Nehemi 9:24 - BII BILA

²⁴ Mí poaa ndaa puu lɛŋnde len, má cal lenin. Má mal Kanannda nda o ba, haliko mi Kanannda va nda o ba bɛngu. Mí vanaa nɔmnda tosa ɲɛ hɛnan nda-o a masaa a á vanaa va o lɛŋnde len nin-nda.

Nehemi 9:24 Referans Kwoze

Yosue 21:43

Nuaa Mɛlɛka ke Israɛlla lɛŋnde ndóò yiilu fuɲaa ndaa mamaa kpemaa le nda len yɔngoo len ni. Má sɔla len, má cal lenin.

Yosue 18:1

Mí Israɛlla kpow a cuungian Silo, má baŋ cɛi-kola-toandaa-labɔɔŋianndo lon. Lɛŋnden kpow le va nda o ba bɛngu.

Yosue 11:23

Mí Yosue hialu lɛŋnde len kpow maa mɛɛ Mɛlɛka ndóò dimul Moise yɛ. O kon, mí Yosue yɔngu Israɛlla lɛŋnde kalalen ɲɛ nda pɛ́-pɛ́, mó piɔw nda len tɛɛn mɛɛ nda va a polama yɛ́-yɛ́an yɛ. O kon, mí vannda pɛngi cɔwlan tosaa.

2Timote 2:26

o kon mà muungu o nda pila nin, mà hɛlun yaŋɔɔla nda va nin-ndan, la ɲina vɔɔndo toosiaa haliko mi ndáà tosa yiyan ndɔɔ lan.

1Dɛnnda lemasalan 22:18

Mó ɲuna nda aa: «Vɛ̀ɛ̀ Mɛlɛka, Hala niaa co niaa ikɛi le? Vɛ̀ɛ̀ o co ndu le yɔngu niaa pɛngio mì la vannun yili le? Kani ndu mal vanaa-mangalaa-isɔaa va o lɛŋnden nden nin-nda ya o ba ni. Sisa, vanaa kan co Mɛlɛka a vanaa ndɔa o ba bɛngu.

Yosue 21:45

Mí kpemala kɛndɛla Mɛlɛka ndóò yiilu Israɛlla lan kpow la peelun, o kɛ́-kɛ̀ lo le kɛɔ peelɔnndo le.

Kundalan 14:31

Kɛ hɔ́aa niaa, á niaa dimi aa yaamɔaa niaa co nda diw-va, i co nda yɔɔ lon mà kɔ sina lɛŋnde niaa kɛɛ len-nden.

Masaa kialaa n'yamaa 4:23

Paale len, mí Hala siinguu Yabin masa Kanannda ɲɛ fondoo Israɛlla o hɔl.

Yosue 10:40

Mí Yosue bii lɛŋnde len kpow, cɔnɔnndo o tàndá n'pemboo, keiyo a tàndá co a ba too-o, kɔ fula o dɛɛlalan nin, kɔ tiiya a tàndá co o mɛnndan kɔngɔ-o, a masaa va lon-nda kpow. Vana-vana helun ndu le, mó diw ɲaa yoomaa kpow, maa mɛɛ Mɛlɛka Hala Israɛlla ndóò dimul ndu yɛ.

Yosue 12:12

masaa Ɛklɔn, masaa Kesɛr,

Yosue 12:24

a hoo Tirsa. Faw-faw, má bɛnda masaa beleyaa a ò pilɛ.

Ɛstɛr 9:5

Mí Yuifia cuukuu yaamɔaa ndaa kpow a mɔɔn cɔwvon, má cii nda diw, má tosal vanáà pɛɛsa nda kan-nda mɛɛ ndáà yeema yɛ.