-yo simnin nda laci, o kɔanin a nda o peela leboltan.

Esai 28:4

Punga bil kɛndɛ-kɛndɛ co volio o cuɛinɔn ndɔɔ coo-o yɛ, punga bil co kon o pembii dɛɛla naŋ tɔlɔɔ-o balu-e coo-o, o vanin maa buumbun keleŋa divɔɔ-on, vana ce mun pɛ, o kɛndu mun, n tiiya dɔ́ɔ́ pɛ ndu o ba, o mɛɛnun, o mel.

Esai 28:1

Dɛnɛ palaa co le mɔsil lemasa co ɲɛ kuundian vanaa kolaa mamɔiya o tàndá Efraim-ndo nin-ndo. Dɛnɛ palaa co le punga bil kɛndɛ-kɛndɔɔ, o co kon volio ŋɛlɛngi-ŋɛlɛngi o cuɛinɔn ndɔɔ coo-o, punga bil co kon o pembii dɛɛla naŋ tɔlɔɔ-o balu-e coo-o. Dɛnɛ palaa co le niaa vanaa kolaa mamɔiya!

Vana Kɔlkaloo 5:15

Dɛnɛ palaa bɛndu-bɛndoo co vɛlɛ kon ni, le muungoo mɛɛ o hin yɛ kpafii. Ɔ́ɔ̀ niko ɲɛ o mei o sanga bɛndu o sanga kon-ndo nin-ndo?

Condii lisai 102:11

Le mɛɛ nɔm óò tambu kɔllo taw a ya yɛ, má pisi ya isisi, má viaw ya levil pɔ́.

Condii lisai 37:2

Kani nda keleŋanin ɲɔfɔliaa maa bil, mà simbulun maa bil puiyaa.

Condii lisai 39:6

A yɔngu yoomu nuu buo maa tongii ba ninndo, Ɲɛ fondoo fúú bandii yoomu nuu i co nɔm o hɔl ni. Vanacieo co balɔɔ o pelun ndɔn coo, kɛ hoeiye daama yoomu ndɔɔ co ni.

Condii lisai 90:6

Idii o yandu, o kon kɔɔli o hiownun. Icɔl o ɲɔfɔliaa, o kon kɔɔli o vesan.

Condii lisai 103:15

Yoomu vanndacieea co macoaa maa bil, maa bil co yondoo nin-ndo o yandu ni:

Matie 6:30

Te Hala cuɛi-yɔ pɛ billo yondoo nin, o co hau kɛ mò hun va siɔdii viowɔn o yin-ndo, vɛ̀ɛ̀ o kɛɛ yɛnin niaa vanndacieea cuɛyɔɔ hiovɔɔ billo coo? Mbɔ̀ laalan niaa dɔɔnan bɔɔ!

Matie 20:12

Má dimi aa: ‹Lɛɛlɔɔ ndu pilɛ kpé vanaa mɛɛlu haa hunɔɔ-a tosa vallo ni, a muungu naa ɲɛ pilɔɔ keo naa ndaa? Naa yɛ, nanu naa n niinu ni, hangullo niinu naa palaa kpɛŋ.›

2Samiɛl 22:46

Mialaa kan fula mayoomu, a co boŋiboŋio le yɔlɔn nda yii nda-on.