Nehemi 9:15 - BII BILA

¹⁵ Má ke nda ɲɛdiaa fula o halataala-o le yima va nda nɛiyo-an, má soli mɛnndan o pow kpovaa nin le bolola vesɛila va nda lan. Má viam nda le nda lɛŋnde nɔm óò yiilu nda kpemaa le nda yɔngoo len hiɔlɔɔ.

Nehemi 9:15 Referans Kwoze

Tɔŋ miingua 1:8

La tofa vɔ, i yɔngu niaa lɛŋnde len, la luɛi lenin mì la hɛlu len. Lɛŋnde len Mɛlɛka yiilu fuɲaa niaa mamaa Abraham, Isaak a Yakɔb kpemaa le nda len yɔngoo nda cuavaa ndaa imamaa le fɛɛn a fɛɛn ni.»

Fulaa 17:6

Ya Mɛlɛka yɛ, i co va isisi nɔm laci o pow kpovaa coo o pembei Horɛb. A tiiya pɛ lon, a lɔɔ pow kpova kon a tindaa. O kon, mɛnndan ma fulanin ndon, mì Israɛlla kpow a kol man.» Mí Moise tosa lende kaasoŋaa kɔlkalua Israɛlla o hɔl.

Fulaa 16:4

O kon mí Mɛlɛka dimul Moise aa: «Tofa vɔ, i co niaa ɲɛdiaa tuisi coo fulaa o halataala. Vannda vanin fulaa lepalaa-lepala, mà va ndu cɔwviaa mɛɛ o tiw le paale len yɛ. I co vɔ nda tɔɔndan lende, haliko mi sina taa biinin silala nilan, te kon te taa biinin ndan te.

Esekiɛl 20:15

O lɛŋnde veselɛilen nin bɛɛ, yáà heelu baa ni, mí mɛnalan nda maa i lueinin nda o lɛŋnde yáà ke nda len nin ten, lɛŋnde cɔlua a tɔlɔɔlan la naŋ nin taw-taw len, lɛŋnde hiow lɛŋnde kpede naŋɔɔ len.

Condii lisai 114:8

Hala mìngì pow kpovaa limnde-o pɛɛn, mò mìngì pow kpova kàlà-kálàá soon mamɛnndo.

Tɔŋ miingua 8:3

A toɲa, mó tuisi niaa siɛmbulan a yiaan coo. Kɛ o kon kɔɔli, mó yɔngu niaa manne le dioo, niáà sina paandu ɲɛdiaa kon te, fuɲaa niaa mamaa bɛɛ a sina ndu le. O tosa kon kpow le niaa cɔmndo maa o co ko ɲɛdiaa daama le tosa mì vanacieo va yoomu le, kɛ sɔɔn fula Mɛlɛka o sondo-on kpow n tosa ni mì vanacieo va yoomu.

Nehemi 9:20

Má tosal nda kɛndɛi, má ke nda kɔlkaloo. Má va nda manne yɔngoo lɔ́ɔ́-lɔ́ɔ̀ le dioo, a mɛnndan le kolɔɔ.

Tɔŋ miingua 1:21

La tofa vɔ, Mɛlɛka Hala niaa mal lɛŋnden niaa o ba. Lelan, la kɔ mì la kɔ hiɔlu len mɛɛ Mɛlɛka, Hala fuɲaa niaa mamaa dimul niaa ndi yɛ. La yɔ́ŋ isiòòn te, la ɲííyà le.›

Kundalan 14:30

la luei o lɛŋnde ya mɛnan mí yii kpemaa le niaa kɔlan kɛsio lenin-nden nin te few. Fɔ Kalɛb, po Yefune-o a Yosue po Nun-ndo co luɛyɔɔ lenin ni.

O Kandɔɔ 14:22

Mí Abram mulul ndu aa: «I heelu baa mí mɛnan o Mɛlɛka lo, Hala-Hiow-Ɲɔɔn-Kpow-vo, o cɔw halataalaa a lɛŋnden-ndo,

Fulaa 6:8

I co niaa yɔɔ o lɛŋnde ya mɛnalan Abraham, Isaak a Yakɔb le nda len yɔngoo len nin. I co niaa len yɔngu ɲɛ niaa pɛ́-pɛ́. Ya Mɛlɛka soo nuaa ni.›»

Fulaa 17:3

Mɛɛ kolɔɔ bii nda tei, má koŋul a Moise o sondo, má dimi aa: «Le kɔlɔ yɛɛ nɛ n faŋa yɛ naa o lɛŋnde Esipte len nin? Bàà a yeema mì n cuu vu nanu a bolola vesɛilan naa cuavaa naa a cɔlua naa kpow?»

Esai 48:21

Kolɔɔ bii nda nɛɛ o kei a nda o lɛŋnde veselɛilen nin-nda le, mó soli mɛnndan o pow kpovaa le nda. Mɛɛ o tɛnda pow kpova kon, mí mɛnndan ma piɔl.

Yeremi 32:23

Má hun cal o lɛŋnde len nin. Kɛ a tui nɔm diom te, a kela o tɔŋnda nɔmndan coo le, a tosa dɛnnda nɔm óò dimul nda le tosaa kpow lan te. Le hee n cuu dɛnnda palaalan ndan kpow ni!