Nehemi 9:19 - BII BILA

¹⁹ nɔm, a kaola nɔm nɔ lamɛɛlu loo, a mel nda o lɛŋnde veselɛilen nin te few! Tindile ikumnden le va nda vɛlɛ simndan laci, le va nda nɛiyo cɔmndo ipala, le faŋan nda ikɛi le, vundule leyinnden bɛɛ le va nda nɛiyo teengiaa laci icɔl o kɔlan.

Nehemi 9:19 Referans Kwoze

Condii lisai 106:45

mó yiyan le kpema ndóò yiilu nda-o. Le tùú o kaola nda taw-vo, mó mangala tuu ndóò tuu kon-ndo,

Nehemi 9:27

O kon, nɔm Mɛlɛka, má mal Israɛlla yaamɔaa ndaa o ba, mí yaamɔaa kan saangiaa nda. Má koŋul nɔm o lani le sanga nda va kon-ndo, má tuɛi nda diom nɛɛ n co o halataala dí-a. A ɲíí nɔmii bɛndui nɔ lamɛɛlu lei, má viam vannda le nda solio o cɛlen nin yaamɔaa ndaa o ba.

Malasi 3:6

«Ya Mɛlɛka, i yɛlɛman te. Niaa niaa, cuavaa Yakɔb-a tuŋ niaa co ni.

Nehemi 9:12

Nɔm Mɛlɛka, a va vanaa nɔmnda simndan laci ipala o tindile ikumnden nin, icɔl o tindile leyinnden nin le nɛi ndaa teengiaa.

Daniɛl 9:18

Hala nuu, yaŋ-ndɔ nilan ma tuei! Mɛɛndan-ndɔ ɲɛkɛndɛi, ma ce mɛɛ naa n co o mɔnɛi nin yɛ. Nua vɔ mɛɛ kobi diola nɔmndan la co piɔlnɔnndo nin-ndo siɔŋ yɛ. O co le kela naa sandaa le naa n co nɔm tɛɛlɔnndo le, kɛ le ɲíí nɔmii bɛnduei.

Daniɛl 9:9

Nɔm Maalii Hala naa ɲííye a haki malaa co o ba ni. Kani n simul nɔm a nila kalulan.

Kundalan 14:14

mí nda pila dimul vanaa co o lɛŋnden nden nin-nda maa nɔm Mɛlɛka, a co nda tɛɛn, maa kpendekele n cɔmnun nda ni, maa tindile ikumnde nɔmnden le co nda isisi laci, maa o vundule leyinnden nin n sim nda laci icɔl ni.

Esekiɛl 20:22

Kɛ mí mingi ba nuu, kani mí yiyan le diola nilan, yɔŋii la tambu vanaa-mangalaa-isɔɔa ya va cɔu mí soli Israɛlla o lɛŋnde Esipte len nin-nda o hɔl.

Esekiɛl 20:14

Kɛ mí tosa ɲɛ pum le diola nilan, yɔŋii diola nilan láà tambu vanaa-mangalaa-isɔɔa va cɔu mí soli Israɛlla o lɛŋnde Esipte len nin-nda o hɔl.

Cɛɛŋɔnnda Yeremi lan 3:22

Vanakɛndɛyɛi Mɛlɛka-e cuu le, ɲíí ndɔɛi nɔ lamɛɛlu le.

Esai 44:21

Niaa cuavaa-imamaa Yakɔb-a sei, la loonun a sɔɔn mun. Niaa polale Israɛl-ten, la loonun! Kani vanaa niaa baalaa niaa co ni, niaa cuavaa Israɛlla, i pɔɛɛnunnin niaa le.

Nehemi 9:31

Kɛ hali a kon, a kaola nɔm nɔ lamɛɛlu loo, a cii nda le, a kɛɛ nda le, kani Hala iɲííyo a Hala nɔ kɛndɛi-yo n co ni.

Fulaa 40:38

Kani Israɛlla kpow va kumnde cɔu ipala o Calta Mɛlɛka lan coo, yinnden le va fulaa o kumii ken nin icɔl. Háá má tiiya nɛɛ nda va kɔlan-nda, nɛɛ-nɛɛ ndáà kila pɛ dɔ́ɔ́ngɔ́ɔ̀, lende ɲɔɔ va tosanndo ni. Kon va cɔmndo ni maa Mɛlɛka co nda tɛɛn.

1Samiɛl 12:22

Mɛlɛka melnin niaa le few, kani ndu pila siinguu niaa vanaa ndɔa ni. Nduyɛ, o tosa ken le diolan ndɔla bɛndulan.

Fulaa 40:36

Kandɔɔ paale len, háá telen nda tiiya-o, te Israɛlla ndáà ce nin dɔ́ɔ́ pɛ kumnde cɔnɔnndo o Calta Mɛlɛka lan coo, ndáà faŋan nɛɛ nda va icali-a le hiovɔɔ laci.

Tɔŋ miingua 8:2

La loonun a nɛi Mɛlɛka Hala niaa yɛɛ niaa coo o vɔsila belehiɔɔlulan-ndan bɛngu o lɛŋnde veselɛilen nin-ndo. O tosa kon le niaa siɛmbulan tuisio, le niaa tɔɔndanndo, le yiyannda co niaa o kɔl-tan sinaa a le sinaa te niáà biinin tɔŋnda ndɔlan.

Condii lisai 136:16

O yɛɛ vanaa ndɔa o lɛŋnde veselɛilen nin-ndo, kani kaola ndɔɔ nɔ lamɛɛlu le.

Esekiɛl 20:17

Kɛ mɛɛ ya tofa nda, mí ɲíí ndɛi bii ya taw, mí ɲííye bii ya le nda ciiyo diwvo. Le hee, i cii lɛ nda diw o lɛŋnde veselɛilen nin te.