Nehemi 9:16 - BII BILA

¹⁶ Kɛ mí fuɲaa naa imamaa tosa yongaa, má kɛɛ nɔm diom, a yeŋ nilan o tɔŋnda nɔmndan te.

Nehemi 9:16 Referans Kwoze

Nehemi 9:29

Má baŋ nda le tɔŋ nɔmndo biyɔɔ, kɛ má tosal nɔm nila kalulan, a yeŋ nilan o tɔŋnda nɔmndan te, má kɛɛ le silala nɔmndan biyɔɔ. Nduyɛ, silala lan, la co vanaa co lan biyɔɔ-a ciindiaa. Má tosal nɔm yongaa a nila kalulan, má kɛɛ le nɔm yaŋnɔnndo few-few.

Hebreea 3:15

O co o sɛvaa aa: «Te la tuei pɛ hau diom Hala-o, la kìndì nilan maa mɛɛ o tosan paandu mí la simul ndu yɛ le.»

Rɔmnda 2:5

Kɛ le tùú n co nila kalulan tosaa mà va kɛɔ dɛnnda lan bilaa biyɔɔ-o, kɔltuw bɛndu Hala-o hun toalnin nɔm coo o paale kɔltuwlen coo, paale yamɛi sandɛi Hala-e fulanin ceen-nden.

Nehemi 9:10

Má tosa dɛnnda kɔndɔfilta bɛndulan le Faraɔnnɔɔ cɔlɔbaa, le langbaa ndɔa kɛsun kálàá a vanaa va o lɛŋnde ndɔlen nin-nda kpow cɔlɔbaa, kani nɔm sina mɛɛ nda bii fuɲaa naa imamaa a yongaa yɛ. Mí diola nɔmndan la sɔla tɔ́ɔ́ bɛndoo, tɔ́ɔ́ kon co vɔ háá hau.

Tɔŋ miingua 31:27

Kani i sina nila kalula niaalan a sɔɛi biyaa lepɛŋii niɛi. Bau la co vɔ Mɛlɛka simullo telen ya co vɔ hoo hau yoomu niaa tɛɛn-ndo, vɛ̀ɛ̀ la koma simulnin ndu lɔ́ɔ́ ya vunin-ndo hiovɔɔ o hoo coo le?

Hebreea 3:13

Hau-hau, Hala co hiovɔɔ laci a sɔɛi o niaa lo. Lelan, la va lɔ́ɔ́-lɔ́ɔ̀ yoomuan lueinanndo vellaa-velle telen o co vɔ sɔɛi-yo. Haliko haki luei niaa o lapɔw nin te, vana kindi vɛlɛ lani o niaa tɛɛn mò kɛɛ le sɔɛi biyɔɔ le.

Dɛnnda kiilaa 7:51

Mí Etiɛn hiaw laci a sɔɛi, mó dimul nda aa: ‹Niaa vanaa bolii kalaa ha, niaa dii haa toma o kɔlta niaalan nin te-a, la kendu bɔɔ nilan! Fuɲaa niaa niaa vel ni. La co Hala Kɔl-Diandaa simullo lɔ́ɔ́-lɔ́ɔ̀!

Yeremi 19:15

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa yáà dimi le tuisio kobio ho coo-o tuisi, mò tol ndu a o ceen balu ndu-on coo, kani vanaa co lenin-nda kendu bɔɔ bollen, a kɛɛ le sɔɔn ya co nda dimullo-on biyɔɔ.›»

Yeremi 2:31

Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

Esai 63:10

Kɛ má yɔŋnun vanaa nila kalua, má del kasi a kɔl diandaa ndɔɔ, mí ndu bɛɛ siŋnun yaamɔɔ ndaa, mí ndu pila cɔlɔba nda.

Esai 48:18

Éé, te niáà yaŋ pɛ nilan o tɔŋnda nilan mi niáà bii lan, kɔlɲulu niaa ndóò vanin maa mɛmma pee bɛndu, dɛnɛ kɛndɛ niaa ndóò kuinin maa tindima mɛmma ihɛllan,

Esai 48:4

Kani yáà sina maa vanaa nila kalua niaa co ni, maa la kindi kɛsun niaan maa icilin, maa tendun niaan co n kala kpoke maa idaɲa.

Talelan 29:1

Vanndo kindi pɛ nilan, mò kɛɛ le sɔvun nda cɔm ndu-on yɛlɛmaa, o tambu o lepilɔɔ, toosiaa kɛ́-kɛ̀ ve lɛ le ndu le.

Condii lisai 106:6

N cua hakio maa fuɲaa naa mamaa, n tosa dɛnnda vɔɔnndan, n tosa kɔlvesɛiyo.

Condii lisai 81:8

La va o mɔnɛi nin, mí la cɛɛŋun, mí baŋa niaa, mí mulul niaa o diom mataŋndo nin, mí soli niaa kɔlɔ o mɛnndan Meriba ikɛi.

2Dɛnnda lemasalan 36:13

Mó simul vɛlɛ masaa Nebukanɛsar, óò vem ndu mɛnanndo o diola Hala lan-ndo. Mó luɛi o seesiɛi, mó kindi nilan, mó kɛɛ le Mɛlɛka Hala Israɛlla muungoo o ibuŋ.

2Dɛnnda lemasalan 30:8

La tosà nila kalulan maa fuɲaa niaa mamaa kan te. La tuisin tootoo Mɛlɛka o hɔl. La muungu o Fonda-Diandaa o dindi le lɔ́ɔ́-lɔ́ɔ̀-o nin. La tosál ndu Mɛlɛka Hala niaa baalaa, haliko mi kɔl ndɔ tuw bɛndoo faŋan niaa coo.

2Masaa 17:14

Kɛ a yeŋ lani le, má kindi nilan, mɛɛ fuɲaa ndaa mamaa ndáà tosa má kɛɛ le Mɛlɛka Hala ndaa laalanndo yɛ.

Tɔŋ miingua 32:15

Kɛ mɛɛ Yesurun de mó luɛi cuɛiyan, mó kandu nila kalulan tosaa. Mó kɛɛ Hala cɔw ndu-o, mó pɛɛsa Pow kpova baŋa ndu-o.

Tɔŋ miingua 9:27

Loonun a vanaa nɔmaa baalaa: Abraham, Isaak a Yakɔb. Tofa nila kalula vannda ha le, tofa kɔlvesɛi ndaa a haki ndaa le,

Tɔŋ miingua 9:13

Mí Mɛlɛka cɔɔlu vɛlɛ ya dimul aa: ‹I mɛɛndan vannda ha, vanaa nila kalua kposon nda co ni.

Tɔŋ miingua 9:6

Lelan, la cɔɔlu sina ɲɛkɛndɛi maa o co le dɛnɛ niaa sandaa le Mɛlɛka Hala niaa co niaa lɛŋnde kɛndɛle len yɔngu le, kani vanaa nila kalua niaa co ni.»

Tɔŋ miingua 5:29

Te ndáà lo niko pɛ o yiyan kɛndɔɔ ho coo, mì ndáà biilu ya a bɛɛlen, mì ndáà kela lepalaa-lepala o tɔŋnda nilan biyɔɔ nin, ɲɔɔ ndóò naŋnin bɔɔ, haliko mi nda a cuavaa ndaa imamaa ndáà sɔla dɛnɛ kɛndɔɔ le lɔ́ɔ́-lɔ́ɔ̀.

Fulaa 32:9

Mí Mɛlɛka cɔɔlu vɛlɛ Moise dimul aa: «I sina nihau maa vannda ha vanaa nila kalua nda co ni.

Fulaa 15:26

Mí Mɛlɛka dimul nda aa: «Te la bii pɛ diom nuu, ya Mɛlɛka, ya co Hala niaa-o, te la kela pɛ kela sandaa ya o hɔl, te la yaŋ pɛ nilan o silala nilan mì la bii lan kpow, i tuisinin niaa nààla ya tuisi Esiptea coo lan coo le, hali naa vaa lende o pilɛ o tulnin niaa coo le. Kani ya co Mɛlɛka ni, ya nɔ siongɔɔ niaa o ba ni.»

Yeremi 7:26

Kɛ la tui ya diom te, la yeŋ lani le. Mí la tosa bolle kalalen, mí la tosa dɛnɛ vɔɔndo hiovɔɔ fuɲaa niaa mamaa coo.»

Esekiɛl 5:6

Kɛ má tosa nila kalulan, má kɛɛ le tɔŋnda nilan a silala nilan biyɔɔ, má tosa kɔlvesɛiyo hiovɔɔ vanaa-mangalaa-isɔɔa a lɛŋii balu nda-e coo. Kani vanaa co lon-nda pɛɛsa tɔŋnda nilan, má kɛɛ le kelaa o silala nilan coo.

2Dɛnnda lemasalan 29:6

Kani fuɲaa naa mamaa lo o lediom coo a Mɛlɛka Hala naa le, má tosa ɲɛ bɛnda ndu o hɔl too. Má mal ndu, má faŋal Fonda-Diandaa hɔlla, má mulul Mɛlɛka kɔɔ.