Nehemi 9:5 - BII BILA

⁵ O kon kɔɔli mí leviia: Yosue, Kadmiɛl, Bani, Hasabnia, Serebia, Hodia, Sabania a Petahia dimi aa: «La cɔn mì la mel Mɛlɛka Hala niaa balika. La mel ndu balika le fɛɛn a fɛɛn.» «Màá diola nɔmnda tɔ́ɔ́lan la sɔla biiloo, kani diola hiow naŋɔɔ lan la co ni.

Nehemi 9:5 Referans Kwoze

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

Ɛsdras 3:11

Má soli condun lisan a condun malaa balikan o polalen a pilɛn-pilɛnnda le Mɛlɛka biiloo, má va dimio o condei nin aa: «Mɛlɛka naŋ bɔɔ! Vanakɛndɛyɛi ndɔɛi, i co le Israɛl le fɛɛn a fɛɛn!» O kon mí vannda kpow deŋi coocoo kpélén le Mɛlɛka lisaa le tùú nda va Cɛi biilaa ndɔɔ kilaa-o.

1Dɛnnda lemasalan 29:13

Sisa Hala naa, n mel nɔm balika mí n lisa diola nɔmnda sɔvɛlan.

Condii lisai 146:2

Tuma ya vanin yoomu-o kpow bɛngu, i vanin balan lɔɔ, o ceen nuu nin kpow, i vanin condon solio le Mɛlɛka lisaa.

Condii lisai 145:5

I yeema mì soo a biilu bɛndu masale nɔmnden le nɔ-o o kɔɔ, mì keela kɔllo o dɛnnda kaamaala nɔmndan coo.

Condii lisai 145:2

I vanin nɔm lisaa lɔ́ɔ́-lɔ́ɔ̀, i vanin diola nɔmndan sangalaa tuŋ.

Condii lisai 134:1

Condii vannda keì solio nɛi-tɛɛn o kɔlan-nde. Niaa vanaa baalaa Mɛlɛka-a kpow, la mel ndu Mɛlɛka balika, niaa vanaa lo baalaa icɔl o cɛi Mɛlɛka-o nin-nda pɛɛn.

Condii lisai 106:2

Ɔ́ɔ̀ vana tiwnin ba mò cɔm dɛnnda kaamaala Mɛlɛka lan, mò cɔm vɛlɛ biilu ndɔɔ nɛɛ-nɛɛ ka-o?

Condii lisai 16:2

I dimul Mɛlɛka aa: «Nɔm co Maalii nuu ni, i nɔ dɛnɛ kɛndɛ celen hiovɔɔ o nɔm coo le.»

2Dɛnnda lemasalan 20:19

Mí leviia pum, fulaa o polale Kehat len a o polale Kore len nin-nda a sim, má heelu diomndan kpélén le Mɛlɛka Hala Israɛlla biiloo.

2Dɛnnda lemasalan 20:13

Vanpiaandua Yuda kpow, handɔɔ laandaa ndaa a á cuavaa ndaa coo a va isisi Mɛlɛka o hɔl.

1Dɛnnda lemasalan 29:20

O kon mí David dimul vannda kpow aa: «La mel Mɛlɛka, Hala niaa balika.» Mí nda kpow mel Mɛlɛka, Hala fuɲaa ndaa mamaa balika. Má tundun háá lɛŋ, Mɛlɛka a masaa o hɔl.

1Dɛnnda lemasalan 29:11

Le nɔm Mɛlɛka bɔɔbɔɔyɛi, kpaayaa, biiloo, masalen a naŋɔɔ fɛɛn-fɛɛndo co ni. Kani ɲɛm co o halataala-on a mun o lɛŋnden coo n co le nɔm. Nɔm nɔ masalen ɲɔɔn kpow coo ni.

1Masaa 8:27

Kɛ nduyɛ, vɛ̀ɛ̀ Hala nɔla pá calle o lɛŋnden coo? Tofa vɔ mɛɛ halataalaa pɛngɛlan mó tiw tɛngɛ̀-tɛngɛ̀ yɛ, a kon kpow Hala sul o halataala le, o co vɔ le sulɔɔ o Cɛile ya tengul ndu len-nden nin te!

1Masaa 8:22

O kon kɔɔli, mí Salomɔn sim o fonda-loamaa-lasálà Mɛlɛka-o hɔl-ndɔ Israɛlaa sɛ́lɛ́a va lon-nda kpow o hɔl, mó heelu balan, mó dimi aa:

1Masaa 8:14

Mí masaa Salomɔn mulin, mó dɔaw Israɛlla kpow duaa, sɛ́lɔ́ɔ́ kpow va isisi ndu ikɛi.

Tɔŋ miingua 28:58

Te la bìí sɔɔn tɔŋndo ho kpow, mì la kela lecoo le, sɔɔn sɛvan mun o sɛbɔɔ nin-ndon pɛɛn, te la yɔ́ŋ siòònde a diola lebɛɛla kpúlúnkùmala Mɛlɛka Hala niaa le,

Fulaa 15:11

Mɛlɛka, hala kuɛɛ co yɛ maa nɔm o halaa tɔ̀a tɛɛn? Nɛ̀ɛ́ co yɛ o diandaa maa nɔm? Kpúlúnkùma tosa sɔɔn tɔ́ɔ́ bɛndon-ndo n co ni. Nɛ̀ɛ́ tosà yɛ kaamaalan maa nɔm?

Fulaa 15:6

Mɛlɛka, ba nɔm kɛndɔɔ cɔm kpaaya nɔmndo. Mɛlɛka, ba nɔm kɛndɔɔ kposoŋa yaamɔaa nɔmnda.

1Masaa 8:15

Mó dimi aa: «I mel Mɛlɛka Hala Israɛlla balika le kpema o yiilu David fuɲa ni-o peeloo, kani mí ndóò dimi aa:

Nehemi 9:4

Mí Yosue, Bani, Kadmiɛl, Sabania, Buni, Serebia, Bani a Kenani sim o bando leviia coo, má heelu diomndan le Mɛlɛka Hala ndaa piɛiyo.

Nehemi 9:6

Nɔm pilɛ kpé co Mɛlɛka ni. Nɔm tosa halataala bɛndoo a loeon kpow ni, nɔm cɔw lɛŋnden a ɲɛm co lecoo-on kpow ni, mɛmma ihɛllan a ɲɛm co lenin-ndon kpow bɛɛ nɔm toosiaa ni. Nɔm yɔngu ɲɛm cɔwnun-ndon kpow yoomoo ni. Ɲɛm cɔwnun coocoo o halataala-on kpow n co vulan baŋɔɔ nɔm o labɛngunin.

Masaa kialaa n'yamaa 13:18

Mí mɛlɛkanɔ Hala-o muli aa: «Le yɛɛ nɛ n yeema yɛ diola nilan sinaa? Diola kaamaalan la co ni.»

1Dɛnnda lemasalan 16:36

Biiloo co le Mɛlɛka Hala Israɛlla, le fɛɛn a fɛɛn! Mí vannda kpow cɛl o lepilɔɔ aa: «Amiina! Biiloo co le ndu.»

SƐBƐ YƆB-O 1:21

mó dimi aa: «Fondo ya hin fulaa kala nuu o ipulu ni, fondo koni ya muungunin vɛlɛ lɛŋ ni. Mɛlɛka yɔngu ni, Mɛlɛka poonda vɛlɛ ni, màá biiloo va le ndu Mɛlɛka!»

Condii lisai 66:2

La lisa diola ndɔla tɔ́ɔ́ bɛndulan o condon nin, la biilu ndu o condon nin.

Condii lisai 99:3

Màá vannda biilu nɔm, nɔm Hala bɛndoo a Hala lakaamaa! A toɲa, nɔm pilɛ kpé co Hala kpeekpeiyo ni.

Daniɛl 2:20

«Màá diola Hala lan la sɔla biiloo le fɛɛn a fɛɛn! Kani ndu nɔ kɔlkaloo a kpaayaa ni.