Nsaki 1:1 - BII BILA

¹ Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

Nsaki 1:1 Referans Kwoze

Esekiɛl 12:15

Tuma ya sɛŋinin nda vanaa-mangalaa-isɔɔa tɛɛn-ndo, telen ya saŋnin nda o lɛŋii bɔɔ-bɔɔ nin-ndo, a sinanin o kon maa ya co Mɛlɛka ni.

1Piɛr 1:1

Ya Piɛr, kiila Yeesu Krista-o ni. Ya co vanaa Hala hɛli, má ɲaanun, má sɛŋin o lɛŋii bungɛi he nin-nda sɛvallo ni, a co Pɔn, Kalasi, Kapadɔs, Asii a Bitini-a.

Nsaŋ 7:35

Mí Yuifia dimulan aa: «Kuɛɛ o kɔa yɛnin mì n bumba ndu saalɔn? Mo va o Yuifia co a sɛŋiannda Krɛkia tɛɛn-nda lo o kɔanin mo kɔ pɛɛku Krɛkia ni?

Dɛnnda kiilaa 8:1

Sol, o yiyan pilɛ kon va o kɔl o Etiɛn diyɔɔ-o bɛɛ va lon. Paale len, mí vannda kandu vanaa Krista-aa Yerusalɛm yɛle bɛndulen tollo. Mí vanaa laalannda kpow a sɛŋin, má kɔa nɛɛ-nɛɛ ka o tàndá Yuda-o nin a o lɛŋnde Samari len nin. Fɔ kiilaa daama ndáà lo Yerusalɛm ciee ni.

Dɛnnda kiilaa 26:7

Vanaa fula o polama tɔ́ a mamiɔmma yungu naa nin-nda bɛɛ a nɔ tiindanndo maa Hala nda co kon biiloo idii a icɔl-lo co sɔɔn mun peelu. Ɛ̀ɛ̀ nduyɛ, masaa Akripa, le tiindan ya nɔ kon-ndo Yuifia co ya sɔɔn mun hɛɛnduuo coo nuaa ni.

Dɛnnda kiilaa 15:23

Má viam nda le sɛbɔɔ ho yɔɔ, o va o sɛvaa aa: «Naa kiilaa, kaasoŋaa kɔlkalua kunda vanaa laalannda a naa puapilɛa niaa, n yil niaa puapilɛa naa co vanaa co N'Yuifi le-a tɛɛn Antiɔs, Siri a Silisii-a.

Tite 1:1

Ya Pol, ya vana baala Hala-o a kiilanɔ Yeesu Krista-o. I sɔla vomɔɔ haliko mi vanaa Hala hɛli-a sɔla laalanndo, mà sina toɲaa mɛɛ o bɛnda o laalanndo nin yɛ,

Kalatea 2:9

Telen Nsaki, Sefas a Nsaŋ, a co sungbuma vanaa laalannda-a sínà maa baala Hala ke ya-o co kon ni-o, má yil naa a laba naa Barnabas, le naa cɔmndo maa n co diom pilɛ naa ndaa, haliko mi naa n va kɔlan o vanaa co N'Yuifi le-a lo, o kon mí nda va kɔlan o Yuifia lo.

Dɛnnda kiilaa 15:13

Ndáà ciiyo, mí Nsaki cua sɔɛi, mó dimi aa: «Puapilɛa nia, la yaŋ ya nilan.

Tɔŋ miingua 28:64

Mɛlɛka saŋnin niaa o vanaa-mangalaa-isɔaa celen tɛɛn, kandɔɔ nɛɛ lɛŋnden le mɛɛlu-a kɔ bii háá nɛɛ le mɛɛlu kpengei pilɛi-ya. Lon niaa sooluunin halaa celen ni, a fuɲaa niaa mamaa a niaa pila sina le-a: halaa lapowva a halaa iyɔmnda.

Rɔmnda 1:1

Ya Pol, vana baala Yeesu Krista-o co sɛbɔɔ ho sɛvaa ni. Ya veelun le siŋnɔnndo kiilaa, mí siŋnun teengen le vannda Yoongu kɛndɔɔ tiiyallo-o.

Dɛnnda kiilaa 21:18

Diimandɔɔ, mí Pol kɔa o Nsaki lo naa ndaa, mí kaasoŋaa kɔlkalua kunda vanaa laalannda kpede a cuungian.

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Matie 19:28

Mí Yeesu mulul nda aa: «Mì dimul niaa toɲaa, telen dɛnndan kpow la muungunin lasɛnɛi, mì Po vanacieo va icali o kpɛŋɛ ndɔ lemasa biilaa nin-ndo, niaa vanaa del-la kɔɔli-a bɛɛ, la vanin icali o kpɛŋɛla lemasalan tɔ́ a latiɔn nin le yamɛi polama tɔ́ a mamiɔmma Israɛlla kiolɔɔ.

Yude 1:1

Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

Filipea 1:1

Naa vanaa baalaa Yeesu Krista-a, Pol nda Timote pɛɛn. N co vanaa laalaŋaa co o Yeesu Krista nin Filipe-a, simlacia a vanaa co vanaa baalaa Hala-a malaa-a kpede sɛbɔɔ ho sɛvallo.

Kalatea 2:12

Bau lɔ́ɔ́ pá mi vanaa Nsaki vem-nda hun, o va dioo latulu nda vanaa co N'Yuifi le-a. Kɛ ndáà hunɔɔ, mó yifan, kani siòònde i va ndu a vanaa ndáà nɔ kɔltan o sɔɔn tooman coo-a.

Kalatea 1:19

Kɛ o kiilaa tɔ̀a kpow nin, i ci vana-vana celen faŋanndo Nsaki, pɔmbɔɔ Maalii kɔɔli le.

Dɛnnda kiilaa 15:21

Kani o co nin lɔ́ɔ́ levil, mí vannda co tɔŋ Moise-o vanaa celen pɛɛkoo o kobila yɛ́-yɛ́lan nin, a co vɛlɛ ndu dimio o cɛila lekaandan nin o palɛi pɛngiɛi coo lɔ́ɔ́-lɔ́ɔ̀.›»

Dɛnnda kiilaa 1:13

Ndáà muungoo Yerusalɛm, má kɔ luɛi o cɛi-lenin va o cɛi coocoo pum nin-ndo nin, nɛɛ ndáà bɔɔŋian lɔ́ɔ́-lɔ́ɔ̀-a. Nda yɔŋnun haa ni: Piɛr, Nsaŋ, Nsaki, Andre, Filipe, Tomas, Bartelemi, Matie, Nsaki po Alfee-o, Simɔn vana cɔlɔba le lɛŋnde ndɔlen baŋaa-o a Yude po Nsaki-o.

Matie 13:55

O co macoaa po langbanɔ cuaa layindɔɔ ho le? O co kala ndɔ le co Mari le? O co macoaa pɔmbɔa ndɔa le co Nsaki, Yosɛf, Simɔn a Yude le?

1Masaa 18:31

Mó cua powtan tɔ́ a latiɔn mɛɛ polama poaa Yakɔb-a ma va yɛ. Yakɔb, o Mɛlɛka ndóò dimul maa a veelunin ndu aa Israɛl-lo pɛɛn.

Tɔŋ miingua 30:3

Mɛlɛka Hala niaa tuinunnin niaa iɲíí. O solinin niaa nɛɛ niaa vanin a sɛŋiannda o cɛlen nin vanaa-mangalaa-isɔɔa tɛɛn-nda, mò mingi niaa o niaa lo.

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Dɛnnda kiilaa 12:17

Mí Piɛr kpaa nda a ba, mó dɔwnun nda kona mɛɛ Mɛlɛka looku ndu soli o kaasoo yɛ. Mó dimul nda vɛlɛ aa: «La dimul Nsaki a puapilɛa tɔ̀a.» O kon kɔɔli, mó bii nɛiyo, mó kɔannun nɛɛ celen.

Ɛsdras 6:17

Le Cɛi-Hala kon kumbio, má soli navaa tovaa kɛmɛ (100), saa kóndóa kɛmɛ lediin (200) a saa téndéa kɛmɛ lehiɔɔlu (400). Le sálàá solio le haki cuavaa Israɛlla kpow, má yɔngu cuinaa toovia tɔ́ a à ŋiɔn maa mɛɛ polama ndan ma va sɛ́lɛ́ yɛ.

Tɔŋ miingua 4:27

Mɛlɛka saŋnin niaa vanaa-mangalaa-isɔaa celen tɛɛn, mì la lo vuo háá mì la dɔɔnan vanaa kan tɛɛn, à Mɛlɛka yaanin niaa tɛɛn a paa-kala-a pɛɛn.

Fulaa 39:14

Diola poaa tɔ́ a à ŋiɔŋaa Yakɔb-a la va lasialaalan lecoo mɛɛ nda sial sɛvaa o tampɔnndo coo nuaa yɛ. Pow oo pow ndóò nɔ diola vana pilɛ lecoo.

Fulaa 24:4

Mí Moise sɛva sɔɔn Mɛlɛka soo-on kpow. Diimandɔɔ, mó pena cɔnɔn idiiyo púŋ, mó cɔaw fonda-loamaa-lasálàá o pembii ken bɛngu, mó simi powta sálàlan tɔ́ a latiɔn mɛɛ polama Israɛlla ma co tɔ́ a mamiɔn yɛ.

Dɛnnda cɔɔmuanndan 7:4

Má dimul-la mɛɛ vanaa nda pila pondale len-nda va sɛ́lɛ́ yɛ, vaalan kɛmɛ belehiɔɔlu a lahiɔɔlu (144 000) fulaa o polama cuawva Israɛl coo kpow.

Dɛnnda kiilaa 2:5

Nduyɛ, Yuifia ndáà vo Hala-a pum a va Yerusalɛm, fulaa o lɛŋii co o ceendo coo-e kpow nin.

Luke 22:30

haliko mi la de, mi la kol naa niaa latulu o masale nilen nin. La calnin vɛlɛ o kpɛŋɛla lemasalan nin le yamɛi polama tɔ́ a mamiɔmma Israɛlla kiolɔɔ.»

Matie 10:3

Filipe a Bartelemi. Tomas a Matie vana biyaa muloo. Nsaki po Alfee-o a Tadee.

Ɛstɛr 3:8

Mí Haman dimul masaa Sɛrsɛs aa: «Vannda pum co a sɛŋiannda vannda tɛɛn o tàndàla co o masale nɔmnden nin-ndan nin. Tɔŋnda ndalan la co ɲɛ pilɛ tɔŋnda caanda le, à bii vɛlɛ tɔŋnda masaa le. Nduyɛ, taa mal nda pɛ o ba ndaa coo lende, o co dɛnɛ kɛndɛ le.

Fulaa 28:21

Mì diola poaa tɔ́ a à ŋiɔŋaa Israɛl-la la va lasialaa lecoo mɛɛ nda sial sɛvaa o powvo le ndu siinguuo tampɔnndo nuaa yɛ. Mì pow oo pow nɔ diola vana pilɛ o poaa tɔ́ a à ŋiɔŋaa Israɛl-laa kan tɛɛn.

2Timote 4:21

Kindin mà hin lɔ́ɔ́ pá mì sialten le tiiya. Kubulus, Pudans, Linas, Klodia a pualpilɛa kpow a yil nɔm.

Dɛnnda kiilaa 23:26

«Ya Klode Lisia co sɛbɔɔ ho sɛvaa ni. I yil vana bɛndoo Felisi, o co masa-ibungaa-o.

Luke 6:15

Matie, Tomas, Nsaki po Alfee-o, Simɔn o ndáà veelu aa Selɔte-o,

Marke 3:18

Andre, Filipe, Bartelemi, Matie, Tomas, Nsaki po Alfee-o, Tadee, Simɔn langbanɔ yeema lɛŋnde ndɔlen-ndo,

Tɔŋ miingua 32:26

Mí dimi aa i yeema mì saŋ nda fásàn. I yeema mì ɲumi diola ndalan vanndacieea tɛɛn.