Nehemi 9:17 - BII BILA

¹⁷ Má kɛɛ diom nɔmndo biyɔɔ, má pɔɛɛnun dɛnnda kɔndɔfilta bɛndula n tosal nda lan, má kindi nilan, má dimi le muungɔnndo Esipte o cɛle ndalen nin. Kɛ nɔm, a mel nda le, kani Hala mal vana haki-o n co ni, Hala nɔ ɲííye a kɛndɛi-yo. A biwnùn, a pɛ a dɛnɛ kɛndɔɔ.

Nehemi 9:17 Referans Kwoze

Condii lisai 86:5

Kani nɔm Maalii mal vana haki ni, a naŋ, a nɔ kɛndɛi taw le vanaa co nɔm piɛiyo-a.

Yɔɛl 2:13

La sɛ́ɛ́siàà volɔɔla niaala cuɛinanndan o laan te, kɛ la sɛɛsiaa kɔlta niaalan, mì la muungu Mɛlɛka Hala niaa o ibuŋ. Kani o nɔ kɛndɛi a ɲííye taw. O yala kɔl tuulu le, o nɔ canyɛi taw-taw. O mangalà yiyanndo mò mal dɛnɛ palaa ndóò kɔngɔlan le tuisio-o.

Condii lisai 86:15

Kɛɛ nɔm Maalii, Hala iɲííyo a Hala ikɛndɔɔ n co ni, a yala kɔl fula le, a nɔ kaolaa taw, vana lo o lediom coo-o n co ni.

Rɔmnda 9:15

Kani mó dimul Moise aa: «Vana ya ce pɛ ɲia, i ce ndu ɲia, vana ya tuinun pɛ iɲíí, i tuinun ndu iɲíí.»

Condii lisai 78:38

Kɛ ndu Hala, le tùú o nɔ ɲííye taw-vo, mó va nda hakilan malɔɔ, mó kɛɛ le nda ciiyo diwvo. Lɔ́ɔ́ lepum, o ɲulul kɔl, o ve kɔl ndɔ tuwvo tindi le.

1Masaa 6:13

I vanin Israɛlla tɛɛn, i melnin vanaa nia le, Israɛlla pɛɛn.»

Condii lisai 106:7

Telen fuɲaa naa mamaa va Esipte-o, a luei dɛnnda kaamaala n tosa lan yii le, má pɔɛɛnun dɛnnda kɛndɛla n tosal nda lan, má kindi nilan o mɛmma ihɛllan kɔngɔ, mɛmma ihɛlma makpɛ̀ndɛ̀an pɛɛn.

Condii lisai 78:11

Má pɔɛɛnun dɛnnda bɛndula ndɔlan, a dɛnnda kɛndɛla o cɔm nda lan.

1Masaa 8:57

Màá Mɛlɛka Hala naa lo naa ikɛi mɛɛ o va fuɲaa naa mamaa ikɛi yɛ! Màá ò múlùl naa kɔɔ mo mal naa le!

Condii lisai 106:13

Kɛ tamala bɛɛ, má pɔɛɛnun ɲɛ o tosal nda-o, a cum ndɛ tuu ndɔɔ le.

Condii lisai 130:4

Kɛɛ nɔm, a tiwba mà mal vana haki, lelan, mɛɛ mì vana ke nɔm bɛɛlen.

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Dɛnnda kiilaa 7:39

Kɛ fuɲaa naa mamaa ndáà yeema mì ndáà tuei ndu diom te. Má pɛɛsa ndu, má yiyan le muungɔnndo Esipte.

Talelan 1:24

Le tùú ya veelu kɛ mí la kasa le hunɔɔ-o, le tùú ya siɛndi ba nuu kɛ vana-vana saalan ya loo,

Kundalan 16:14

Handɔɔ o kon coo, o co o lɛŋnde cɔlua a tɔlɔɔlan la naŋ nin taw-taw len nin te n cuu naa le. O co n'ciɛɛ a nakɔla n'rɛsɛn te n yɔngu naa le. A ca ko aa vanaa sumɛiya naa kpede n co ni? N co lakɔ veelu nɔmndo le few.»

Kundalan 14:41

Mí Moise dimul nda aa: «Le yɛɛ nɛ niaa co yɛ faŋanndo o diom Mɛlɛka dimi-o coo? Tambei niaa co kɔlan nuaa ni.

Kundalan 14:11

Mí Mɛlɛka dimul Moise aa: «Mì vannda ha lo ya pɛɛsaa háá lɔ́ɔ́ kuɛɛ nɛ? Mà lo ya kɛɔ laalanndo háá lɔ́ɔ́ kuɛɛ nɛ? Nduyɛ, i tosa sɔɔn kaaman taw nda tɛɛn.

Nehemi 9:31

Kɛ hali a kon, a kaola nɔm nɔ lamɛɛlu loo, a cii nda le, a kɛɛ nda le, kani Hala iɲííyo a Hala nɔ kɛndɛi-yo n co ni.

Yeremi 19:15

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa yáà dimi le tuisio kobio ho coo-o tuisi, mò tol ndu a o ceen balu ndu-on coo, kani vanaa co lenin-nda kendu bɔɔ bollen, a kɛɛ le sɔɔn ya co nda dimullo-on biyɔɔ.›»

Esekiɛl 5:6

Kɛ má tosa nila kalulan, má kɛɛ le tɔŋnda nilan a silala nilan biyɔɔ, má tosa kɔlvesɛiyo hiovɔɔ vanaa-mangalaa-isɔɔa a lɛŋii balu nda-e coo. Kani vanaa co lon-nda pɛɛsa tɔŋnda nilan, má kɛɛ le kelaa o silala nilan coo.

Daniɛl 9:9

Nɔm Maalii Hala naa ɲííye a haki malaa co o ba ni. Kani n simul nɔm a nila kalulan.

Nahum 1:3

Mɛlɛka biwnùn, kpaaya ndɔɔ co o bɔɔ. O bíì vana tɛɛmbùù dɛnɔɔ-o maa vanaa tɛɛmbúú dɛnɛ loo le. O va pɛ kɔlan felenfelenndo cɛn. Yumbuyumboo co cundu can ndu o pelon bɛngu-o ni.

Fulaa 32:9

Mí Mɛlɛka cɔɔlu vɛlɛ Moise dimul aa: «I sina nihau maa vannda ha vanaa nila kalua nda co ni.

Tɔŋ lasálàá 26:44

Ya yɛ, hali tuma nda vanin a saŋnannda o lɛŋii yaamɔaa ndaa nin-ndo, i kɛɛnin nda few-few le, a nɛinunnin ya le, i ciinin nda le, i tɛɛmbuunin kpema nuu a nda le. Kani Mɛlɛka ya co ni, Hala ndaa pɛɛn.

1Samiɛl 12:22

Mɛlɛka melnin niaa le few, kani ndu pila siinguu niaa vanaa ndɔa ni. Nduyɛ, o tosa ken le diolan ndɔla bɛndulan.

2Dɛnnda lemasalan 36:13

Mó simul vɛlɛ masaa Nebukanɛsar, óò vem ndu mɛnanndo o diola Hala lan-ndo. Mó luɛi o seesiɛi, mó kindi nilan, mó kɛɛ le Mɛlɛka Hala Israɛlla muungoo o ibuŋ.

Ɛsdras 9:9

Kani cɛa naa n co ni, kɛ o cɛle naale len nin, nɔm Hala, a mel naa le few. Má luei masaa Pɛrsea kɔl iɲííyo nin a naa, haliko ma ce naa ɲia. Má cɛl vɛlɛ naa le Cɛi biilaa nɔmndo mingio tangullo, o ndóò del nin-ndo pɛɛn, haliko mi n sɔla caltan Yerusalɛm a o tàndá Yuda-o nin.

Condii lisai 78:10

A bii kpema Hala ndóò yiilu nda-o le, má kɛɛ le kelaa o tɔŋ ndɔɔ coo.

Yeremi 7:26

Kɛ la tui ya diom te, la yeŋ lani le. Mí la tosa bolle kalalen, mí la tosa dɛnɛ vɔɔndo hiovɔɔ fuɲaa niaa mamaa coo.»

Yeremi 18:15

Kɛ nduyɛ vanaa nia pɔɛɛnun ya, má muungu piɔmaa co n'hala le-a sálàlan solullo, má va faŋanndo o nɛi nda paandoo coo, le sɔɔndianndo nɛɛ nɛi co le-a.