Nehemi 9:6 - BII BILA

⁶ Nɔm pilɛ kpé co Mɛlɛka ni. Nɔm tosa halataala bɛndoo a loeon kpow ni, nɔm cɔw lɛŋnden a ɲɛm co lecoo-on kpow ni, mɛmma ihɛllan a ɲɛm co lenin-ndon kpow bɛɛ nɔm toosiaa ni. Nɔm yɔngu ɲɛm cɔwnun-ndon kpow yoomoo ni. Ɲɛm cɔwnun coocoo o halataala-on kpow n co vulan baŋɔɔ nɔm o labɛngunin.

Nehemi 9:6 Referans Kwoze

Esai 37:16

«Mɛlɛka-Nɔ-Kpaayaa-Kpow-vo, Hala Israɛlla, nɔm co icali o mɛlɛkaa kanda ɲɛm Hala-on-nda coo-o, nɔm pilɛ kpé co Hala le masɛi co o lɛŋnden coo-e kpow ni! Nɔm cɔw halataalaa a lɛŋnden ni.

O Kandɔɔ 1:1

O kandɔɔ tasoo, mí Hala cɔaw halataalaa a lɛŋnden.

Dɛnnda cɔɔmuanndan 4:11

«Le nɔm biiloo, bɛɛlen a kpaayaa co ni Mɛlɛka Hala naa, kani nɔm cɔw ɲɔɔn kpow ni, nɔm cɛl ni mì n va, ɛɛ nduyɛ mì n cɔawnun.»

Tɔŋ miingua 10:14

La tofa vɔ, Mɛlɛka Hala niaa nɔ halataala, halataala co lenin di-di-o, lɛŋnden a ɲɛm co o lɛŋnden coo-on kpow ni.

Tɔŋ miingua 6:4

La yaŋ nilan, niaa cuavaa Israɛlla, Mɛlɛka Hala naa ndu pilɛ kpé co Mɛlɛka ni.

Esai 44:8

Lelan, la yɔŋ isiòòn te, la ɲííyà le. Kabi lɔ́ɔ́ levil mí dimul niaa sɔɛi he, mí tɛɛsial niaa dɛnɔɔ ho lenin kpow. Seyaa niaa niaa co ni. Vɛ̀ɛ̀ Hala celen co macoaa o ya kɔɔli? Kɛì-kɛì bɛɛ! Pow kpova celen co le. I sina o kɛ́-kɛ̀ celen te few!»

Esai 44:6

Mɛlɛka, masa Israɛlla a vana nda baŋaa soo, Mɛlɛka-Nɔ-Kpaayaa-Kpow-vo dimi aa: «Ya co vana tasoo ni, ya co vɛlɛ vana mɛɛlaa ni, o ya kɔɔli, Hala celen co le!

2Masaa 19:15

Mó piɛi Mɛlɛka aa: «Mɛlɛka, Hala Israɛlla, nɔm co icali mɛlɛkaa kanda ɲɛm Hala-on-nda tɛɛn-ndo, nɔm pilɛ kpé co Hala le masɛi kpow o lɛŋnden coo ni, nɔm soli halataala a lɛŋnden ni.

O Kandɔɔ 2:1

Nuaa halataalaa, lɛŋnden a ɲɛm co lenin-ndon kpow n cuu cɔvɔɔ ni.

Esai 43:10

Mɛlɛka dimi aa: «Niaa co seyaa niaa ni, niaa a vana ni baala ya hɛli-o haliko mi la sina ya, o kon mì la laalan ya, mì la bii bila maa ya ni. Hala celen toosian ya laci le, o ya kɔɔli Hala celen venin vɛlɛ le.

Dɛnnda cɔɔmuanndan 14:7

Mó va dimio coocoo kpélén aa: «La tuisin Hala o labɛngunin mì la ke ndu biiloo, kani telen o kialunin yamɛi ndɔɛi-yo tiiya. La baŋ vulan vana toosiaa halataalaa, lɛŋnden, mɛmma ihɛllan a peela leboltan-ndo o labɛngunin.»

Condii lisai 36:6

Mɛlɛka, vanakɛndɛyɛi nɔmnde co o halataala, Kaola nɔmndo tiiya coocoo di.

1Masaa 8:27

Kɛ nduyɛ, vɛ̀ɛ̀ Hala nɔla pá calle o lɛŋnden coo? Tofa vɔ mɛɛ halataalaa pɛngɛlan mó tiw tɛngɛ̀-tɛngɛ̀ yɛ, a kon kpow Hala sul o halataala le, o co vɔ le sulɔɔ o Cɛile ya tengul ndu len-nden nin te!

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Hebreea 1:6

O kon kɔɔli, telen o cuu po ndɔ tasoo o ceendo coo-o, mó dimi aa: «Mɛlɛkaa Hala-a kpow a bɛnda mà biilu ndu.»

Esai 37:20

Lelan, yandi Mɛlɛka Hala naa, baŋa naa sunsun mà soli naa Sennakerib o ba, haliko mi masɛi co o lɛŋnden coo-e kpow i sina maa nɔm pilɛ kpé co Mɛlɛka ni.»

Condii lisai 86:10

Kani a co o bɔɔ, a co sɔɔn kaaman tosaa, nɔm pilɛ kpé co Hala kpeekpeiyo ni.

2Masaa 19:19

Kɛ nɔm Mɛlɛka, Hala naa, baŋa naa Sennakerib o ba, haliko mi masɛi o lɛŋnden coo kpow i sina maa nɔm Mɛlɛka, nɔm pilɛ kpé co Hala ni.»

Esekiɛl 20:11

Mí yɔngu nda silala nilan, mí cɔm nda tɔŋnda nilan, la vanacieo bɛnda mò kela coo haliko mi la tosa mó tuei yoomoo yeela lan.

Condii lisai 146:6

Mɛlɛka cɔw halataalaa ni, lɛŋnden, mɛmma ihɛllan a ɲɛm co lenin-ndon kpow, Mɛlɛka lo o lediom coo lɔ́ɔ́-lɔ́ɔ̀-o o co ni.

Condii lisai 103:21

La mel Mɛlɛka balika, niaa vanaa baalaa ndɔa co hɛnan ndɔɔ tosaa-a.

Condii lisai 33:6

A sɔɛi sondoei Mɛlɛka cɔw halataalaa ni, mí hoeyii fula ndu o sondo-e cɔaw loeon co kundaa lon-ndon.

1Masaa 22:19

Mí Misee dimi vɛlɛ aa: «Tuei-yɔ niko diom Mɛlɛka dimi-o. A toɲa, i ce Mɛlɛka icali o kpɛŋɛ ndɔ lemasaa nin o halataala, vanaa ndɔa baalaa va isisi ndu ikɛi, a va a balaa sɔ́ o ba kɛndɔɔ coo a o ba mɛllo coo.

Nsaŋ 10:30

Naa Pua, ɲɔɔ ndu pilɛ kpé naa n co ni.»

O Kandɔɔ 32:2

Mí Yakɔb ndu bii nɛiyo le kɔlan o ndu lo. Mí mɛlɛkaa Hala-a hun ndu bɔŋaa.

Dɛnnda kiilaa 4:24

Ndáà tueyɔɔ sɔɔn mun, mí nda kpow a piɛi Hala o diom pilɔɔ nin aa: «Mɛlɛka, nɔm cɔw halataalaa, lɛŋnden, mɛmma ihɛllan a ɲɛm co lenin-ndon kpow ni.

Nehemi 9:5

O kon kɔɔli mí leviia: Yosue, Kadmiɛl, Bani, Hasabnia, Serebia, Hodia, Sabania a Petahia dimi aa: «La cɔn mì la mel Mɛlɛka Hala niaa balika. La mel ndu balika le fɛɛn a fɛɛn.» «Màá diola nɔmnda tɔ́ɔ́lan la sɔla biiloo, kani diola hiow naŋɔɔ lan la co ni.

Condii lisai 24:10

Nɛ̀ɛ́ co yɛ Masa tɔ́ɔ́ bɛndu kon? Mɛlɛka-Nɔ-Kpaayaa-Kpow-vo, ndu co Masa tɔ́ɔ́ bɛndu kon ni!

Condii lisai 102:25

O kon, mí yonda aa: «Éé Hala nuu, kialu palɛi nii yoomuɛi tɛɛn te, nɔm Hala fɛɛn-fɛɛndo!»

Condii lisai 115:15

Màá la sɔla duaa fulaa Mɛlɛka o ba, Mɛlɛka cɔw halataalaa a lɛŋnden-ndo pɛɛn!

Esai 45:12

Ya cɔw lɛŋnden ni, ya pila cɔw vɛlɛ vanacieo lecoo ni, ya ni, bala nilan la tondu halataalaa ni, ya pila toosiaa kpaayala co lenin-ndan kpow ni.

Yonas 1:9

Mí Yonas mulul nda aa: «Hebreenɔɔ ya co ni, Mɛlɛka ya biilù ni, Hala co o halataala-o pɛɛn. Ndu toosiaa mɛmma ihɛllan a lɛŋnde kɔngɔlen ni.»

O Kandɔɔ 1:9

Mí Hala dimi aa: «Mɛmma co o lɛŋnden coo-an mà diinún nɛɛ pilɛ mì kɔngɔ vesɛiyo lo baa pilɔɔ.» Mí ɲɔɔ tosan lende.

Tɔŋ miingua 32:39

Lelan, la sina maa ya co Hala ni, maa hala celen co o ya kɔɔli le. Ya yɔngù piɔ́mndo ni, ya yɔngù yoomoo ni. Ya boli vana ni, ya koni singi vana ni. Vana-vana nɔla mò hɛlu ɲɛ-ɲɛ ya o ba le.

Condii lisai 124:8

Mɛlɛka pila o ba mala naa co fulaa ni, o cɔw halataalaa a lɛŋnden-ndo.

Yeremi 32:17

«Àá Maalii Hala, nɔm siɛndi ba nɔmndo ni, má soli halataalaa a lɛŋnden, a kpaaya nɔm bɛndoo. Ɲɛ-ɲɛ kindu a nɔm te.