Nehemi 9:8 - BII BILA

⁸ Má ca maa kɔl ndɔɔ sandu nɔm o hɔl, má yiilu ndu kpemaa, má yɔngu ndu lɛŋnde Kanannda, Hitiia, Amɔnnda, Perisiia, Yebusiia a Kirkasiia, mì cuavaa ndɔa va icali lenin. Nduyɛ, má lo o lediom coo, kani vana sandaa n co ni.

Nehemi 9:8 Referans Kwoze

Hebreea 6:18

Kpemaa a mɛnanndo, sɔɔn miuŋun mun, vana nɔla ikɛ́-kɛ̀ yɛlɛma le. O kpema o yiiyo nin a o mɛnan ndɔɔ nin, Hala co vana dimi lacòò le few, nduyɛ kon luèi naa yoomuan taw. Lelan naa n mal dɛnndan kpow ni, le ɲɛ naa kɛsi kɔllo coo mó kennun naa-o sɔlaa.

O Kandɔɔ 15:6

Mí Abram laalan sɔɛi Mɛlɛka dimul ndu-e. Le hee, mí Mɛlɛka ca ndu vana sandaa.

Yosue 23:14

La tofa vɔ, ya Yosue, i co hau hunɔɔ faŋan o ceendo ho coo. Kɛ niaa, la sina o kɔlta niaalan kpow nin a o yoomu niaa kpow nin maa sɔɔn kɛndɛn Mɛlɛka Hala niaa ndóò dimi le niaa-on kpow, i pilɛ bɛɛ i ló le kɛɔ peelɔnndo le.

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

1Nsaŋ 1:9

Te n sɔlɔlan pɛ hakila naalan, vana lo o lediom coo-o a vana sandaa Hala co ni, o malnin naa haki le hakila naalan, mò dindi naa le dɛnɛ vɔɔn kɛ́-kɛ̀ naa n tosa.

Hebreea 11:17

A laalanndo Abraham cɛ̀l sindɛ le Isaak sálàá solio ni, telen Hala tɔɔndan ndu-o. Mó cɛl le po ndɔ pilɔɔ sálàá solio, nduyɛ a ndu Hala yiilu Abraham kpemaa ni.

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

Dɛnnda kiilaa 13:22

O kon kɔɔli, mí Hala kɛɛ Sol, mó hɛli David, mó siinguu ndu masaa. Mí Hala tɛnda seile ndɔlen aa: ‹I saalun David po Yisai-yo, o ya hini kɔl-lo, o tosanin ɲɛ-ɲɛ ya yeema.›

Yosue 11:23

Mí Yosue hialu lɛŋnde len kpow maa mɛɛ Mɛlɛka ndóò dimul Moise yɛ. O kon, mí Yosue yɔngu Israɛlla lɛŋnde kalalen ɲɛ nda pɛ́-pɛ́, mó piɔw nda len tɛɛn mɛɛ nda va a polama yɛ́-yɛ́an yɛ. O kon, mí vannda pɛngi cɔwlan tosaa.

Yosue 11:3

Mó viam vɛlɛ kiilaa o Kanaŋaa va o kɔngɔla tiɔnnda peo Yurdɛn demullo lan-nda lo, o Amoriia lo, o Hitiia lo, o Perisiia lo, o Yebusiaa va o tàndá n'pemboo nin-nda lo a o Yebusiaa va o pembei Hɛrmɔn bɛngu o tàndá Mispa-o nin-nda lo.

Yosue 9:1

Lɔ́ɔ́ masaa va Yurdɛn leeloo-a kpow a tuei maa Israɛlla cii Ai tɛɛmbuu-o, á va o pembei coo-a, á va o dɛngbɔɔ nin-nda a á va o mɛmma ihɛllan Mediteranee kɔngɔ-a, háá o pembon Liban coo, nda yɔŋnun yɛ Hitiia, Amoriia, Kanannda, Perisiia, Heviia a Yebusiia ni,

Tɔŋ miingua 26:3

O tiiya pɛ, o kɔɛ o vana-solia-lasálà vanin sálàlan solio lon o palɛi ken nin-ndo lo, o dimul ndu aa: ‹I dimi hau Mɛlɛka Hala nɔmndo o hɔl maa i luɛi o lɛŋnde ndu Mɛlɛka yiilu fuɲaa naa mamaa kpemaa, mó mɛnalan nda le naa len yɔngoo len nin.›

Tɔŋ miingua 9:5

O co le kela niaa kɛndɛ le, o co vɛlɛ le dɛnɛ niaa sandaa le niaa co lakɔ lɛŋnde len sɔla le. Kɛ a toɲa, le tùú vanaa-mangalaa-isɔaa kan a laasian o yɔŋ vɔɔndo nin-ndo Mɛlɛka Hala niaa hialunin lɛŋnden nda o ba mò yɔngu niaa len ni. Handɔɔ o kon coo, o co niaa len ke le kpema o yiilu fuɲaa niaa mamaa Abraham, Isaak a Yakɔb-o peeloo.

Tɔŋ miingua 7:1

«Lɔ́ɔ́ Mɛlɛka Hala niaa lueinin niaa o lɛŋnde niaa co kɔlan luɛyɔɔ nin le len hiɔlɔɔ len nin-ndo, te o tow pɛ Hitiia, Kirkasiia, Amoriia, Kanannda, Perisiia, Heviia a Yebusiia niaa laci, vanaa-mangalaa-isɔɔa kundala ŋɔmmɛvaa hiow niaa kan sɛ́lɔ́ɔ́ a kpaayaa-a,

Kundalan 23:19

Hala co vanaciee le lacòò dimi le. O co vɛlɛ po vanaciee le diom ndɔɔ mangalaa le. O dímì isɔɔ mò kɛɛ ndi tosa le, O sólìn lediom o sondo mò kɛɛ len peelu le.

Fulaa 3:17

Lelan ya dimi ni aa i co niaa soli o mɔnɛi ken nin, mì yɛɛ niaa o lɛŋnde Kanannda, Hitiia, Amoriia, Perisiia, Heviia a Yebusiia nin, lɛŋnde cɔlua a tɔlɔɔlan la naŋ nin taw-taw len pɛɛn.

Fulaa 3:8

Le hee, i tol le nda solio o sanga kon nin Esiptea o ba, a le nda yɔ̀ɔ́ o lɛŋnde bɛndule kɛndɛ-kɛndɛlen nin, o lɛŋnde cɔlua a tɔlɔɔlan la naŋ nin taw-taw len nin, o lɛŋnde Kanannda, Hitiia, Amoriia, Perisiia, Heviia a Yebusiia co icali nin-nden nin.

O Kandɔɔ 22:12

Mí mɛlɛkanɔɔ dimul ndu aa: «Hol poombɔɔ baa le. Yɔŋ ndu ɲɛ-ɲɛ vɔɔn te. I sina nihau válán maa a nɔ siòòŋii Hala-e, kani a túŋ ya pole nɔmnde pilɛlen nden te.»

Condii lisai 116:5

Mɛlɛka nɔ kɛndɛi, o sandu, Hala iɲííyo Hala naa co ni.

Kundalan 13:29

Amalɛkea co icali o tàndàá Nekɛv nin ni, Hitiia, Yebusiia a Amoriia co icali o tàndá pembun bɛndoo nin ni, Kanannda co icali o mɛmma ihɛllan Mediteranii holnɔnndo a o dɛɛla bɛndu balu Yurdɛn-ndo nin ni.»

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

2Samiɛl 22:31

Hala ndu, nɛi ndɔɔ tiwnun, sɔɛi Mɛlɛka-e co idiandaa válán. Ndu co vana kanda vanaa viannun ndu o ba bɛngu-a kpow-vo ni.

1Dɛnnda lemasalan 1:14

Kanaan kon yɔŋnun fuɲaa-mamaa le Yebusiia, Amɔnnda, Kirkasiia,

1Dɛnnda lemasalan 16:16

Kpema o yiilu Abraham-ndo co kon ni, mɛnalan o mɛnalan Isaak-o pɛɛn.

Ɛsdras 9:15

Mɛlɛka, Hala Israɛlla, vana sandaa n co ni. Lelan naa pumnda n co hau yoomu nuaa ni. Má cè naa nɔm o hɔl nanu a hakila naalan! Nduyɛ vana-vana bɛnda mò va nɔm o hɔl lende le.›»

Nehemi 9:33

O dɛnnda tosalan naa lan kpow nin, má yɔŋnun vana sandaa, má lo o lediom coo, kɛ naa n yɔŋnun vanaa lo o lediom coo le.

Esekiɛl 33:24

«Po vanacieo sei, vanaa co icali o cieon piɔlɛin mun nin Israɛl-la co dimio aa: ‹Abraham ndu pilɛ kpé va ni, kɛ mó hialu lɛŋnden nden kpow, kɛ naa naa n co sɛ́lɛ́ taw, nduyɛ naa lɛŋnden nden le yɔngun fasɛi ni!»